صفحة 3 من 79 الأولىالأولى 123451353 ... الأخيرةالأخيرة
النتائج 21 إلى 30 من 784

الموضوع: سيارات قديمة وحديثة ومن ضمنها سياراتكم وذكرياتكم معها

  1. #21
    عضو فعال الصورة الرمزية المبرمج صلاح
    رقم العضوية
    30745
    تاريخ التسجيل
    Feb 2010
    الدولة
    بقلوب الناس
    المشاركات
    21,327
    هلا اخوي معماري
    بالنسبة لي لو انا كنت عاقل مثل اليوم ايام شبابي كان كونت ثروة محترمة بدل السيارات اللي اشتريتها خلال 7 سنوات اللي فاتت
    اشتريت السيارات التالية وكنت دايمها ابيعها بخسارة و اسبوعيا في الصناعية

    1- تويوتا تيرسل 1995 ( اول سيارة في حياتي بسعر 7 الاف ريال وتقسيط كمان كنت ابحث عن شغل في بداية حياتي )
    2- متسوبيشي باجيرو 2005 ( حللت كل ريال فيها بسبب السرعة لمن جابت اخرها معايا )
    3- نيسان باثفيندر 2003 ( اخترب علي كمبيوتر و كذا شي كلفوني تصليح نص سعر السيارة خسرت فيها كتيير )
    4- تويوتا كامري 2006 ( افضل سيارة كانت معي في الاستخدام ولم اصرف عيلها ريال صيانة وندمان عبيعتها )
    5- فلوكس واجن باسات تيربو 2006 ( السيارة الوحيدة اللي بعتها بربح الف ريال ولم اخسر فيها )
    6- bmw 520i موديل 2005 ( عذبتني كل اسبوع في الصيانة وكل سيرفيس بملبغ محترم يصل الي ثلث مرتبي )
    7- مرسيدس S320 موديل 2000 ( مريحة جدا وعزم جبار وسابقة عصرها برغم قدمها وسويت فيها حادث خشن وبعتها بخسارة )
    8 - كامري 2009 ( اشتريتها بسلفة لاني فلست من المرسيدس والحمدلله سددت ثمنها وحتى الان استخدمها صيانتها لا تذكر ونسيت الصناعية بعدها )

    بعص الصور القديمة هناااااااااااااااااااااااااااااااااااااا
    تابعوني عالانستقرام لتصلكم احدث اجهزة رواترات الواي فاي و الفايبر

    ‏@Qatar_wifi

    https://www.instagram.com/qatar_wifi/

  2. #22
    تميم المجد الصورة الرمزية النهار
    رقم العضوية
    24413
    تاريخ التسجيل
    Mar 2009
    المشاركات
    26,441
    اقتباس المشاركة الأصلية كتبت بواسطة معماري قطري مشاهدة المشاركة


    عيل إنت قديم .. أذكر اثنين من الربع كان عندهم البيجو استيشن واحد اسمه عيسى وواحد راشد بن عيسى .. هم ألحين نسوا أكيد .. بس كانت سيارة تستحمل

    ومن فترة شفت الستروين القديمة موديل 1971 عند واحد ألماني وسئلته عن الهيدروليك ذيك لو بنشر تاير كانت توازن نفسها وتمشي على 3 تواير وكانت صج بدعة مع الهيدروليك المتطور .. بس استغربت طلعت اللي عنده مب هيدروليك
    الستروين وكيلها المانع وكيل البيجو والفورد سقتها بس مادشت مزاجي شكلها كريه
    كانوا يسون لها دعايه مهب طبيعيه السياره الوحيده في العالم الي ماتنقلب وانها لوبنشرت تمشي على 3 تواير
    ( حسنات عظيمة إن شاء الله فى أربع كلمات )



    سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ


    عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ

  3. #23
    تميم المجد الصورة الرمزية النهار
    رقم العضوية
    24413
    تاريخ التسجيل
    Mar 2009
    المشاركات
    26,441
    اقتباس المشاركة الأصلية كتبت بواسطة معماري قطري مشاهدة المشاركة
    الزد اخوي النهار خذت ال 300 تيربو أول ما نزلوا سنة 1984 وكنت اسرع فيها سرعة رهيبة فوق ال 230 بوايد .. تسابقت مع مرسدس 560 وطفته بمسافة طويلة يقول لي هو يمشي فوق 260 ومستغرب شلون انا ابتعد عنه وانا ما اتوقع موصل 260

    بس صار لي حادث بشع فيها وزين سلمت بشلخ بسيط في الحوض ترقدت على سبته فوق الشهر
    انا كنت اتسابق معاهم بالترانس المرسدسات ال 500 اقول له حرك وانا بحرك بعد بدقيتين بالراحه امر من جنبه وهو يطالع اسلم عليه وانا رايح عنه بمسافه كبيره
    ( حسنات عظيمة إن شاء الله فى أربع كلمات )



    سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ


    عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ

  4. #24
    عضو مؤسس الصورة الرمزية Dana’1
    رقم العضوية
    24689
    تاريخ التسجيل
    Mar 2009
    الدولة
    الريـان & الشـرقية
    المشاركات
    10,625
    اقتباس المشاركة الأصلية كتبت بواسطة معماري قطري مشاهدة المشاركة


    هلا بأشجع العضوات .. الباقي أكيد يدخلون يقولون غابة رجال خلونا نطلع

    انا خذت أكورد في أمريكا تجميع أمريكا وبمواصفات غير عن اللي عندنا وباب واحد .. ألحين الباب الواحد اللي في قطر أمريكية

    المهم كانت وايد مريحة ويوم خلصت حولت ملكيتها لإخوي وجاب رقمها بس ما ادري وين وداه IQK 81 U لحد يسئلني شلون اتذكره .. ببساطة لأني بجاوب .. كنت رابط I Love Qatar and Kuwait والرقم واليو .. الحلو في فلوريدا الرقم من ينصرف يبقى ذكرى لك وباسمك طول العمر
    بالمهلي ماشاءالله زين تتذكرها عجيبه اللوحه لوحهم تجيك ملونه وعليها رسم صح
    أحب السيارات وأكثر سياره أحب اتفرج عليها اذا مرات او حتى واقفه الجموس الخوض القديمه*
    وسيارات الكلاسيك كلها
    الزد القديمه روووعه


    المعركة الحقيقية هي معركة الوعي و الإحتلال الحقيقي هو إحتلال السفهاء للمنابر.
    فن التعامل مع الآخرين جاء في ثلاث عبارات قرآنية في آية واحدة
    ‏﴿خُذ العَفْو، وَأْمُرْ بالعُرْف، وَأَعْرِضْ عنِ الجاهلين﴾

  5. #25
    تميم المجد الصورة الرمزية السكين
    رقم العضوية
    17342
    تاريخ التسجيل
    Aug 2007
    المشاركات
    3,339
    النهار أخبر الستروين وكيلها النائل ولا أنا غلطان أذكر بمعرض السيارت كانت تمشي بين الستاندات بثلاث تواير صح .

    أنا أول سيارة شريتها كانت بروتون وكالة موديل 2000 لونها أبيض صدفي وتيك بني من النوع البلاستيك هههه وحركات ، أذكر مرة على لفة محطة الوسيل دخلت مسرع فيها لقيت نفسي بوجه السيارات إلى أن إنتقلت لرحمة الله بعد حادث تسبب فيه الوالد الله يحفظه .

    وخذوا هالنكتة مرة تفاديت كروزر طلع من لفة قدامي أيام اللفات اللي بنص طريق الشمال ..إلا وادوس هذاك الكلب النكتة إن الكلب كان ميت وعرفت بعدها إن الصبح واحد صديقي هو اللي داعمه المهم بعد ما دسته الصدام طاح من ورا ..وركبناه مع الشباب وأمورنا طيبة .

    بعدها سونوما فديتها ما كنت أعرف امشي فيها كل شوي الشباب يسألوني للبيع ، كانت صاروخ ومكيفها ثلج وأعطيها ثالث ونااااااام سيدريك وكورولا وألتيما وبي إم دبليو الله يفكني منها بس فيه سيارات ثانية وخاصة الأيجار ما خليت سيارة ما دعمت فيها ولا ركبت فيها رصيف ، الله يرحمها من أيام حلوة .

    أنا مستغرب من معماري قطري ههههههههه على قدر جديته في المواضيع تحسه انه كان الشخص المثالي الوحيد بقطر طلع شوماخر المنتدى ولا النهار ههههههه ما شاء الله عليكم .
    َربّ إغفرْ لِي وَلِوالديّ وللمِؤمِنينَ وَالْمُؤمِنَات يوْمَ يقوم الحِسَابْ


  6. #26
    تميم المجد الصورة الرمزية النهار
    رقم العضوية
    24413
    تاريخ التسجيل
    Mar 2009
    المشاركات
    26,441
    اقتباس المشاركة الأصلية كتبت بواسطة السكين مشاهدة المشاركة
    النهار أخبر الستروين وكيلها النائل ولا أنا غلطان أذكر بمعرض السيارت كانت تمشي بين الستاندات بثلاث تواير صح .

    أنا أول سيارة شريتها كانت بروتون وكالة موديل 2000 لونها أبيض صدفي وتيك بني من النوع البلاستيك هههه وحركات ، أذكر مرة على لفة محطة الوسيل دخلت مسرع فيها لقيت نفسي بوجه السيارات إلى أن إنتقلت لرحمة الله بعد حادث تسبب فيه الوالد الله يحفظه .

    وخذوا هالنكتة مرة تفاديت كروزر طلع من لفة قدامي أيام اللفات اللي بنص طريق الشمال ..إلا وادوس هذاك الكلب النكتة إن الكلب كان ميت وعرفت بعدها إن الصبح واحد صديقي هو اللي داعمه المهم بعد ما دسته الصدام طاح من ورا ..وركبناه مع الشباب وأمورنا طيبة .

    بعدها سونوما فديتها ما كنت أعرف امشي فيها كل شوي الشباب يسألوني للبيع ، كانت صاروخ ومكيفها ثلج وأعطيها ثالث ونااااااام سيدريك وكورولا وألتيما وبي إم دبليو الله يفكني منها بس فيه سيارات ثانية وخاصة الأيجار ما خليت سيارة ما دعمت فيها ولا ركبت فيها رصيف ، الله يرحمها من أيام حلوة .

    أنا مستغرب من معماري قطري ههههههههه على قدر جديته في المواضيع تحسه انه كان الشخص المثالي الوحيد بقطر طلع شوماخر المنتدى ولا النهار ههههههه ما شاء الله عليكم .
    لا سلمك الله قبل النائل كان المانع وكيلها الي هو وكيل البيجو والفورد الحالي
    هاي الموديل الي كنت اقصده
    http://bestcarmag.com/makes/Citroen/DS/1970-Citroen-DS
    كان سوقها ضعيف القليل الي كان يشتريها توقفت فتره طويله وبعد ين جابوها شركة النائل
    التعديل الأخير تم بواسطة النهار ; 18-01-2016 الساعة 02:12 PM
    ( حسنات عظيمة إن شاء الله فى أربع كلمات )



    سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ


    عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ

  7. #27
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    40,227
    اقتباس المشاركة الأصلية كتبت بواسطة النهار مشاهدة المشاركة
    انا صراحه مافي موتر مأستخدمته
    خذت سياره يسمونها سهان بيرد كان الشريف وكيلها ماعندهم كراج ولاقطع غيار كان تروح تاخذهم من الحوطه مقابل سينما الخليج هههههههه عمر الافتراضي للسياره 6 شهور فقط
    الفارميو كان وكيلها ناصر بن خالد صج موتر رزه كربيترين بس خرباته كانت وايد او بالاحرى هنى في الوكاله ماكنوا يعرفون له عدل
    خذت من عند الدرويش فيات ريجاتا وخذيت مازدا حراقت الايل
    وخذت من عند صالح الحمد المانع دتسون نفس الكبسوله بس ناسي اسمها
    وخذت من عبدالغني مارك تو تويوتا هاي جات فتره بسيطه ووقفوانتاجها.
    خذت كريسيدا شيخة السيارات
    وخذت سوبر صالون عاد هاي التوب لين الحين موجوده عندي بس واقفه وماتحركت من 2008
    وخذت عراوي وهايلكس اول مانزل المتعوس البرتون خذته اتعس سياره على وجه الارض

    فاصل ونواصل
    ما شاء الله عليك عيل إنت أقدم مني بقرنين من الزمان أقل شيء .. الله يعطيك العافية والصحة .. هذي السيارات بعضهم آذكرهم وبعضهم لا

    بالنسبة للسوبر صالون انا خذت وحدة سنة 1993 للبيت بعد ما تخرجت وكانت نوع الرويال صالون وصج كانت سيارة عملية ومريحة .. بعتها بعد حول 15 سنة لأَني محتد آخذ سيارة جديدة ولا فيه مكان للوقوف .. أعتقد انتاجها مستمر بس للسوق الياباني .. كانت عند خالي قبل وكنت متعجب من الثلاجة فيها ذاك الوقت .. في اليابان هي سيارة الامبراطور بس نسخة خاصة منها

  8. #28
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    40,227
    اقتباس المشاركة الأصلية كتبت بواسطة المبرمج صلاح مشاهدة المشاركة
    هلا اخوي معماري
    بالنسبة لي لو انا كنت عاقل مثل اليوم ايام شبابي كان كونت ثروة محترمة بدل السيارات اللي اشتريتها خلال 7 سنوات اللي فاتت
    اشتريت السيارات التالية وكنت دايمها ابيعها بخسارة و اسبوعيا في الصناعية

    1- تويوتا تيرسل 1995 ( اول سيارة في حياتي بسعر 7 الاف ريال وتقسيط كمان كنت ابحث عن شغل في بداية حياتي )
    2- متسوبيشي باجيرو 2005 ( حللت كل ريال فيها بسبب السرعة لمن جابت اخرها معايا )
    3- نيسان باثفيندر 2003 ( اخترب علي كمبيوتر و كذا شي كلفوني تصليح نص سعر السيارة خسرت فيها كتيير )
    4- تويوتا كامري 2006 ( افضل سيارة كانت معي في الاستخدام ولم اصرف عيلها ريال صيانة وندمان عبيعتها )
    5- فلوكس واجن باسات تيربو 2006 ( السيارة الوحيدة اللي بعتها بربح الف ريال ولم اخسر فيها )
    6- bmw 520i موديل 2005 ( عذبتني كل اسبوع في الصيانة وكل سيرفيس بملبغ محترم يصل الي ثلث مرتبي )
    7- مرسيدس S320 موديل 2000 ( مريحة جدا وعزم جبار وسابقة عصرها برغم قدمها وسويت فيها حادث خشن وبعتها بخسارة )
    8 - كامري 2009 ( اشتريتها بسلفة لاني فلست من المرسيدس والحمدلله سددت ثمنها وحتى الان استخدمها صيانتها لا تذكر ونسيت الصناعية بعدها )

    بعص الصور القديمة هناااااااااااااااااااااااااااااااااااااا
    زين اللي محتفظ بالصور .. وصحيح الفترة قصيرة والسيارات كثيرة .. انا اشتري على فترات أطول خذ لي الوالد سنة 1982 كروزر وكانت أول مرة اتعرف على هذي السيارة والحمد لله كنت متقن للسواقة أكثر بعد تكنسيلي لسيارتين سنة 80 و 81 وآخر حادث كان شنيع جداً حول سبع قلبات وتقطعت السيارة وانقذفت منها انا واخوي على جنب الطريق .. في كل جسمي جروح وآثارها بقت بسبب السكر كان له معاي حول سنة أو سنتين ذاك الوقت.

    إخوي سووا له عملية 8 ساعات في المخ في لندن مع إن تقارير مستشفى رميلة إن ما فينا شيء .. وانا علاج طبيعي للظهر ومداواة الجروح وكان شق تحت عيني .. أذكر ولد عمي يقول شفناكم وثيابكم مشققة والجرح اللي تحت عيوني يقول بكيت وترحمت عليكم.

    كان الحادث بسبب قطع الطريق علينا بسيارة طالعة من وسط الجزيرة وكنت أكيد مسرع .. والرجال شيبة إماراتي طلعوه من السجن من أول يوم لأَنه صاحب عائلة والحمد لله بعد 3 أيام في العناية المركزة بدينا نفيق .. والحمد لله ما فيه كسور سوى ضربة لإخوي في الجمجة وكان فيه نزيف داخلي مستشفى رميلة ما كشفه.

    الكروزر واصلت فيه لين عام 1986 وكنت أتركد في السواقة قد ما اقدر غير بعض المغامرات الطائشة القليلة وسافرت ادرس وهناك وعيت على القانون الحقيقي للمرور وضرورة ربط الحزام وضرورة الوقوف عند اشارة قف بالكامل .. وفي هذه الأثناء خذت النيسان زد اكس سنة 1984 وتكنسلت عندي بعدها ب 8 شهور وكان حادث بشع تسبب لي في شلخ في الحوض وشقوق في الرأس من القزاز وما قدرت اقدم إمتحان وعدت السنة.

    وايد كنت معذب والديني وانصح الكل الحين بعدم المغامرة بالسيارة.

  9. #29
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    40,227
    اقتباس المشاركة الأصلية كتبت بواسطة Dior'1 مشاهدة المشاركة
    بالمهلي ماشاءالله زين تتذكرها عجيبه اللوحه لوحهم تجيك ملونه وعليها رسم صح
    أحب السيارات وأكثر سياره أحب اتفرج عليها اذا مرات او حتى واقفه الجموس الخوض القديمه*
    وسيارات الكلاسيك كلها
    الزد القديمه روووعه
    اتذكر عنواني ورقم سيارتي وتلفوني .. العنوان والتلفون حافظهم من زمان وبالصدفة حصلت دفتر شيكاتي ومكتوب فيه العنوان والتلفون وتأكدت إن ذاكرتي صحيحة .. رقم السيارة بعد ما خلص اخوي جابه بس له فترة مفقود وزين للحين اتذكره .. إخوي خلص سنة 1996 وهندسة كهربائية وخذ ماجستير ادارة مشاريع من حول 3 سنين والحين يدير مشروع كبير الله يوفقه ويعينه

  10. #30
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    40,227
    اقتباس المشاركة الأصلية كتبت بواسطة السكين مشاهدة المشاركة
    النهار أخبر الستروين وكيلها النائل ولا أنا غلطان أذكر بمعرض السيارت كانت تمشي بين الستاندات بثلاث تواير صح .

    أنا أول سيارة شريتها كانت بروتون وكالة موديل 2000 لونها أبيض صدفي وتيك بني من النوع البلاستيك هههه وحركات ، أذكر مرة على لفة محطة الوسيل دخلت مسرع فيها لقيت نفسي بوجه السيارات إلى أن إنتقلت لرحمة الله بعد حادث تسبب فيه الوالد الله يحفظه .

    وخذوا هالنكتة مرة تفاديت كروزر طلع من لفة قدامي أيام اللفات اللي بنص طريق الشمال ..إلا وادوس هذاك الكلب النكتة إن الكلب كان ميت وعرفت بعدها إن الصبح واحد صديقي هو اللي داعمه المهم بعد ما دسته الصدام طاح من ورا ..وركبناه مع الشباب وأمورنا طيبة .

    بعدها سونوما فديتها ما كنت أعرف امشي فيها كل شوي الشباب يسألوني للبيع ، كانت صاروخ ومكيفها ثلج وأعطيها ثالث ونااااااام سيدريك وكورولا وألتيما وبي إم دبليو الله يفكني منها بس فيه سيارات ثانية وخاصة الأيجار ما خليت سيارة ما دعمت فيها ولا ركبت فيها رصيف ، الله يرحمها من أيام حلوة .

    أنا مستغرب من معماري قطري ههههههههه على قدر جديته في المواضيع تحسه انه كان الشخص المثالي الوحيد بقطر طلع شوماخر المنتدى ولا النهار ههههههه ما شاء الله عليكم .
    حي الله إخوي السكين

    صحيح يا اخوي انا من محبي السرعة .. من أيام شفت رقم 240 في ألمانيا ومعاي إخوي مسكين يصيده تشنج كل شوي

    ألحين فرق كبير السرعة بتحسب وبعقل قبل لا بتهور وسرعة على تحفيص على شل تايرين والمجال مفتوح والشرطة لو يشوفك شرطي يمكن يعطيك ثآمب آب .. أذكر سيارتي كانت السلنسر ( الدبة ) خربانة وتطلع صوت عالي وسحبيتها أقوى وانا داخل سوق العلي دوس وتحفيص مع كل لفة واشوف الناس يطالعوني شوي اركز الا الشرطة وراي وونان وليتات ومن هشكل الناس مستغربين شفيه هذا مجنون بكل قوة وجه شارد عن الشرطة وتحفيص .. كان الوضع عادي في هذي الأماكن وثقافة الاحراج مب موجودة .. لكن شرطي ينزلك من السيارة ويمكن يكلبشك قمة الاحراج .. المهم وقفت ونزل الشرطي وكان كبير سن وطيب .. قال لي حد يحفص في السوق .. وانا وجهي ألوان من الإحراج وشوي الناس بيلتمون على السيارة .. طلب الليسن وكان عذري إني كنت مستانس على الصوت ولا سمعت الونان وراي .. رد الليسن علي وقال لي حرك بسرعة ولا تعيدها مرة ثانية قبل ليجتمعون الناس عليك .. عاد مشيت منحرج ودي مطافيء تطفي وجهي

صفحة 3 من 79 الأولىالأولى 123451353 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •