عامل او شركة تكسر الحمام وتبني العازل والمجاري من جديد؟؟

[PowerQ]

السلام عليكم..

طبعا انا جيتكم قبل شهر او شهرين بخصوص التسرب، ونظرا اني مالقيت شركة مناسبة أجلت الموضوع وللأسف زادت شراسة التسرب لدرجة لاتحتمل، الحين قررت أغير الحمام بكبره لإنه بيصير تكسير بالحمام كله فـ مافي فايدة..
رحت محل كافود وعجبتني اغراضهم و ودي اتعامل معاهم، لكن السؤال، هل هم يقدرون يكسرون الحمام كله ويضبطون البيبات والمجاري والعازل من جديد ولا اشوف شركة ثانية تسويه لي بعدها يجون كافود حق البلاط والدش وغيره؟

ياليت اسمع اقتراحاتكم، واللي عنده شركات ولا عمال ممتازين تعامل معاهم لايبخل علينا


جزاكم الله خير

[ضوى]

كافود تشتري منه بس ماعنده تركيب

اسال عدل عن شركات التركيب والعازل وهالسوالف عشان لا تتوهق

[qtr432]

بالاول تتفق مع المبلط والبايب فيتر وشركة العوازل وبعدها هناك خطوات وقت العمل ستتضح معاك بمعنى ان الجميع مرتبطين مع بعضهم. ولابد انك تعرف شنهي الخطوات وتركز فيها والمبلط والبايب فيتر سيبقون معاك حتى اخر لحظه اما العازل يقوم بعمله في يوم واحد وبعدها ماراح تشوفه.

[معماري قطري]

انا أفضل تتعامل مع مقاول وتحدد كل المطلوب بأَكبر دقة في عقد مكتوب وواضح .. كافود عندهم شركة مقاولات والمقاولات فرع وشغل غير عن المبيعات ولو تحط استشاري يحدد المطلوب ويتابع يكون أفضل لك .. شوف حسين فكري عنده حلول للبايبات ونوعيات قوية داخلية وخارجية .. وفي التجديد الكامل أحسن لك تغير التوزيع وترتيب الحمام والإضاءَة ونوعيتها وحتى السقف .. للشغل أحسن تعزل المنطقة وتسوي فتحة من الدريشة ومدخل للعمال من الخارج

عارف الشغلة شوي مزعجة بس تتفق اتفاق كامل أفضل لك .. مواصفات العازل وتفاصيل تركيبه ذكرناها كم مرة وفيه عازل دبل .. وتضرر السقف من الرطوبة القديمة هذي مسألة ثانية .. تحصل الحديد صدأ والرطوبة باقية في الخرسانة وإن شاء الله فيه حلول لإزالة هذي الرطوبة وما يكون السقف اللي هو أرضية الحمام تضرر وايد وتصبر شوي لين تنشف الرطوبة وتحط طبقة سكريد حماية وفوقها العازل والعازل يكون مرتفع لأسفل الجدران ويجي بلاط الحائط فوقه.

الباب لو مهم عندك حلين يا تشيله وتخليه لإنتهاء الشغل وتسكر مكانه ببلايود أو تخليه وتقفله ومؤكد بيتضرر من الشغل تستبدله بعدين .. ولو المقاول جيد ممكن يغطيه ببلاستيك ويحافظ عليه .. الكهرباء نصيحة سو منفذ قرب المغسلة ومرتفع شوي ما يوصله الماي حق مكاين الحلاقة .. فرشاية الأسنان .. ولو عندك جهاز تعقيم كهربائي .. انا مركب ومركب وصلة له وحاط واير لمراية التكبير وفيها ليت وواير للفرشاة وواير للسشوار ولاحظت لو شغلتهم كلهم مع ليت المراية لأَنهم مشبوكين معاه تطفى الكهربة .. إحسب حسابك لنقطتين لو تحتاج كل هذي الأشياء

الليتات ممكن تحتاج كم نوع في السقف بعد جهز لهم كل نوع بمفتاح بنفسه .. ويمكن تسوي فتحات جدارية وتحتاج انارة ال اي دي مخفية فيها أو سبوت لايت بعد احسب حساب هذا الشيء .. لذلك التصميم مهم ومهم جداً

[PowerQ]

بالاول تتفق مع المبلط والبايب فيتر وشركة العوازل وبعدها هناك خطوات وقت العمل ستتضح معاك بمعنى ان الجميع مرتبطين مع بعضهم. ولابد انك تعرف شنهي الخطوات وتركز فيها والمبلط والبايب فيتر سيبقون معاك حتى اخر لحظه اما العازل يقوم بعمله في يوم واحد وبعدها ماراح تشوفه.

مشكور اخوي ولهذا السبب ودي اتعامل مع شركة او مؤسسة اضمن لي من افراد كوني ما افهم بالسباكة وغيرها

[PowerQ]

انا أفضل تتعامل مع مقاول وتحدد كل المطلوب بأَكبر دقة في عقد مكتوب وواضح .. كافود عندهم شركة مقاولات والمقاولات فرع وشغل غير عن المبيعات ولو تحط استشاري يحدد المطلوب ويتابع يكون أفضل لك .. شوف حسين فكري عنده حلول للبايبات ونوعيات قوية داخلية وخارجية .. وفي التجديد الكامل أحسن لك تغير التوزيع وترتيب الحمام والإضاءَة ونوعيتها وحتى السقف .. للشغل أحسن تعزل المنطقة وتسوي فتحة من الدريشة ومدخل للعمال من الخارج

عارف الشغلة شوي مزعجة بس تتفق اتفاق كامل أفضل لك .. مواصفات العازل وتفاصيل تركيبه ذكرناها كم مرة وفيه عازل دبل .. وتضرر السقف من الرطوبة القديمة هذي مسألة ثانية .. تحصل الحديد صدأ والرطوبة باقية في الخرسانة وإن شاء الله فيه حلول لإزالة هذي الرطوبة وما يكون السقف اللي هو أرضية الحمام تضرر وايد وتصبر شوي لين تنشف الرطوبة وتحط طبقة سكريد حماية وفوقها العازل والعازل يكون مرتفع لأسفل الجدران ويجي بلاط الحائط فوقه.

الباب لو مهم عندك حلين يا تشيله وتخليه لإنتهاء الشغل وتسكر مكانه ببلايود أو تخليه وتقفله ومؤكد بيتضرر من الشغل تستبدله بعدين .. ولو المقاول جيد ممكن يغطيه ببلاستيك ويحافظ عليه .. الكهرباء نصيحة سو منفذ قرب المغسلة ومرتفع شوي ما يوصله الماي حق مكاين الحلاقة .. فرشاية الأسنان .. ولو عندك جهاز تعقيم كهربائي .. انا مركب ومركب وصلة له وحاط واير لمراية التكبير وفيها ليت وواير للفرشاة وواير للسشوار ولاحظت لو شغلتهم كلهم مع ليت المراية لأَنهم مشبوكين معاه تطفى الكهربة .. إحسب حسابك لنقطتين لو تحتاج كل هذي الأشياء

الليتات ممكن تحتاج كم نوع في السقف بعد جهز لهم كل نوع بمفتاح بنفسه .. ويمكن تسوي فتحات جدارية وتحتاج انارة ال اي دي مخفية فيها أو سبوت لايت بعد احسب حساب هذا الشيء .. لذلك التصميم مهم ومهم جداً

دائما ردودك مثرية اخوي معماري بس وين القى الشركة الزينة؟ وبخصوص نقطتك اذا تضررت الخرسانة جدا، كيف ممكن يصلحونها وكم التكلفة؟

مع العلم الحمام الله يعزك تبع لغرفة نوم ومقاسها صغير تقريبا ثلاث في اثنين متر والارتفاع ثلاث متر فكم تتوقع التكلفة للتغيير هذا كله مع مواد عالية الجودة (يعني عازل ومجاري جديدة من اول وجديد؟

[اشراقة الشمس]

طرشت لك رقم الشركة بالخاص شغلهم زين

[معماري قطري]

دائما ردودك مثرية اخوي معماري بس وين القى الشركة الزينة؟ وبخصوص نقطتك اذا تضررت الخرسانة جدا، كيف ممكن يصلحونها وكم التكلفة؟

مع العلم الحمام الله يعزك تبع لغرفة نوم ومقاسها صغير تقريبا ثلاث في اثنين متر والارتفاع ثلاث متر فكم تتوقع التكلفة للتغيير هذا كله مع مواد عالية الجودة (يعني عازل ومجاري جديدة من اول وجديد؟

العزل ولا شيء ولو ما سويته مب مهم لكن احتياط .. البايبات تكلفتها بسيطة وأحسن تغيرها ما دام بتجدد .. إنت إن وصلت للعازل معناها شلت كل شيء تقريباً .. ممكن تستفيد من جزء بسيط من بلاط الحوائط لو كان عاجبك وزين ولو فرضنا بتغير بايبات التغذية بتكسر في ارتفاع البايبات اللي هو يجي خط واحد تقريباً مع المفاتيح اللي داخله من برا .. بارتفاع 40 أو 35 سم .. شركة زينة لتروح للمقاولين البسيطين وركز على المختصين في السباكة حتى لو تسئل المقاولين المتوسطين .. تدمر قويين وعندهم سباكين زينين وعندهم معدات وعندهم حمامات كارماخ الألمانية كثير زينة وسعرها معقول والأهم عندهم قسم كامل لأعمال العزل.

حتى لو كسرت أجزاء بلاط من تحت وركبت بايبات تغذية جديدة وعاينت بايبات الصرف لو تحتاج تبديل وبدلتها وسويت العازل مرة ثانية وعاينت السقف لو الحديد مصدي ويحتاج معالجة .. لو الشركة مختصة يعرفون شيسون وشيقترحون ومتابعة استشاري أفضل لك ولو شركة بسيطة ما يقدرون يصلحون صح
ويمكن تجيك مشاكل في المستقبل .. البايبات لو تركب بي بي آر ألمانية داخل وبرا يضمنونها حسين فكري 50 سنة .. الغشاشين يقولون لك البي بي آر ما تنفع حق برا وصج التقليد ما تنفع حق برا ولا تقاوم الشمس .. تدمر وحسين فكري اظن يركبون .. تدمر أكيد يركبون ويركبون نظام التسخين والبرشر فوق

بعدين بعض المقاولين بيعطونك سعر عالي وبعضهم بيقولون لك الإزالة سعرها كذا ووقت كشف الخلل حسب أي شيء بنسويه يكون حسابه ثاني وهذا أفضل لك ولهم

[Qt.1]

مشكور اخوي ولهذا السبب ودي اتعامل مع شركة او مؤسسة اضمن لي من افراد كوني ما افهم بالسباكة وغيرها

ماظن اخوي شركه كبيره بتسوي عقد حمام واحد بس الا اذا صج يبون فلوس ومحتاجين شغل , بأمكانك اتحصل بيب فيتر فنان وشغله محترم وتحصل بعد واحد يركب لك البلاط ويكون بعد شغله نظيف ومرتب , وخل في بالك نقطه الشركات حتى لو خذت شغل بس حق حمام واحد تاكد انه بياخذ اضعاف الي بياخذه اشخاص لو جبتهم عن طريقك يخلصون لك شغلك ,,

[معماري قطري]

كلها سعي وعلاقات ومحاولات بسيطة يا بو عبدالله والكبار ما يقصرون .. صدقني أوقات تحصل صاحب الشركة الكبيرة يحب يساعد ويسوي بسعر ما تتوقعه وبجودة عالية جداً .. وهو كله يعتمد على إن العمال فاضيين والشغل عندهم موقف أو قليل