عااااجل ؛؛ وين اروح في الدوحه يومين

[الاسطوره]

الله يجزاكم خير

طيب يا اخوان وين احصل محلات لبيع الاقمشيه الشتويه للرجال

خامات للثياب

احسن واجود الاقمشة الشتوية وكل سنة اخذ منهم وكل من يشوفني لابس شتوي يسالني من وين هالقماش

المحل في سوق العلي اسمه خياط سوق العلي الحديث ع الزاوية اول محل

وفي خياط الذوق الرفيع

سنين وانا اتعامل ومافصل الا عندهم تفصيل زين وقماش اززين

موفق ان شاءالله

[كاشف الغطاء]

ما أنصحك تأجر سيارة دامك ساكن في سوق واقف
اليوم الأول خله للأماكن القريبة من السوق
واليوم الثاني خذ لك تكسي يوديك اللؤلؤة ولا اسباير وجنبه فيلاجيو

[معماري7]

وعليكم السلام ورحمه الله وبركاته

ياهلا ومرحبا فيك اخوي
تنور البلاد حياك الله

بما انك ساكن في الجسره بوتيك يعني سكنك في سوق واقف

اول يوم تتمشى في سوق واقف والكورنيش قريب من فندق شيراتون
وتروح كتارات وبعدها مجمع اللاجونا واللؤلؤه جنبه
ومجمع الستي سنتر

المطاعم القريبه منك في اول يوم

مطاعم سوق واقف معظمها حلوه
ومطعم لؤلؤه الشرق قريب من سوق واقف
ومطاعم مجمع اللاجونا الخارجيه ( لما توصل باريس غاليري في مخرج من جنبه للمطاعم الخارجيه )
ومطاعم كتارا ( سكر باشا - خان فاروق - وزعفران - ماميك )
ومطاعم اللؤلؤه ( سي السيد مصري حق الكشري وغيره وغيرها الكثير )

بالنسبه للمطاعم ان شاء الله الاخوان يفيدونك اكثر من فتره مارحت

اليوم الثاني :

تروح منطقه اسباير
مجمع فيلاجيو وجنبه فندق ذا تورش ( فندق الشعله )
حديقه اسباير من جنبه
ومجمع حياه بلازا جنب الحديقه
كلهم تروح لهم مشي

اماكن ثانيه

تروح مجمع اللاند مارك
وجنبه مجمع ازدان
وجنبه الخليج مول


بالتوفيق ان شاء الله

صراحة أخونا ما قصر . هذا أحلى برنامج ممكن تتبعه.
بالتوفيق ان شاء الله . وحياك

[@فهد@]

احسن واجود الاقمشة الشتوية وكل سنة اخذ منهم وكل من يشوفني لابس شتوي يسالني من وين هالقماش

المحل في سوق العلي اسمه خياط سوق العلي الحديث ع الزاوية اول محل

وفي خياط الذوق الرفيع

سنين وانا اتعامل ومافصل الا عندهم تفصيل زين وقماش اززين

موفق ان شاءالله

الله يجزاك خير اخوي معلومه حلوه وين موقع المحل مقابل المسجد ؟ ولا وين من فتره عن سوق العلي .. ,, كم يطلع الثوب تقريبا ..

مع اني شفت ناس تشتري من سوق واقف اقمشه وتروح تفصلها برا

كنت بقول لاخونا الكويتي مافي احسن من محلات سوق المباركيه مستواهم في الخياطه ممتاز خصوصا شغلات لقط ابره ماشفتها في قطر .. ونوعية الاقمشه زينه ..

موفقين اجمعين