السلام عليكم ورحمة الله وبركاته
بعض التفاصيل تأثيرها كبير علي البيت ..تقلل من جمال و فخامة المكان
للأسف الأخطاء هذي شفتها في بيوت قطرية راقية
أول خطوة تسبق عملية الصبغ هي تغطية الحواف و سوكت الكهربا وبعضهم يشيله لضمان النظافة
وايد من الصباغين يستخدمون اللزقة العادية والمفروض يستخدمون لزقة خاصة
اختيار عدد الطبقات المناسبة ومعالجة الطوفة قبل الصبغ تأثر بشكل كبير علي جمال اللون حتي لو كان حيادي باهت
نظافة الشغل والخط الفاصل بين الألوان وايد مهمين خصوصاً إذا كانت عندك طوفة بلون مختلف أو مثل ما نسميها accent wall
وفي شي تعلمته .. ومثل ما يقولون محد يتعلم ببلاش
إذا قلت للعامل أو المقاول هذا الشكل مابيه وقال لك عقب ما يخلص ومع الفنشنج والبوليشنج بيصير مثل ما تبي
تأكد ان هذا أكبر مقلب بتاخذه في حياتك
|
رد مع اقتباس
المشاركة الأصلية كتبت بواسطة معماري قطري
