حقوق الذكور المهدورة لدى بعض المخلوقات
من الامور العجيبه في مملكة النحل ،،،،،،، ان اللي يفرزون العسل لا هم ذكور ولا هم اناث ،،، هذا شي و الشي الثاني ان الخليه فيها واايد ذكور لكن على كثرهم بس تحكمهم انثى وحدة بس اللي هي الملكه ،، طبعا كل هالذكور يموتون بعد عملية التزاوج و الانجاب لان الملكه تقضي عليهم
و طبعا الذكور بالخليه مب شغلتهم كلهم التزاوج ،،، الذكور بشكل عام يسمونهم خدم الخليه و شغلتهم انهم يخدمون الملكة خاصة لما تظهر برحلة جمن ساعة باليوم حيث ان العلماء لاحظووا ان الملكة لما تظهر و تحووط برع الخليه يظهرون معاها هالذكور ويحرسونها و يمشون وراها ان راحت يمين راحوا كلهم يمين ان راحت يسار تلقونهم كلهم راحوا يسار و الملكة عندها ميزه انها ما تتعب لكن الذكور يتعبون و يطيحون ويموتون و اللي يبقون مع الملكة لما ترجع الخليه هاييل تتم بينهم و بين الملكة عملية الزواج وشهر العسل اللي يكون كم ساعه بس وعقب يموتون الذكور كلهم بحيث تنسد عليهم الخليه و تستمر الملكة بقيادة الخليه و اتحط باليوم 3000 بيضه ،،،،
و اللي صدق صدق يكسر الخاطر و احس به طيوب وعلى نياته و ما عنده لف و دوران هو ذكر العنكبوت لانه يتزاوج مع انثى وحدة بس طول حياته لكن هالانثى شو تسوي ؟ بعد ما اتم عملية التزاوج تشبك على الذكر بخيوطها و عقب تقبضه باطرافها على رقبته بكل قوتها لين يختنق و يفطس وتيلس تمصه لين ينشف المسكين و تتيبس عروقه و تنبط عيونه و عقب تقسمه نصين و تسويه عشا حقها و حق عيالها ،،،،، و على فكره انثى العنكبوت تكرر هالعملية يوميا مع 25 ذكر يعني والله غاسلين الذكور غسال وحليلهم ،،،
و العلماء اللي درسوا فطرة الانثى بين كل المخلوقات محتارين كيف ان ( المرأة )هي الانثى الوحيدة بين كل المخلوقات اللي للحين متحمله زوجها و ما فكرت تطحنه و هو راقد و تاكله
,,, و الله عز و جل اعلم بالاسباب
و جذا والله السالفه و دمتم سالمين
|
رد مع اقتباس
ينراد لكم حرق ----> شرير 
المشاركة الأصلية كتبت بواسطة عاهد بن علي
