طور من نفسك

[ahmed saleh]

الموظفين في شركة Tesla وElon Musk بيقولوا إن مكتبه في أخر خط إنتاج السيارات بيفحص كل واحدة منهم عند خروجها من خط الإنتاج بنفسه، ومن فرط إخلاصه للشغل عنده كيس نوم sleeping bag في الشركة بينام فيه ليقضي أكبر وقت ممكن في الشركة.
.
أيضــًا بالمناسبة شركته SpaceX أنتهت من عمل المحرك الصاروخي الجديد الأقوى من أقوى محرك صاروخي حاليًا ب3 مرات وهو إللي هيبقى الجيل القادم من صواريخه الفضائية وهيستكمل خطته لإرسال بشر للمريخ في 2024 (أو بعدها ببضعة سنوات،) بالإضافة لأن شركته Solar City بدأت بتصنيع أسطح (roofs) شمسية، مش أسطح مغطاه بألواح شمسية، بل أسطح منازل مصنوعة بالكامل من مواد حول ضوء الشمس لطاقة، ودي صورة ليه أثناء فحص الGigafactory لشركة Tesla. دا بيعمل إنجازات أسطورية أسرع مما انت ممكن تكتب، مش عارف انت ازاي إنسان الحقيقة والله. لازم وحتمًا يتم إنتخابه رئيس جمهورية المجرة!

----------
بالمناسبه حد كان سأل عن وقود الصواريخ وقال ان الفضاء مفيهوش اكسجين علشان الاشتعال
الرد:
وقود الصورايخ السائل عباره عن اكسيجن وهيدروجين مضغوطين

[ahmed saleh]

جميل جداً, السما هتمطر شهب بكره بالليل، أقصد الليلة اللي بين الخميس و الجمعة 11 و 12 أغسطس, البداية هتبقا من بعد 12 صباحا و انتا طالع لحد الصبح، لكن حوالين الفجر - أفضل موعد هو من 2 لـ 4 - هتبقى الشهب أكتر ، اللي بيحصل ده اسمه زخة شهابية meteor shower
.
يعني ايه زخة شهابية؟
يعني هطول امطار شهابية بمعدلات عالية، الزخة دي اسمها البرشاويات ، بتنزل الشهب من السما بمعدل ممكن يوصل ل 80 شهاب في الساعة و في الصحرا ممكن 160 شهاب في الساعة ، احنا ممكن طول السنة نشوف شهاب او اتنين، لكن في مواعيد الزخات دي بنشوف اعداد اكبر بكتير
.
طب ليه بتحصل؟
بتحصل لما الارض تمر في بقايا مذنب كان معدي من الحتة دي، في اثناء دورتها حوالين الشمس، الموضوع عامل زي ما تكون راكب عربيتك و تدخل في شوية دخان على الطريق، البقايا هنا هيا لمذنب سوفت تتل، بتدخل للغلاف الجوي بسرعات عالية ممكن توصل ل 70 كيلو ف الثانية، فتتحرق لما تحتك مع الغلاف الجوي، و نشوف الشهب دي
.
ايه افضل مكان ابص منه؟
في كل حتة من الوطن العربي تقدر تشوفها,
القاعدة بسيطة: كل ما تبعد عن النور اكتر، كل ما تشوف شهب اكتر، لكن دايما بنقول ان افضل مرصد في العالم هوا فوق سطوح بيتكم
.
هل هحتاج ادوات للرصد؟
عينك المجردة فقط، و حصيرة تنام عليها و ترفع راسك للسما، و عصير ساقع ان امكن، و رفقة طيبة ان أمكن جدا ، صديق .. زوج .. حبيب .. اب .. ام .. اولاد .. اكتر شيء بيرفع متعة الرصد للشهب هوا حلاوة الرفقة ذاتها ،
.
السما كبيرة، هبص فين؟
من غير تعقيدات فلكية كتير، بص فوقك لكن ميل ناحية الشمال الشرقي العادي بتاعنا بعينك ، في كل الاحوال الشهب هتملا السما كلها
.
هل فعلا ممكن اشوف 60 شهاب؟
و الله ممكن، من كام سنة شفت مع مي بتاع 70 شهاب في ساعتين بس ، و في مرة شفت فيها 40, فيه اوقات مبنشوفش فيها كتير برضك، الموضوع زي ما قلنا ليه علاقة بكم الضوء حواليك ، و حالة السما، لو انتا في جوة مدينة مزدحمة هتشوف اقل بكتير، لو انتا قريب لقرية او صحرا او كده هتشوف كتير جدا
جوة القاهرة مثلاً ممكن تشوف بالكتير 10
المراكز الصغيرة ممكن 30
القرى ممكن 100
الصحرا تشوف 200
.
هل ده حدث نادر؟
لا، بيتكرر كل سنة في نفس المعاد، الميزة السنة دي ان مفيش قمر يغلوش علينا الرؤية، كمان فيه خبراء بيقولو انو السنة دي هتبقا مميزة
.
يعني ايه برشاويات؟
دي نسبة للمكان اللي هتيجي منه الشهب، كوكبة برشاوس، المقاتل العظيم اللي انقذ اندروميدا من الوحش القاتل قيطس ، الحكاية بتاعت فيلم clash of titans
.
الزخات الشهابية شيء بديع ، سيبك من العالم تحت بغباؤه ، بقساوته ، بضغطه عليك، بترابه و عوادم سياراته و زحمته و حرارة طقسه ، و جرب تطلع للسما تبص عليها مع رفيق ..
- للإستزادة ممكن تتابع التقرير السماوي الشهري هنا: http://goo.gl/t8jztW

-
شادي عبدالحافظ

[ahmed saleh]

من 8 سنوات الطفل السنغافوري Joseph Schooling قابل قدوته وإلهامه Michael Phelps وأتصور معاه، اليوم واقف جنبه منتصر عليه. أن تنتصر على أسطورتك وأستاذك ولما يكون استاذك دا نابغة غير في اللعبة ومحطم جميع أرقام التاريخ. لحظات خالدة. والأجمل من مكسب Schooling هو فرحة Phelps العارمة بفوز تلميذه عليه ومنعه من الشطح في تكسير الأرقام القياسية.

[ahmed saleh]

لو حد قال لك أن لولا هذه الغرفة الصغيرة وشاب عمره 21 سنة بيمارس البرمجة كهواية في أوقات فراغه مكانش هيكون عندنا Facebook ولا Google ولا Wikipedia ولا Amazon ولا الLHC (مصادم الجسيمات في هيئة الطاقة النووية) ولا الAndroid ولا نظام التشغيل القائم عليه أغلب الإنترنت والغالبية الساحقة من كبار الشركات اللي بتستخدم منتجاتها وخدماتها يوميًا ولا السوفتوير الموجود في السيارات الذكية والتيفزيونات وجميع الآلات والأجهزة الذكية، هتقول له انه مجنون، وهيبقى عندك حق جدًا، هي حاجة أكثر جنونية من الخيال ولكن حقيقية. هذه الغرفة هي مسكن ملك عباقرة الكمبيوتر Linus Torvalds مخترع الLinux وهو نظام التشغيل القائم عليه جميع الأشياء سابقة الذكر وغيرهم ملايين واليوم العيد ميلاد ال25 للLinux اللي أخترعه Linus سنة 1991 في غرفة منزله في فنلندا وكان وقتها شاب عمره 21 سنة وبيمارس البرمجة كهواية وغير وجه العالم. وهنا مجرد نبذة عن بعض الهيئات القائمة على الLinux (وبدون أن يطلب صانعه مليم واحد مقابل.)
.
• الLinux بيشتغل عليه كثير من سيرفرات العالم ويشغل جزء كبير جدًا من الإنترنت وأكبر 5 شركات hosting (مقارنة بواحدة فقط هي التي تعمل بالWindows!)
.
• الغواصات النووية تستخدم الLinux!
.
• بورصة نيو يورك أكبر بورصة في العالم تستخدم الLinux.
.
• أقوى كمبيوترات في العالم %90 منها يعمل على الLinux.
.
• الAndroid مبني على الLinux مما يعني أن هناك مليارات الأشخاص يوميًا يستخدموه. وأيضــًا الChrome OS مبني على الLinux وأيضــًا كما سبق الذكر هو نظام التشغيل لشركات جوجل وFacebook وكتير من أكبر الشركات.
.
• كثير من الألعاب والبرامج يتم تطويرها على الLinux ثم يتم نقلهاعلى الWindows أو أي نظام آخر.
.
• الLinux يشغل أسرع قطارات في العالم (اليابانية.)
.
• الLinux يتحكم في أذكى إشارات المرور في العالم.
.
• كثير من أعظم الأفلام يتم تطويرها وعملها على كمبيوترات الLinux مثل Titanic وAvatar ببرامج مجانية عليه.
.
• المطارات ونظام تحكم الطائرات بيستخدم الLinux للتحكم في الطائرات وهو المسؤول عن نقلك من النقطة أ للنقطة ب بشكل آمن!
.
• الLinux مجاني تمامًا وجميع البرامج عليه مجانية يا إما بتكلفة بسيطة جدًا لأن دا كان مذهبه الأساسي الذي بني عليه أن يكون نظام تشغيل ومصدر مفتوح للجميع، شيء شبيه لأن يكون مجموعة من الهواة يريدون بناء صواريخ تنافس ناسا وينجحوا في ذلك بإبهار. أي شخص بيدفع أموال على كل برنامج أو منتج بيشتريه وعلى نظام التشغيل والتحديثات الدائمة يقدر يقول لك أد إيه الLinux نعمة وهبة عظيمة للبشرية ستخلد للأبد.
.
• طبعًا فيه سبب مفهوم جدًا إن الLinux ليه شعبية كبيرة جدًا مع الحكومات والشركات وأكبر الجهات وهو إنك بيبقى معاك المصدر الأصلي ودا بدوره بيخليك تقدر تعدل أفضل بكتير من الWindows وأيضــًا تقدر تعرف إن مفيش حد بيتجسس عليك وآمان أفضل بكتير، وأيضــًا مقاوم للفيروسات أكثر من الWindows بكتير دا غير إنه أخف من الWindows ولا يتطلب تحديث مستمر للhardware كما الWindows وغير كدا كتير.
.
اعداد: محمود مهدلي
تقديم : احمد صالح

[ahmed saleh]

بيل جيتس أغنى رجل في العالم مرة أخرى ولكن المرة دي بتوحش. ثروة 90 مليار دولار (يعني 0.5% من إقتصاد أمريكا، أكبر إقتصاد في العالم!) وفرق 13 مليار دولار عن أغنى واحد بعده (Amanico Ortega مؤسس Zara.)
.
• بيل جيتس لو وقع 900 ألف جنيه (90 ألف دولار) في الأرض، غير مجدي انه يضيع 4 ثواني في إلتقاطها من على الأرض، لأنه في نفس ال 4 ثواني هيعمل ضعفهم تقريبًا لو أتجه للشغل.
.
• مايكل جوردان (أكتر لاعب أمريكي أتدفع له مرتب في التاريخ، راتبه السنوي كان 30 مليون دولار) لو وفر كل مليم في مرتبه وأمتنع عن الأكل والشرب وعمل أي شيء يصرف عليه دولار واحد. هينتظر أكتر من 415 سنة ليصل لنفس ثروة بيل جيتس الحالية.
.
• بيل جيتس حاليًا عمره 61 سنة، لو عاش 30 سنة أخرى هيضطر يصرف أكتر من 11 مليون دولار يوميًا لكي يستطيع إستنفاذ أمواله قبل الموت.
.
• لو قرر يمنح كل شخص واحد عالكوكب 10 دولار، هيعملها ويتبقى معاها 20 مليار دولار في شنطته!
.
• لو قرر يرص أمواله من هنا للقمر على شكل دولارات هيعمل طريق من هنا للقمر رايح جاي 23 مرة وهتستخدم 713 طائرة بووينج طراز 747 لنقلهم.
.
• لو انت ثروتك 90 ألف دولار، بيل جيتس ثروته هتبقى اكتر منك مليون مرة، بس لو عملنا تجربة قلصنا فيها ثروة بيل جيتس على شكل 90 ألف دولار، ولكن نوع خاص من الدولارات متناسب مع قيمة ثروته. لو انت هتجيب تذكرة سفر مثلًا ب1200 دولار درجة أولى، هو بنفس ال1200 دولار الخاصة (المعدلة حسب ثروته) يقدر يشتري 8 طيارات بووينج 747 (تمنها 350 مليون دولار). ولو يحب شراء بيت في أغلى وأرقى منطقة في أمريكا؟ دولار واحد من فلوسه. ولو انت رحت تحضر ماتش لنادي عالمي ومشهور ودفعت 50 دولار عالتيكيت والخروجة، هو يقدر يشتري النادي كله بنفس ال50 دولار دي ويتبقى معاه %20 منهم بعدها!
.
• عنده القدرة على شراء جميع الأندية الأمريكية ب%17 من ثروته ويتبقى معاه الباقي يشتري بيهم في أوروبا بقى وآسيا وهكذا. .
.
• سنة 98 بيل جيتس عمل 45 مليار في 12 شهر. ال45 مليار دي وقتها كانت أعلى من نصف الناتج القومي لمصر كلها، وأكتر 3 مرات من سري لانكا ومرتين من جواتيمالا و6 مرات أكتر من كوستاريكا والسلفادور وبنما، و6 مرات أكتر من أرباح الناس الناس في سلطنة بروناي بمن فيهم السلطان (والسلطان دا غني جدًا جدًا) وأكتر من كل الكويت بكل من فيها بالأمراء والشيوخ والبترول وكله!

[بانغ بانغ]

يا باشا

بلاش حرء اعصاب

[ahmed saleh]

يا باشا

بلاش حرء اعصاب

هههه اا بحسد فيه بس مفيش نتيجه

[ahmed saleh]

ما هو سبب إطلاق الصواريخ إلى الفضاء من مناطق معينة على الأرض دون غيرها؟

على سبيل المثال تطلق روسيا صواريخها من قواعد في كازاخستان ، بينما اتخذت أميركا من ولاية فلوريدا موقعاً لإطلاق صواريخها نحو الفضاء.
النقاط التالية تلخص أسباب إطلاق الصواريخ للفضاء من مناطق محددة على الأرض:
1. على موقع الإطلاق أن يكون أقرب ما يمكن لخط الاستواء، لأن سرعة دوران الكرة الأرضية أعظم ما تكون عند خط الاستواء، وبالتالي يُتاح للصاروخ الصاعد للفضاء الاستفادة من هذه السرعة، وتوفير الوقود.
2. يجب أن يتم الإطلاق من ساحل شرقي، وأن يتم إطلاقه باتجاه الشرق أيضا، حيث أن إطلاقه باتجاه الغرب سيكون معاكساً لاتجاه دوران الأرض، وبالتالي سيحتاج لوقود أكثر، ولن يستفيد من دوران الأرض في اختصار المسافة. أما عن لماذا من ساحل شرقي فذلك بسبب أنه لو أطلق من ساحل غربي فعليه أن يمر في رحلته فوق البر، وهذا ما تعتبره وكالات الفضاء خطراً فيما لو حدث عطل فقد يتسبب في كارثة. ولذلك يفضلون إن حصل ذلك فيكون فوق المياه وليس في اليابسة.
3. عادة ما تفضل وكالات الفضاء أن تكون قاعدة الإطلاق في منطقة لا توجد فيها الكثير من التجمعات السكانية، لإبعاد الخطر، وكذلك للحصول على خصوصية أكبر أثناء العمل.

[ahmed saleh]

شركة أسمها RenoveCare عملت إخترع أسمه "مسدس الجلد" قادرعلى علاج الحروق تمامًا كما في الصور (أعلى قبل وأسفل بعد العلاج.) المسدس بيرش منطقة الحروق بخلايا جذعية (خلايا بدائية تترعرع وتتحول لأي نوع آخر من الخلايا) والخلايا الجذعية تتحول لخلايا جلد وجسدية جديدة في منطقة الحرق وتزيله تمامًا كما في الصور بالإعتماد على القدرة الطبيعية للجسم على العلاج، ونتائجها تظهر خلال أيام. الإختراع منتظر الإستخدام التجاري من وزارة الصحة الأمريكية.

اعداد- حمود مهدلى
تدقيق - احمد صالح