بدال اللف والدوران لنعترف شي واضح ما عندنا بنية تحتية قوية كم محتاجين علشان نبنيها على أساس قوي بغض النظر عن أي شي ثاني
بدال اللف والدوران لنعترف شي واضح ما عندنا بنية تحتية قوية كم محتاجين علشان نبنيها على أساس قوي بغض النظر عن أي شي ثاني
كان لي نقاش في تويتر من أكثر من سنتين مع الدكتور محمد بن علي الكبيسي عن الفساد الموجود في البلد، واتفقنا أن (الوفرة المالية) تغطي على الفساد والمحاسبة.
هذا على أيام برميل النفط 120 دولار.
الحين والنفط على 45 دولار قامت تطلع دعوات لمحاسبة الفاسدين. مع ان نفس السلبيات موجودة من أيام 120 - 140 دولار للبرميل.
تسلم شيخنا انت اخوي الكبير
صدقني في أمريكا مطور عقارات باع بيوت عادية للسكن حول 10 منها تضررت وتحتاج شغل قوي بعد 10 سنين وطلعت لجنة فحصت حصلت مشاكل كثيرة وغش .. إنطلب المقاول بالقانون وبدون وجود ضمانات عليه بس هناك القانون معناها ممكن ينجر من بيتهم للسجن .. وسوى التعديلات ودفع تعويضات فوقها للمتضررين وغرامات للدولة وأعلن افلاسه وتصفية الشركة.
هناك لكل شغلة مختص ورخصة .. عندنا لا كله مجبوس .. للتكييف جاء لبيتي واحد كتب تقريره في الوحدة الخارجية وقال عمرها الافتراضي منتهي من زمان ومعرضة للتلف التام في أي لحظة .. البيت أجار وقال باسلم التقرير للمالك وهناك كله مراسلاتهم الكترونية .. وجاء واحد ثاني فحص الدكتات ومدح فيها إنها حديد غلفنايز وقال كل الموجود بلاستك ورخيص وتحتاج معقم وحط لها وشاف مكان كنت طالب يحطون فيه مكيف دكت بدال النافذة وقال بيكلف 2000 دولار ويحتاج ليوم للتركيب .. انا تقبلت الوضع وصوت المكيف الوندو وكلمت مالكة البيت قلت لها خلاص لتركبين ما ابي اخسرها وهي يحليلها عجوز وطيبة وقالت لا لازم نركب إحنا وعدناك قبل لتسكن.
اللي حاب أوصله هو إن لكل مهنة نظام وقوانين وشروط ولكل المواد مواصفات دُنيا مقبولة .. حتى المهندس من يتخرج يقدم اختبار شامل حتى يتسجل مهندس وهذا الإختبار صعب ومعقد وطويل
انا طبعي نساي يا اخوي ولا الاسم على لساني .. والاستشاري كبير وقوي وهو بدأ شغل الدفان عن طريق مقاولين محليين وحتى أفراد يشتغلون على شاحنات بروحهم .. يمكن يكون هو سبب في خسارة المقاول الماليزي لأَنه شفط العمالة الموجودة في السوق وعطاهم أكثر .. قصدي مشروع سلوى ذاك الوقت.
هنا أتساءَل ما دام مرينا بهذي التجربة واستفدنا ما استفدنا منها نروح نطبق نظام الغاء الكفيل ولأَي سبب ممكن العامل لدينا يطلع من عندنا ويشتغل عند الغير .. يعني بيصير اللي يدفع أكثر يحصل العامل .. يعني بكرة سواقينا بيقولون نبي ندور رزقنا برا
U
هلا اخوي معماري قطري
اللي قام على بناء المطار شركة أمريكية اسمها بكتل او بختل
http://www.bechtel.com
هي متخصصة في بناء المشاريع العملاقة
كما هي القائمة حالياً على بناء مطار مسقط الجديد في سلطنة عمان
وبناء جميع معظم مطارات العالم
وقامة ببناء مدينة الجبيل الصناعية في المملكة العربية السعودية قبل 30 سنة
التعديل الأخير تم بواسطة Azizuk ; 27-11-2015 الساعة 06:47 AM
الفضيحة اللي صارت كان الكثيرمنا يتوقعها بعد كل موسم مطر من عدة سنوات بس هالسنه امحد توقع تكون بالحجم والمواقع الحساسة بعد عدة ساعات مطر!!!!!!! ( المطار - اشغال - المرور- هيلتون - مجمعات تجارية جديدة - مدارس حكومية على اعلى مستوى كلفت مئات الملايين )
اتوقعاللي صار هذي السنة ان شالله تكون خيرة لنا ونقطة تحول بعد ما دقت ناقوس الخطر خصوصا بانها سببت حرج كبير للدولة داخليا وعالميا ما اتوقع اثارها بتعدي بالساهل ( لجنة كاس العالم )
رد فعل قيادتنا الرشيدة مبشر للغاية بس الاهم التنفيذ وتطبيق القانون على كل مقصر وضمان عدم تكرار اللي صار مثل زيادة الرقابة في المواصفات والجودة والمعايير في استلام اي مشروع وعمل الجهات الاستشارية
من الاخر املنا كبير بالضرب بيد من حديد على كل من سرق المليارات من ثروات الاجيال في مشاريع متدنية الجودة لم تكلف 50ظھ من قيمتها الحقيقة مقارنة بمثيلاتها في دول الجوار والعالم
نامل بالحكم عليهم بدفع التعويضات وارجاع الجزء الاكبر من للمليارات (اللي اخذوها بالبهتان ) لخزينة الدولة خصوصا بعد ما وصل البرميل 45 مليار وفضح كل مسؤل حكومي تورط معاهم علشان يكون عبرة لغيره
اي شركة محلية وعالمية تورطت بالقضية اتمنى فضحها في وسايل الاعلام وعالميا ( مقاول مطار حمد ) واتمنى ان لاتخشى بالحق لومة لائم مهما كان نفوذ اصحابها واستبدالها باي شركة خليجية او عربية او عالمية ذات خبرة وكفائة شنو الفايدة الدولة تدعم التجار القطريين من السبعينات والمقابل الغش والنهب والاسائة للوطن اللي عمره ما قصر وخيره على كل فرد على ارضه الطاهر
التعديل الأخير تم بواسطة BoFahed ; 27-11-2015 الساعة 07:22 AM