-
عضو مؤسس
الحجر السوري والاردني ؟ وماهو الخيار الافضل للتركيب ؟؟
السلام عليكم
بالنسبة للحجر الطبيعي يا اخوان ايش الافضل السوري الحلبي أو الأردني رويشد ؟ جاني شخص سوري وعطاني سعر يعتبر معقول مقارنة بسعر السوق كم متوسط الاسعار ؟
ونجي للمهم يقولي بركب تركيب عادي مب ميكانيكي وقعد يذم في الميكانكي ويقول انه يجمع حشرات ويطيح !! ايش الطريقة الأفضل للتركيب مع العلم البيت عليه بلاستر
وشكراً والسموحه على كثرة الاستفسارت الفترة الاخيرة
-
تميم المجد
مواضيع الحجر في سوق المقاولات والديكور حاول تمر عليها ونصيحتي ما دام مب مخطط للشغلة وسويت بلاستر اصبغ وتوكل على الله
استحملني بس شوي توك من شوي تنصح بالتوفير في مساحة القزاز والدرايش والحين بتدفع في الحجر وبدون خطة مسبقة ومن واحد جايك مار على بنيانك ويقنعك بالطريقة العادية
-
عضو مؤسس
هههههههههههههه عزيز وغالي يامعماري انا معاك في التوفير بس الصبغ كم بيكلفني وعقب كم سنة ان شاء الله بيتغير لون الصبغ وتعال اصبغ قلت اسوي حجر واجهتين وسور لأنه في واجهه خلفية وجهة ثانية عندي ارتداد 1.5 متر حتى ان ركبت الحجر مابستفيد منه كشكل والخ وسبب اختياري للحجر عشان العزل والحرارة
من شوي جاني عرض سعر افضل من صديق وتركيب ميكانكي نفكر ونشوف يامعماري
-
تميم المجد
الله يوفقك بس بعد الحجر يخترب ويطيح لو ما تركب عدل .. الصبغ الأبيض يقاوم ويعمر والزين مثل جوتاشيلد ما يكلف 10% من قيمة الحجر المتوسط
شوف بيت عبدالله بن حمد العطية اللي في شارع الوعب شكثر صار له مصبوغ وما تغير
-
تميم المجد
لو بتركب حجر وميكانيكل خل يحطون عازل في الفراغ أو أقل شيء يسوي فتحات بالدريل تحت وفوق لتهوئة الفراغ واعطاء درجة عزل أفضل من الهواء المحكور اللي ينقل الحرارة .. الهواء الحار يرتفع ويطلع من الثقوب العلوية ويحل محله هواء نسبياً أَبرد وحركة الهواء داخل التجويف هي اللي تعطيك العزل
-
الحجر السوري هالايام مرتفع سعره وذلك بسبب اغلاق الاردن عليهم او بمعنى صعوبة خروج الشاحنات
حاسب من اي شخص يعطيك سعر مش منطقي ولا يقعد يقنعك باشياء ثانيه.
واذا حبيت تركب قوله خلني اعاين البضاعه واذا قالك مش موجوده وبطلبها لك قوله يسلم راسك مع نفسك.
-
عضو مؤسس
الله يوفق الجميع شاكر لكم مروركم
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى