كلام جارح بس صحيح ومعاك فيه .. تذكر في احتراق برج بالكامل في الكورنيش تعددت الأقاويل منها إن المالك قرر أخذ عازل رخيص يشتعل .. في أي مشروع يشرف عليه استشاري من واجبه يثني المالك عن قراره لأنه هو المسؤول الهندسي .. ولو ما وافق المالك يكتبها له كتابياً الاستشاري ويقرر الإنسحاب من المشروع ويبلغ الجهات المختصة بعد كتابياً ورسمياً ويخلي مسؤوليته .. الخطأ ببساطة يشترك فيه الاستشاري صاحب الخبرة والمقاول لو كان يعرف رداءَة النوعية
سدرة صارت فيه مشاكل الله أعلم بها وكذلك مدينة الطاقة .. والله هذي من المشاريع اللي كنت متمني رؤيتها منجزة وبأسرع وقت مع مشاريع الانتاج الغذائي اللي تقوم بها ودام وحصاد
إن شاء الله التركيز بيكون مضاعف في الفترة القادمة وبتتم حلول على مستوى عالي لكل المشاريع وانا أُؤيد الإتفاق الحكومي المباشر خصوصاً لمشاريع البناء وتسهيل مهمة المقاول والاعتماد على مقاولين قادرين على الإنجاز وتوجيه صغار ومتوسطي المقاولين لعمل تكتلات واندماج حتى يقدرون ينجزون المهمات .. ليش غالبية مصانعنا ناجحة ( الحكومية )؟ لأن الاتفاق بروتوكولي وعلى مستوى الدول وتنفذه شركات كبيرة مختصة وبدون كفيل يبلع ثلاث أرباع الميزانية.
توسعة مطار دبي لمعرض 2020 إكسبو دبي .. هو عبارة عن بناء كامل بتكلفة تبلغ 32 مليار دولار ويبعد 30 كلم عن المطار الحالي .. تتوقعون يخلص في 5 سنوات؟ مع الفلم معلومات مكتوبة كثيرة ممكن قراءتها
مطار مومبي في الهند بس ما عرفت كم تكلفته
وهذا أعلى جسر في العالم .. جسر ماليبو في فرنسا ويبلغ ارتفاعه 300 متر وهو أعلى من برج ايفل