السلام عليكم
عندي فله تحت التشطيب وياليت تفيدوني بغيت فني لتركيب البورسلان والرخام والجرانيت ومقاول كهرباء ومنجره ياليت يكون من مواقع تجربه هاذا ولكم جزيل الشكر
|
الفزعه يا اخوان
السلام عليكم
عندي فله تحت التشطيب وياليت تفيدوني بغيت فني لتركيب البورسلان والرخام والجرانيت ومقاول كهرباء ومنجره ياليت يكون من مواقع تجربه هاذا ولكم جزيل الشكر
,
,
مرحبا
اخوي الكريم
منزل مبارك ان شاء الله
نصيحتي لك تحط ( شركه ) تشطب البيت لك
وتحط ( استشاري ) جيد يتابع الشغل ونظافه التركيب على اسس واصول الصنعه
ويكون كل المواصفات للمواد معروفه ومحدد نوعها وسعرها
وجودتها
ويحدد انواع المواد
من كهرباء
وبيب فيتر
والمنيوم
واخشاب
لو شطبت لوحدك وتعاملت مع كل شخص على حده
راح ( تتعب ) بالوقت والجهد
ويتاخر مشروعك
وراح توقع في ( اخطاء ) والفنش ماراح يطلع نظيف
لان العمال سهل يمشون الي يبونه على مالك البيت
لانه قليل الخبره في طرق التركيب واسماء المواد
وعمل الميول والمناسيب الصحيحه
واختيار المواد الممتازه للبيت
وعاده العامل يدور على الطريقه ( الاسهل ) له
والمالك ماعنده علم بهذي الامور
لين الحين ما شفت احد شطب بيته لوحده
وكان راضي تمام الرضى عن النتيجه
والعذر والسموحه لو الفزعه ما جات على الخاطر
,
,
الله يبارك فيك اخوي صحيح كلامك بس معاد عندي الا كهرباء وبورسلان ونجاره بخصوص الشغل اكيد عندي استشاري اتعامل معاه
اموا مواصفات الكهرباء لاتحاتي انا في الكهرباء وعرف المواصفات الممتازه
لا بالعكس فزعتك في وقتها وماقصرت كفيت ووفيت
الله يوفقك وانا رأيي من رأي إخوي شموخ وما دام إنك في الكهرباء إحنا بنستنجد بك لو إحتجنا لكهربائي زين
ووفقك اخوي حاضرين اللي بقدر افيدك في المواصفات او بعض الشركات المصنفه عن طريق قسم المشاريعالمشاركة الأصلية كتبت بواسطة معماري قطري
شاكر لك
شوف صاحب الموضوع
انا واحد من الجيران مسوي التشطيب كله من المركز العربي للديكور والمقاولات
44162364 / 33495052
هذا رقم الجزائري
نجيب مزنر
وبكل صراحه شغلهم ممتاز ومنظمين
الادارة لبنانية ومعهم فلبينين وفي مهندس جزائري ممتاز وآسيويين
بكل أمانة شغلهم حلو ونظيف وقت التركيب ينظف مكانه وشغل مرتب ومافي كمية هدر وقت التركيب والقص
وانا اعترف بخطئي أني ماسلمتهم الفيلا عندي مع العلم رحت لهم وكنت متخوف في البداية
بس بعد المقارنة بين شغلهم عند جاري واللي انا جبتهم في فرق كبير
لما تسلم المشروع لشركة وتشوف موظفيها وعمالها متبعين نظم الأمن والسلامة تعرف ان الشركة منظمة وشغلهم نظيف
حتى في لبسهم في سيفتي
عندهم كذا نوع من تركيب البلاط والرخام
في بودرة بيضة مع دك بالماي وخراسانة 5 سنتيمتر وعندهم لو تبي تركب خرسانة كاملة وفوقها مادة الغراء وتبلط
كل شي له سعر
او انك تركب بودرة مع خرسانة وعلى طول يتركب البلاط على الإسمنت
او
بودرة خرسانة وبعد مايتجف يتركب البلاط بمادة الغراء
او يكون خرسانة كامله ويتركب البلاط بمادة الغراء
طبعاً حتى نوعية الغراء في انواع وشركات كثيره
لازم تتفق مع الشركة على نوع مادة الغراء والمواد اللي راح تستخدم في المشروع مهم جداً هذي التفاصيل
وكل نقطة لها تسعيرة
في عمال يغشون شفت بيوت حاطين رمل بلاستر و خرسانة وعلى طول البلاط
وبعد كم سنة راح يتحرك الرمل ويصير هبوط في الارضيّة
انا مجرب مع كذا شركة صحيح اللي مساعدني ان البيت قريب وانا اتابعهم اول بأول وإلا كان رحت وطي
العامل يبقي يخلص شغله بسرعة بسرعة
انصحك تعطي التشطيب شركة تقوم بجميع الاعمال
مشكور اخوي وماقصرت كفيت ووفيت
ضوابط المشاركة
رد مع اقتباس