## ابي ارائكم وذوقكم ##

[ضوى]

شفتوا الصورة هاي ؟ وشبه المربع الاحمر هذي فتحة بديكور خشبي حلو مكان الكراسي الحالية ابي اسوي جلسة وراح تجي الكراسي عند هالفتحة شنو ممكن اقدر اسوي من غير مايخترب الشكل الجمالي للمكان من المقترحات اللي فكرت فيها :
1- تسكير الفتحة ببارتشن راقي وبشكل ديكوري يعني اقط عليه شال والا قماش راقي يناسب الجلسة
2 تسكير الفتحة بخشب بنفس اللون وتعليق لوحة فنية من برع وداخل
3- يبقى الحال مثل ماهو مع وضع طاولة طولية بطول الفتحة ووضع تحف جميلة تناسب الجلسة


اذا عندكم مقترحات اخرى ياليت تفيدوني واكون شاكرة جدا جدا جدا لكم مع خالص شكري وتقديري

[معماري قطري]

هنا لازم التنافس يكون نسائي وانتي ما شاء الله عليج ذويقة ومبين من المكان وأعرف باحتياجج

انا مشجع بس على المدرجات

[معماري قطري]

تميت اطالع الصورة وامخمخ فيها مع إني عندي موعد ام ار اي ومستعيل

يبين لي اللي ورا باب وقزاز وشكله يدخل نور للشجرة هذي .. والشجرة مسوية جو في المكان .. ما ادري ليش ناوية تغيرين أو ما فهمت شتبين تسوين .. الوضع الحالي وايد زين

[معماري قطري]

بيدخلون اثنين من الربع متوقعهم .. واحد بيقول انتوا يا أهل قطر زادت فلوسكم ولازم يقللون المعاشات وواحد صعب اتوقع تعليقه

[ضوى]

هلا اخوي معماري

اذا وجد الماء بطل التيمم

الفتحه هذي ومكان الشجرة تحديدا راح يكون في كراسي جلسه حرف يو بس زايد جزء الفتحه اللي انت تشوفها يعني شبه مستطيل غير كامل الزاويا وظهر الكراسي بيكون مقابل الباب الجزاز اللي تشوفه اللي هو مدخل الصاله

[ضوى]

بمعنى شفت الكرسين الموجودين حاليا راح تكون جلسه يعني بزاويه ولازم تلصق بطوفه وبتكون اقصر من حجم الكرسي الموجود حاليا جدام الفتحه بنص متر تقريبا

[sweet qatar]

مؤيدة للاقتراح الثاني

تتسكر بنفس الخشب .. سواء حطيتي عليه شي أو لا

اقتراح جميل و توفير للوقت والجهد والمال


و عليكم بالعافية جلستكم الجديدة

[معماري قطري]

شفتي شلون اختي ضوى الديكور له ناسه

انا باستشيركم إن شاء الله في شغلة يبي لها صور أكيد .. عندي صالة بارتفاع مزدوج يفصلها الدرج عن المدخل وعن الصالة الفوقية .. بسطة الدرج جاية شبه دائرية في نص هذي الصالة وفوقها قبة .. خطتي اسوي ميزانين فلور بخشب وحديد واسوي صالة بواجهة قزاز للتلفزيون عن الصوت القزاز بيسويها شبه مسكرة ويبين منها المكان ويبين اللي قاعد فيها .. هذي الصالة ناوي اسويها حتى تطل على الحديقة اللي شغالين فيها ألحين.

المساحة بتكون 3.5 عرض وطول 6 متر .. في نص الستة متر بيكون مكان التلفزيون والجلسة بتكون وراها دريشة كبيرة مفتوحة تطل على الحديقة والحديقة هنا هي حديقة الحيوان الجزء الشمالي

شكلي خربت موضوع استاذة ضوى الله يستر

[ضوى]

ملاحظة بسيطة

الجلسة بتجي بزاوية بتسكر الفتحة لين حد الطاولات بالضبط يعني تقريبا متر ونص اذا مب مترين تقريبا ، ظهر الجلسة بيكون مواجه للطاولة الطويلة اللي بالصورة الاولى ، اي افكار ؟؟

معماري الموضوع موضوعك وبشوي وباقرأ اللي كتبته واعطيك رايي ان شاء الله

[ضوى]

معماري مب قادرة اتخيل الشكل بدون صور ممكن صور عشان اعطيك راي مفيد