قطر تقر موازنة 2016 بعجز مقدّر بنحو 12.8 مليار دولار

[مختلف جداََ]

افا عليك حتى لو مب لك اشكرك على الإجابة
والسؤال موجه لكل صاحب اختصاص او عارف بالاجابة

بس شلون يعني راح يصير كارثي؟


قصدك ان السعر راح يرتفع بشكل كبير؟
ولا تقصد آثار رفع الدعم بشكل عام؟

لانك لو جاوبت السؤال الثاني بنعم (اللي هو آثار رفع الدعم) على طول بيثور تساؤل :
شنهي آثار رفع الدعم غير ارتفاع أسعار المحروقات؟

السعر راح يرتفع بشكل كبير هذي مفروغ منها

بس الآثار راح تكون مأساوية

بعطيك مثال.

على أيام الدجاج الحي ينباع في الدوحة ب 18
كان ينباع في الوكرة ب 20 أقول لراعي الدجاج ليش ؟

يقول لي بترول يجي زيادة ،
دوحة قريب و الوكرة واجد بعيد

يالله خذ

رافع في سعر كل دجاجة 2 ريال زيادة عن سعر الدوحة

لو قلنا في كل نقلة 300 دجاجة ، بيكون فرق السعر في النقلة 600 ريال

شدعوه كم بيصرف بترول أو ديزل في اليوم

طبعا هذا على مستوى دجاج فقط

فقيس عليها كل تاجر و مقاول بيزيد السعر أضعاف بحجة ارتفاع سعر المحروقات .

[Boost]

إنشالله بس يصير تصحيح خشن وتنزل أسعار الأراضي والبناء وغيرها مع الإيجارات هبوط حر ونرتاح شوي

تعبنا والله وإحنا ننتظر هالتصحيح

[بن لادن]

http://www.qatarshares.com/vb/showth...CF%E6%E1%C7%D1

[حرف]

والله مادري اخوي

لكن هل الوضع يستاهل رفع أسعار المحروقات وفرض ضرايب حاليا؟؟

سعادة وزير المالية صرح من فترة قصيرة ان فرض الضرايب احد الخيارات المفتوحة لمواجهة العجز

لكن في المقابلة في قناة الريان كان كلامه يدل ان الوضع طيب ومايستحق حاليا

وطبعا رايي بنيته على كلام سعادته في المقابلة

وماادري هل تطبيق الخطوة اللي تذكرها اخوي حرف راح يساعد على تحسين الأوضاع او نقلها الى الاحسن لان الأوضاع مثل مافهمنا طيبة الحمدلله


لكن كقاعدة عامة :
فرض الضرايب هو احد الحلول في الغالب لمواجهة التضخم (هاذي اخبر قريتها من زمان)
بس مادري هل فرض الضرايب ممكن يقلل مثلا من العجز المتوقع ؟


بصراحة مب عارف واترك المجال لذوي الاختصاص

خلها ترتفع مؤقتاً دام انها بتفيد صحيح ماحد يبي يدفع زيادة
بس لازم يكون عندنا حس وطني وهذا اقل واجب لقطر

[عازف]

خلها ترتفع مؤقتاً دام انها بتفيد صحيح ماحد يبي يدفع زيادة
بس لازم يكون عندنا حس وطني وهذا اقل واجب لقطر

حتى تجار والهوامير لازم يكون عندهم حس وطني لقطر

[الدبلوماسي]

اخوي عندك فكرة في حالة رفع الدعم كم راح يصير السعر تقريبا؟

طبعا احنا نتكلم عن بترول المحطات اللي يسمونه بنزين

قبل مايرفعون وقبل ما يوضعون ضرائب لهل قطر في اجرائات من المفترض تتخذها الحكومه من ناحيه الميزانيات المفتوحه لبعض المشاريع وتحصيل غرامات التأخير وبعض رواتب ألاعيبه الخياليه وبعض المكافئات او رواتب مب عارف ايش تتسمى الي تنزل شهريا لسبب الاست نيم ومراجعه ايرادات جهاز قطر للاستثمار وغيره وغيره الكثير

[بن لادن]

قبل مايرفعون وقبل ما يوضعون ضرائب لهل قطر في اجرائات من المفترض تتخذها الحكومه من ناحيه الميزانيات المفتوحه لبعض المشاريع وتحصيل غرامات التأخير وبعض رواتب ألاعيبه الخياليه وبعض المكافئات او رواتب مب عارف ايش تتسمى الي تنزل شهريا لسبب الاست نيم ومراجعه ايرادات جهاز قطر للاستثمار وغيره وغيره الكثير

شي اكيد ياخوي .. لما تدفع ضرايب من حقك اتعرف الفلوس وين اتروح ومن حقك اتعرف كل وزير كم راتبه لانك انت اللي قاعد تدفع

[bentelyarnag]

على فكره يا جماعه الاسعار ما بتنزل كثير خاصة أسعار العمارات ... لعدة أسباب ... أسعار المحروقات ارتفعت خاصة في الدول المجاورة فأي استيراد مثل الجابرو ممكن سعر الخرسانة تزيد وهذا ممكن يغطي فارق سعر نزول الحديد ... للحين المشاريع المونديال قاءمة . وطلبات الإجراءات الحكوميه قاعده تزيد وقاعد ياثر على جدوى اي مشروع . يعني الي تعب ما راح يبيع بخسارة . إلا إذا عنده دفعات بنكية الي تجبر الواحد ..وهذه في كل الأحوال سواء الاقتصاد جيد أو سىء . هذا رايي المتواضع .

[KSK Logistic]

انخفاض كبير في الميزانيه ، ولا تدل انه فيه تنوع في الاقتصاد ، وجرد اقتصاد حكومي محلي سبب فيه فقاعه كبيره ، انتظر واتفرج