السلام عليكم ,,, حبيت اسأل طريقة تنظيف الانترلوك ,, مع اني لحد الحين ماسكنت البيت وشركة التنظيف غسلت الحوش مرتيين بس لازال لون الانترلوك مش مثل ماتشتريه جديد ,, هل في طريقة معينه لتنظيف الانترلوك ؟ ارجوا الافادة ومشكورين مقدما
السلام عليكم ,,, حبيت اسأل طريقة تنظيف الانترلوك ,, مع اني لحد الحين ماسكنت البيت وشركة التنظيف غسلت الحوش مرتيين بس لازال لون الانترلوك مش مثل ماتشتريه جديد ,, هل في طريقة معينه لتنظيف الانترلوك ؟ ارجوا الافادة ومشكورين مقدما
الانترلوك يبهت سرعة بسبب رداءَة صناعته واستخدام البودرة الجيرية فيه وأصباغ رديئة
لو مركب زين خل ينظفونه بهواء مضغوط ثم رش بصبغ ايبوكسي وتقدر تسوي تشكيلات لو تبي بالصبغ .. صبغ الإيبوكسي هذا يستخدم في المصانع والمخازن والورش ويجي غالي .. والقصد بلو مركب زين يعني مضمون ما يصير هبوط أما تحته خرسانة أو مديوس بالسيارات فترة ولا صار هبوط .. ولو ما سكنت للحين إصبر لين تسكن أفضل بتبين العيوب كلها واصبر فترة سنة أو سنتين خل يبين تأثير المطر من هبوطات لين خلخلة في بعض القطع
في حالة تكون الأرض فيها هبوطات بعدين تضطر تشيل الانترلوك وترتب وأحسن ترتيب تحط خرسانة مقواة أما بالفايبر أو بشبك حبال خاصة ( geotextile ) وهذا يخلي التربة متماسكة بأقل كمية اسمنت
معماري .. شفت شركات أوروبية تستخدم الرمل المضغوط في تنظيف الأحجار بأنواعها واللحوائط
وأفضل صبغ للارضيات الخارجية هو الناري ..
ونسأل لصاحب الموضوع عن شركات في قطر تنظف له ..
غـفـوت بـأمـان وحــولــي رفــاقــي . . واســتـيـقــظــت، فـلـم أجــد حــولــي سـوى الــذّئــاب.. لا أعــلم هــل أكــلـت الـذّئــاب رفــاقــي، أم أنّ رفــاقــي تـحـوّلـوا إلــى ذئــاب ..!.
شركة توب كلين ..
يستخدمون مواد كيميائية مع معدات تنظيف ميكانيكية وبعدين تنظيف بضغط الماء
لكن أقرب موعد عندهم عقب شهر
غـفـوت بـأمـان وحــولــي رفــاقــي . . واســتـيـقــظــت، فـلـم أجــد حــولــي سـوى الــذّئــاب.. لا أعــلم هــل أكــلـت الـذّئــاب رفــاقــي، أم أنّ رفــاقــي تـحـوّلـوا إلــى ذئــاب ..!.
اذا صار طبقة لونها ابيض فوق الانترلوك ممكن بسبب ان الرمل اللي تحته dune sand
المفروض يكون wash sand )رمل مغسول)
سبحان الله العظيم
إِذا بيصبغ اخوي بن غيث ما اعتقد بيحتاج للتنظيف بالرمل الإنترلوك يحتاج هواء مضغوط حق إزالة الرمل والغبار حوله وتنشيفه من أي رطوبة .. ويستحسن يصبغ سيدة بعد الهواء .. الرمل بيزيل طبقة وبيبين اللون جديد بس بيرجع يبهت بعد فترة بسيطة .. الناري إخو الإيبوكسي والاثنين ينخلطون بمادة غير عن الماي وبمكينة الرش
اعتقد حطيت مقاطع فيديو للتوضيح في يوتيوبيات البناء .. حتى الناري ينفع بس المهم يحتاج صبغ قوي
مشكورين اخواني ، الرمل اللي عندي مستخدمينه رمل مغسول، والحوش كامل صبية عقبها طبقه رمل مغسول داكينها وعقب الانترلوك راكب، الانترلوك كان نظيف لما ركبوه بس الحين اسوف لونه بهت، وهاي مب الانترلوك العادي هاي من شركة التحويليه اللي ما يتفتت ولونه يروح . بس شركة التنظيف ماعرفت تنظفه فمادري السبب
يفترض آخر الخطوات هي تركيب الانترلوك واللي عند التحويلية زين إحتمال الصبغ خارجي ولو خارجي مب مخلوط في صبة الانترلوك مشكلة وغش كبير لازم بيبهت لو تسوي المستحيل
ما ادري شقول لك من راي تتحمل الوضع هذا ما دام صار كل شيء وتكلم الشركة عن مواد التنظيف الكيميائي وبتكون العملية سهلة لو عندهم مواد مناسبة ولا خذ قطعة انترلوك وودها للدرويش اللي في طريق سلوى والشركات الخاصة بالصبغ هم عندهم كيماويات خاصة للتنظيف وخل يجربون على هذي القطعة وشوف شلون لأن بعض الكيماويات تخرب بعض الأصباغ