السلام عليكم
اتفقت مع شركة رافكو انهم يجون يشوفون بيتي علشان يركبون لي القرميد ( توريد و تركيب) .. حبذا اللي ركب معاهم يعطينا انطباعه عن تعاملهم معاه و شلون جودة التركيب من طرفهم .. أنا المفروض اليوم استلم منهم الكوتيشن و ابي اعرف رأي الاخوان قبل ما أوقع معاهم .. و ما خاب من استشار.
تحياتي ..
الحياة.. مواقف
عليكم السلام ورحمة الله وبركاته
تبي الصج رافكو شركة من أجود الشركات ومتوقع يركبون لك صح .. بس ركز على تفاصيل التركيب والعقد .. بعض القرميد له طرق تختلف شوي حسب نوعيته وبعضه صعب التركيب ويحتاج ميزانية على خشب وممكن يحتاج قص بزوايا معينة .. بعضه يحتاج قطع خاصة تأكد إن كلها موجودة .. ولازم لو بيركبون على خشب يدهنون السقف قار ويركبون الخشب ببراغي وبعده يدهنون السقف والخشب بدهان خاص يحمي الخشب أو بالقار.
انا تعبوني الباكستانيين في تركيبه لكن يمشي الحال.
مشكور يالغالي عالرد و النصيحة .. بارك الله فيك .. ماقصرت.
الحياة.. مواقف
يا خوك عندك شركة دهليز شغلهم زين واسعارهم معقولة مكانهم جنب المتسوبيشي طريق سلوى
ركب حديد لاتركب خشب
في غالبية دول العالم يركبون خشب عادي ودول كثيرة المطر والخشب ينضغط شوي ويمسك زين أما الحديد يصدي من أقل رطوبة وصلب ما يتماسك مع القطع وممكن تهتز شوي .. الخشب بيكون مخفي داخل .. الحديد أو الألمنيوم بيحتاج ربلات حتى تنضغط بعد الربط بالبرغي .. انا مسوي خشب مصبوغ بالبتومين ومركب ببراغي ومثبت عليه القرميد ببراغي وله 11 سنةالمشاركة الأصلية كتبت بواسطة hamadazoz
ضوابط المشاركة
رد مع اقتباس