السلام عليكم ورحمة الله
جماعة الخير ابي ابي اول شيء دعوه منكم انه الله يشافيني واحصل حل لمشكلتي
انا حاليا ضايع ومب عارف شنو العله بالضبط
بدت معي الحاله من 6 اشهر لمن فجاه اغمى علي فالمصنع ومن بعدها انا اعتفست
كان التشخيص هبوط فالسكر والسبب اني هذاك اليوم ما افطرت
لكن بعدها لاحظت شي غريب في جسمي
عضلات جسمي ارتخت وصغر حجمها
وصار ماعندي نسم يعني بسرعه اتعب
والم صار شبه دائم فالصدر كانه بالع مسامير
اللي يدريكم اول كنت اسوي ضغط 40 مره وبسرعه وارتاح شوي وارجع اكمل عادي
اللحين والله لو اسوي بس 10 احس انه قلبي بيوقف وحتى لو ارتحت ما اقدر اسوي اي تمرين الا ثاني ولاثالث يوم
اليوم تعبت وانا اطلع الدرج للدور الثالث ووقفت ارتاح شوي
بالعربي صار جسمي ضعيف جدا جدا مع انه اللي يشوفني يقول هذا مافيه شي بس من الداخل والله تعبااان
بديت اسوي تحاليل وفحصوات في اكثر من مكان في قطر
سويت فحص دم وسويت ام ار اي وسويت تخطيط قلب وكل شي طلع سليم
ورحت تايلند مرتين مره للمستشفى الملكي ومره للامريكي وبعد نفس النتيجه كل اللي قالوا لي انه فيتامين د ناقص عندي واللحين انا رفعته واخر فحص دم من يومين طلع فيتامين د طبيعي
طبيا سويت كل شي وكلهم قالوا طبيعي
عقب نصحني احد الشباب انه يمكن عين او مس
ورحت لكذا مطوع وللحين مع الرقيه الشرعيه ولا شفت فرق الا بالعكس كل يوم اشوف انه جسمي اقل قوه من قبل
من الاخر مع انه عمري 28 سنه فقط لكن الحقيقه احس انه عمري 60 سنه تقريبا من كثر التعب والضعف
انا والله ضايع ومب عارف كيف احل المشكله
شفت المستشفات وكل شي طبيعي
جربت اسوي تمارين بس ماقدرت اكمل واكون قريب جدا من الاغماء
حاليا نفسيتي تعبانه جدا جدا توني في شبابي وافكر بشكل جدي اني اطلع من شغلي واللي هو مصدر رزقي الوحيد
علموني شنو اسوي
حالتي غريبه وكل المؤشرات اللي انا احس فيها انها ضعف في القلب لكن التحالييل والتقارير تقول انه كل شيء سليم