سيارات قديمة وحديثة ومن ضمنها سياراتكم وذكرياتكم معها

[حليتان*]

هذي أيام الطيبين توقف السيارة برا لا البلدية يلزمونك بنوع معين من الطبيلات لا ونوع فاشل ولا فيه سرقات وايد

هذول مواتري وهذي وقفتهم الحين طبعا الفريج شبه مسكر لان البلوك كله هلنا

[حليتان*]

الجمس الأسود جربته في أمريكا .. واحد من الربع قال لي تحمل تدوس قوة لتحسبه مثل الهوندا .. توقعته يبالغ ما خذت الا التواير تعوي وكنا في مجمع سكني يعني بلاغ ولا دقيقة الشرطة حولنا وسجن وبهدلة

هالموتر تيربو من وكالته وقومته شرار الى الان مواتر جديده ماتحده وميزته انه دفع رباعي يعني انسى يلعب بك فلفات وله فالمطر يصلب نفسه

جربت مع واحد من الربع فستاندر 2013 وتيربو الجمس كان فيه خلل مب شغال وفلاتر البيئه وصخه وقدمت عنه بفارق مش بسيط

[معماري قطري]

موضوع جميل اخوي معماري واسمحلي بالمشاركات اللي راح امللكم منها ههههههههههههههههههه
اول سيارة سقتها كانت المرسدس الليموزين سيارة البيت اللي كنها دودة



وعقبها فولكس الخنفسانة خذيت فيها لفة بالفريج ودشيت بالطوفة خبرك مافي بور ستيرنج وتحس انها ما تلف ههههههههههههههههههه.

ومن بعدها مرسدس 280 اس اي ال اللي كنها مدرعة وما شاء الله من سيارة كانت مصفحة ومركب عليها رنقات بي بي اس العراض ومرسدس نفسها بس الوارد الامريكي اللي هي نفس 450 اس اي ال 6.9





ومن بعدهم مرسدس 190 2.3 طبعا اي ام جي وما شاء الله كانت صاروخ



وجايكم عقب بباقي السيارات .................................

ذكريات مع هذي السيارات قبل

سامحوني ابتعدت وسهيت عن الموضوع

ال 6.9 عجيب عليه مكينة شرسة .. كان عند واحد من الربع محافظ عليه لين قريب احتد يبيعه وهو عنده من أول ما طلعه من الوكالة

إختربت شوارع قطر وكثرت المطبات واستوى سوق الفورويل هو الغالب .. مع دمار بعض وكالات الصالون مثل المرسدس الكل يشتكي من وكالته

[معماري قطري]

ماتشوف شر

أي السيارات الكبيرة غير بس من باب التغير الصغيرة حلوة

الله يجيرج من الشر إختي .. اللي جسمه فت بعد وصغير يقدر للسيارات السبورت أما الطويل مشكلة راسه يضرب في حافة الباب وتطيح الغترة حاله

[معماري قطري]

ياخي صج انها مواتر قوية وخاصة 6.9 حريقة

شوف المرسدس في السيارات القوية ناجحة بس تحتاج صيانة مكلفة والسيارة تجيك مكلفة وخراباتها شوي أكثر حتى لو موقفها .. أما المكاين الصغيرة مثل الأربعة سلندر والستة متطورة وقوتها مناسبة وسرعتها بعد توصل فوق 200 لكن تعمر أكثر وصيانتها وايد أقل وسعرها بسيط

جربت 220 دي الديزل واستغربت من الصوت الخفيف والسرعة وتجهيزات السيارة

[معماري قطري]

اليوم جايب فلم يوتيوب عن تسلا 3 وتم اطلاقها كسيارة صغيرة في آخر شهر 3 اللي راح

الشركة عندها طلبات وضغط على الموديلات بعضهم بيستلمون سياراتهم بعد سنة ونص .. والسيارة كهربية بالكامل .. وبطارياتها مجموعة كبيرة مدمجة مع الشاصي تعطيه قوة ومركز وزن نازل ويحسن الثبات وفي نفس الوقت تكون السيارة واسعة



https://www.youtube.com/watch?v=3YK8SM2GkhM

[رحال]

انا صراحه مافي موتر مأستخدمته
خذت سياره يسمونها سهان بيرد كان الشريف وكيلها ماعندهم كراج ولاقطع غيار كان تروح تاخذهم من الحوطه مقابل سينما الخليج هههههههه عمر الافتراضي للسياره 6 شهور فقط
الفارميو كان وكيلها ناصر بن خالد صج موتر رزه كربيترين بس خرباته كانت وايد او بالاحرى هنى في الوكاله ماكنوا يعرفون له عدل
خذت من عند الدرويش فيات ريجاتا وخذيت مازدا حراقت الايل
وخذت من عند صالح الحمد المانع دتسون نفس الكبسوله بس ناسي اسمها
وخذت من عبدالغني مارك تو تويوتا هاي جات فتره بسيطه ووقفوانتاجها.
خذت كريسيدا شيخة السيارات
وخذت سوبر صالون عاد هاي التوب لين الحين موجوده عندي بس واقفه وماتحركت من 2008
وخذت عراوي وهايلكس اول مانزل المتعوس البرتون خذته اتعس سياره على وجه الارض

فاصل ونواصل

مبرووووك عليك الغسالة مع السهانبيرد

[بو راشد 1]

كان حلمي (وما زال) 450 sel حجم المكينة 6.9

[معماري قطري]

كان حلمي (وما زال) 450 sel حجم المكينة 6.9

انا حلمي الحالي الإي الجديد بينزل شهر 9 بس خايف ما يصلح لي الصالون .. حتى مفكر في المكينة العادية بس يهمني الداخل

[معماري قطري]

هذي مطاردة في ميامي بتاريخ 1 4 2016