النتائج 1 إلى 3 من 3

الموضوع: اهـل لبنـان الـى قـالـوا .. وحـيـاة الله مـابـدي

  1. #1
    محاور إقتصادي الصورة الرمزية مضارب دوسري
    رقم العضوية
    14642
    تاريخ التسجيل
    Jun 2007
    المشاركات
    67,173

    اهـل لبنـان الـى قـالـوا .. وحـيـاة الله مـابـدي

    الا يااللي خذش وقت القصى ... من خافقـي .. لِـدَي
    خلي وخافقـي مرتـاح .. قبـل الوقـت يقفـي بـش


    وقفتي .. والزمن .. والناس .. وشيطان الهوى ضـدي
    وانـا اعرفـش ولاتجهلنـي اطبـاعـش واساليـبـش


    انـا لـو تجتمـع كـل العـرب .. مابيحـت ســدي
    أعني خطوتـش .. مـن نظـرة الضرغـام وآجيبـش


    وقفتـي .. منتـي بكفـوٍ لوقوفـش لـي ولا نــدي
    غلطتـي .. تحسـب انـي لعـوبٍ مـن ملاعيـبـش


    ترى ماهوب حظـش لاوصلـت مـن الزعـل حـدي
    لاسويبـش سـواتٍ مـن قبـل لاقــول اسويـبـش


    اعانـد مـن يعاندنـي .. ومزحـي مـن ورى جـدي
    ولا اخطيتي .. وأسأتي لي .. ضحكت وقلت .. ياطيبش


    واعـذرش واتعـذر لـش .. بعـذرٍ مـاهـوب ودي
    علـى شـان اقهـر العـذاال فـي حبـش واماريبـش


    والى قالوا .. عليك اخطت .. اقول انـه علـى كبـدي
    عسل والا احلى منه .. واكذَب مـن حكـى لـي بـش


    سواتـش تفـرح الحاسـد ..ويقـتـل عـاذلـي ردي
    واقول ادري بعلومش لـه .. لـو ان مانـي بداريبـش


    يوم انـش كـل ماغبتـي حـدر دمعـي علـى خـدي
    اهوجس بـش والـى منـي غفيـت افـز اهذريبـش


    هذاك اول .. وهـذا اليـوم مـدش حـاز مـن مـدي
    تغيرتـي علـي حتـى بسلامـش لــي وترحيـبـش


    تزايدتـي فـي صـدش ثـم شكيتـي عاذلـي صـدي
    بديتـي فــي عذاريـبـي ولاشفـتـي عذاريـبـش


    من اولٍ كـان ودي بـش واحبـش حـب مـن جـدي
    ومدام انش تغيرتي .. فـلا لـش بـي ولا لـي بـش


    اهـل لبنـان الـى قـالـوا .. وحـيـاة الله مـابـدي
    بقولتنا .. عسى الله مايـردش ويـش انـا ابغـي بـش
    التعديل الأخير تم بواسطة مضارب دوسري ; 02-11-2015 الساعة 02:43 AM

  2. #2
    تميم المجد الصورة الرمزية R 7 A L
    رقم العضوية
    34949
    تاريخ التسجيل
    Oct 2010
    الدولة
    Qtr
    المشاركات
    35,984
    صح الله لسان شاعرها
    وتسلم يمينك اخوي مضارب
    ارتقوا فإن القاع مزدحم

  3. #3
    عضو مميز الصورة الرمزية العفراء
    رقم العضوية
    47513
    تاريخ التسجيل
    Jun 2014
    الدولة
    الامارات
    المشاركات
    2,288
    صح لسانك اخويه مضارب دوسري


    يسنيـك عـن نــور الفوانـيـس = بــرّاق خــدٍّ جـنّــه اشـمــوس

    لــو مـــا تـزيّــن بالمـلابـيـس = عليـه نـور الحـسـن ملـبـوس

    عوشه بنت خليفه السويدي
    فتاة العرب




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •