ياليت أي أحد شاري عقار بتركيا أيفيدني وعن طريق أي شركة موجودة بقطر أنا رحت كم شركة بقطر وبيني وبينكم مارتحت لهم لأن الشغالين ألي فيهم من جنسية عربية معروفة وأغلب الشركات هذا الحوار ألي دار بيني وبينهم ولكن ماتعاقدت معاهم وماعندي مشكلة بقساط أوكاش الحمدلله عندي خير .. طبعاً الشركات ألي مريت عليها طلبت منهم تصديق العقد ألي بيكون بيني وبينهم بالسفارة التركية قالوا أوكي وقالوا أذا دفعت قيمة الأستيديو كاش بنعطيك عائد من الأجار الشهري بربح 10% قلت وأذا أقساط قالوا 7% قلت وقالوا بيكون عقدنا معاك لمدة سنتين قلت خلاص أوكي خلو عقدي معاكم لمدة 4 سنوات قالوا أنت بتكون خسران قلت ليش قالوا لأن الأجارات بترتفع كل سنه بنسبة تقريباً 10 ألى 15 % قلت أنا راضي حتى لو 10 % لمدة 4 سنوات قالوا لا قلت لهم وأيش ضمني أنكم بتدفعون كل شهر قالوا أحنا متفقين مع شركة معروفة قلت لهم أنا هنا لزمتوني بالعقد وألزمتوني بالدفع لأنكم بتوقعوني على شيكات يعني ضمنتو حقكم وأشلون أضمن حقي .. فكنسلت معاهم التعاقد.