المشاركة الأصلية كتبت بواسطة بصمة قطرية
ما يشوف شر إن شاء الله الولد ..
عانيت مع ولدي مع الأكزيما متعبة جداً
الحكة بنفسها متعبة ..
للأمانة علاج واحد بس نفع مع ولدي
كنت آخذ له من عند خان الصابون اللي في فيلاجيو
كريم لونه بني معاه شوائب ما يجيك صافي و معاه صابونه
خاص بالأكزيما ..
من بعدها اختفت الأكزيما من جسمه ..
كانت أكثر شي في المفاصل صوب الركبة و الكوع ..
الحمدلله وايد وايد ارتاح الولد من بداية الإستخدام ..
جاته الأكزيما من صغره و قال لي الدكتور عنها
إنها بتروح لين كبر إن شاءالله نفس حساسية الصدر ( الربو )
كل ما كبر راح تخف ..
و الحمدلله راحوا عنه تقريباً ..
عموماً في الطب في شي يسمونه عائلة الحساسية ..
إذا أحد الوالدين مصاب بنوع من أنواع الحساسية
يورث الطفل ممكن نفس الحساسية أو نوع ثاني ..
و اللي أعرفه الأم اللي تورث هالأشياء مش الأب ..
عائلة الحساسية هي :
حساسية الصدر ..
الحساسية الجلدية ..
حساسية الأنف ..
أي نوع يورث نوع ثاني ..
و أنا معاي الثلاث أنواع ..
وعيالي معاهم حساسية صدرية ( ربو ) ..
أهم نقطة أخوي شبح
الإبتعاد عن مهيجات الحساسية ..
المانجو .. الفراولة .. الموز .. الكيوي ..
السمك .. توابل السلطة الجاهزة ..
و في أشياء ثانية ..