وداعا لآلام الديسك (علاج مضمون)

[خليدان]

+1

اللي يعانوون من عرق النسا أنصحكم بالكي

وبنزل موضوع إن شاء الله يخص عرق النسا وعلاجه

[العفراء]

الله يبشرك بالخير يااختي وانا من زمان اعاني من الديسك وكثير حاولت بطرق لكن مافي فايده اخر الموضوع قالوا لازم عمليه في المانيا وهالنوع من العمليات خطيرة وخبرني الدكتور ان العمليه بالنسبه لي مجازفه لان مضاعفاتها اكثر من وضعي الحالي لكن احاول اشوف هالنبته وين تنباع واسال عنها

سلامتك اخويه وليف الشوق ما اتشوف شر يالطيب

و انا صح اني مب مجربه العشبه لكني اتكلم على لسان ربيعتي كان الديسك ضاغط عندها بالعصب و اتيييها الالام المبرحه من الظهر لين القدمين و بالليل اتنمل ريوولها و جربت كل انواع العلاجات وما استفاادت مول وهالشي خلاها تلجأ للاعشاب و هذي هي حاليا تعااافت و راحت عنها الالام و تقدر تتحرك و تصلي و تقوم و تيلس و انا انصصصحك على هالاساس انك اتجرب العشبه بتلقاها بالمغرب الكيلو بعشرين درهم و عندك العضو النهار بيتواصل مع الاستاذ رجل تعليم فخلهم يطرشوولك كيلو بيكفييك و انا عقب ربيعتي بتطرش لي صور القبار قبل ما ينطحن و بحطه بالموضوع علشان تستفيدون كلكم و ياليت تشوف الفيديو عن برحس البرجس اللي بموضوع اخويه قطر خضراء و ع فكره لو ما تبا تروح الكويت تقدر تعالج نفسك بنفسك طريقة العلاج سهله و ربيعتي بتكتب الطريقه و بحطها لكم مع الصور

[مستوى الدعم]

المهم قبل فتره سمعت عن عشبه يقولون عنها القبار او الكبار او الشفلح

جزاك الله خيراً أختي العفراء على طرح هذه التجربة الحية لصديقتك.. والتي تحمل البشرى لكل من يعاني من الديسك

ما لفتني هو اسم النبتة فهي من نباتات البيئة القطرية.. وتسمى بالإنجليزية capers

ومتواجدة على شكل مخلل يباع في معظم محلات الهايبرماركت في قطر.. وتضاف على بعض الأكلات الإيطالية والسلطات..

المهم.. أنا أعتقد أنه يجب البحث أولاً في محلات العطارة في قطر عن هذه النبتة باسمها المحلي "الشفلح"

أو الاستعانة بمن لديه خبرة في نباتات البر القطري لإحضارها..

فإن لم يتيسر الحصول عليها.. عندها يتم شراؤها من النت أو توصية أحد الإخوة العرب بإحضارها من بلاده..

[الكواري 1972]

ومنكم نستفيد

متابع

[@فهد@]

الله يجزاك خير اختنا الكريمه علي المعلومات المهمه والمفيده ..

ياليت صور العشبه ..هل فعلا هي نبتة الشفلح ؟؟؟

وهل احد يعرف اذا متوفره في الدوحه ولا الحسا ..

مشكورين جميعا

[العفراء]

عندي الصور بنزلها لكم ان شاء الله

و انا موصيه ربيعتي اول ما توصل لها شحنة اني اخذ منها للاخ وليف الشوق و الاخ فهد و عقب بشوف كيف الترتيب علشان نوصلها لكم و للعلم علشان محد يتحرانا انتاجر و نبيع خخخ ترى كل شي ببلاااش ربي يحفظكم

[العفراء]

هذا شكل القبار للي يسأل عنه طبعا هالقبار بعد ما ييبس ويصير لونه بني يستخدمونه للعلاج و اسمحوا لي خذنا الصورة هذي من الويب لان اللي تم عند ربيعتي مطحون و جاهز وكميه بسيطة بس طرشت هالصورة على اساس اتعرفون كيف شكل حبوب القبار



هالحبوب نفسها تكون لونها اخضر و يستخدمونه بالمغرب للأكل حسب ما قريت بالانترنت

انزين هذا شكل القبار عقب ما ينطحن




للجلسة الوحدة

تاخذ من القبار بقياس 2 و نص الى 3 فنااايين

و تخلطهم مع الماي وعقب تحطهم ع العمود الفقري وين موضع العووار لين اسفل الظهر

و نفس الشي لديسك الرقبة

من الجلسه الاولى بتحسون ان الآلام خفت واايد

وعقب 3 جلسات اختفت الألام عن ربيعتي بشكل كاامل لكن في ناس حسب الفيديو للبرجس الكويتي احتاجوا جلستين بس و في ناس وصلوا لخمس جلسات يعني المسألة على ما اظن تختلف من شخص لآخر

المهم اهم شي تقوله ربيعتي ان من اول يلسه باذن الله راح يختفي الضغط ع العصب واللي يسبب آلالاام فظيعه على مستوى الظهر الييين اسفل القدمين

طبعا هي ما جربت ديسك الرقبة لكن في الفيدو للبرجس في ناس جربوا للرقبة واستفادوا و من الله عليهم بالشفا

مرضى السكرى والضغط ما ادري الشو الاسباب اللي ينصحونهم فيها من عدم استخدام العشبة فالافضل بهالحاله تتصلون على المعالج الكويتي برجس البرجس و تنشدونه عن الاسباب و هذا رقمه ظهرته من الفيديو اللي حاطنه اخويه العضو قطر خضراء

0096599011296

اخيرا ربيعتي تنصح ان اللي يبا يشتري يشتري من المغرب لانها لما جربت العطاره بالاردن غشوها وقصوا عليها وسرقوا فلوسها و كانوا يبيعون الكيلو ب 800 مع الشحن و بالمغرب الكيلو ب 20 و الشحن اظن ب 200 و ياليت رجل تعليم يدخل الموضوع لو يقدر يمسك سالفة شحن العشبه دامه من المغرب وقاريه له تجربة الزعفران وكيف انه انسان امييين ربي يحفظه

و انا خلال فترة قريبه بتوصل لربيعتي شحنه وباخذ منها كمية لوليف الشوق وللاخ فهد و ان شاء الله انهم يستفيدون و ولو قدرت اخذ كمية اكبر بوصلها بعد لاي شخص محتاج و كله بيكون لوجه الله عز و جل

[العفراء]

مرضى الديسك واللي حابيين تجربون القبار ضروري تشوفون هالفيديو صح انه طويل لكن واايد بتستفيدون من الحوار مع
المعالج الكويتي برجس البرجس واللي كان مصاب بالديسك ويتكلم عن قصته و كيف تعالج و كيف انه بعد ما شاف ان القبار انهى معاناته مع الديسك
قرر انه يعالج الناس مجانا لوجه الله عز و جل

يزاه الله خير وبيض الله ويهه وكثر الله من امثاااله

هذا الفيديو



والله اني اتمنى لو كل انسان مقتدر يسوي شرات اللي سواه البرجس سواء بقطر او الامارات و كل دول الخليج

[العفراء]

ما تشوف شر أخوي ..
ديسك الرقبة متعب و مؤلم جداً جداً ..
هاي اللي ذابحني و يزيد عندي الصداع النصفي ( الشقيقة )
و فترة كانت اعصابي تعبانه صار لي تشنج فمن رقبتي لين اصابع يدي اليمين
الله لا يبلي حد ..
ألم لا يقاوم حتى المسكنات ما تفيد ..


هل ديسك الرقبة ينفع له هالنوع من العلاج يالعفرا ..؟
دوم معاي تشنج في عضلات الرقبة و الكتف
و عاي اللي يزيد الحالة سوء ..

مراااحب عزيزتي بصمه تابعي فيديو برجس البرجس بالرد اللي فوق

يتكلم عن الشقيقه وعلاجها باستخدام العشبه

و في ناس جربوا واستفادوا بيطلعون بالفيديو وبيتكلمون عن تجربتهم ربي يحفظج ويعافيج

[ابن البيطار]

من اين نأتي بهذه العشبه . ممكن احد من الاخوه او الاخوات يفيدنا بطريقة جلبها