أخلاق الكثير من الشباب في السياقة صارت سيئة جداً

[كلاسيك قطر]

موضوع مستهلك و كثير ما تكلمنا فيه ... و لكن لا حياة لمن تنادي


كثير من الشباب ليس عنده أخلاق لما يسوق ... مثلا في الشوارع الخدمية .... تحصله يوقف سيارته في نص الشارع و يعطل السيد و ينادي على الهندي و هو في سيارته يطلب أورد من المطعم ... أو إذا لقى رفيجه في الشارع وقف و قعد يسلم عليه و يسأل عن أخباره و معطل وراه خلق الله ... متصور روحه أمير أو ملك لازم الكل ينتظره!

يعني مثلا انت شاب و مو مشلول أو مكسر و تقدر تمشي ... ما تقدر تحصل لك بارك و تمشي لك 20 أو 50 متر و تخف هالكرش اللي عليك و تطلب أوردر أو تكلم الهندي اللي في المحل ..... لازم تستفز الناس بس حتى تخلص أشغالك!

شيء يلوع الجبد ... شباب (و شابات) يعطلون الشارع يطلبون أوردر بكل غرور إما عن جهل أن هذا الشيء يعتبر قلة أدب و تربية أو عن تعمد لأنهم تعودوا على عدم المبالاة بالآخرين!

[مختلف جداََ]

أخي كلاسيك كلمة زبالة قوية
وفي عنوان بعد
فضلاً لا أمراً ممكن تبدلها بكلمة ثانية
شكراً

[BoFahed]

أخي كلاسيك كلمة زبالة قوية
وفي عنوان بعد
فضلاً لا أمراً ممكن تبدلها بكلمة ثانية
شكراً

زباله اقل وصف توصف فيها الانحدار في اخلاق الطريق اللي نشوفه ونعايشه يوميا من الباشمرجه اللي تشوفهم وتربية الخدامات وحديثي النعمه

امثله لي ولربعي ومعارفي :


تخيل اخوي واحد يعدي ويطق بريكات على واحده تسوق علشان ما افتحت الطريق قمت السفاله

واحد جنغل وموظف حكومي وبزي له صفه الضبط القانوني يدعم واحده تسوق متعمد وهرب لانه واقفه وضاربه اشاره بتلف الخمه عباله مب قطريه وموترها كشخه ولولاى صادته على الاشاره كان هرب

واحد يتلزق في رفييجي من ورا ويدزه (مع انه الخمه كان معاه اهله ) على خط 22 فبراير على سرعة 100 كم ومشغل عليه كشافات وعماه مع انه ما فيه فجه الشارع مليان ولما تحول للتحقيق بكل برود يقول الطريق مب طريقك

واحد دعم رفيجي متعمد والخمه ولده في حضنه لانه رفيجي ضرب له هرن لانه لف عليه والحبيب باحث قانوني

شي زاد عن حده ولازم الضرب بيد من حديد على هذي الاشكال وكسر خشومهم المتعاليخ اللي تستهر بالقانون وبالناس

[قطري92]

زباله اقل وصف توصف فيها الانحدار في اخلاق الطريق اللي نشوفه ونعايشه يوميا من الباشمرجه اللي تشوفهم وتربية الخدامات وحديثي النعمه

امثله لي ولربعي ومعارفي :


تخيل اخوي واحد يعدي ويطق بريكات على واحده تسوق علشان ما افتحت الطريق قمت السفاله

واحد جنغل وموظف حكومي وبزي له صفه الضبط القانوني يدعم واحده تسوق متعمد وهرب لانه واقفه وضاربه اشاره بتلف الخمه عباله مب قطريه وموترها كشخه ولولاى صادته على الاشاره كان هرب

واحد يتلزق في رفييجي من ورا ويدزه (مع انه الخمه كان معاه اهله ) على خط 22 فبراير على سرعة 100 كم ومشغل عليه كشافات وعماه مع انه ما فيه فجه الشارع مليان ولما تحول للتحقيق بكل برود يقول الطريق مب طريقك

واحد دعم رفيجي متعمد والخمه ولده في حضنه لانه رفيجي ضرب له هرن لانه لف عليه والحبيب باحث قانوني

شي زاد عن حده ولازم الضرب بيد من حديد على هذي الاشكال وكسر خشومهم المتعاليخ اللي تستهر بالقانون وبالناس

1+.....

[qatara]

صدقني الربا يجيب سبعين مرض نفسي
ويخلي الاخلاق والمذهب وسيعين وزباله

[المحاميه]

شدخل الربا؟

صاحب الموضوع حاسه فيك
فعلا الموقف ينرفز خصوصا اذا 2 يسولفون ويعطلون الناس ماظن ان ذي شارع ابوهم عشان يوقفون فجاه

لكن سالفة المطعم مامرت علي مادري وين تقصد

[بوفاطمه]

معليش ايش دخل ابوه في الموضوع .
الي يعطل السير الشخص نفسه .
اختيار الكلمات المناسبة في الرد .

[كلاسيك قطر]

شدخل الربا؟

صاحب الموضوع حاسه فيك
فعلا الموقف ينرفز خصوصا اذا 2 يسولفون ويعطلون الناس ماظن ان ذي شارع ابوهم عشان يوقفون فجاه

لكن سالفة المطعم مامرت علي مادري وين تقصد

اقصد كل المطاعم وفي مطاعم ع الشارع

[Tomford_qtr]

يمكن يقصد عند وقت الشاي .... اغلب الشباب اللي يسولفون هناك .... الله اعلم

[بوخالد911]

تصرفات مرفوضة.