يا اخوي انا مثلك كنت 180 وتقلصت شوي حول 2 سم مع تقدم العمر .. عندي مشكلة في الركب والحوض واحب السيارة المرتفعة شوي .. لكن غامرت وخذت الميني الرودستر باب واحد وحق شخصين بس .. في البداية ضبطت السيت ونزلته وتعودت على الدخول والخروج وارتاح لها وايد .. استعملها كتغيير وعندي اللكزس بعد مريحة وتعتبر تغيير
الأفلون مجرب موديل 2006 وايد مريحة وسريعة وصرفيتها قليلة .. النوع الهجين أكيد أفضل بيكون
عاد الميني اصب فيها ب 60 ريال وأوقات أقل بترول عادي ويكفي حق 400 كيلو .. عيبها يابسة شوي
أفكر ابيعها واخذ مرسدس كوبيه سي أو اي بعد 4 سلندر كفاية ولا بمسرع .. وبعد دخلت مزاجي اللكزس الصالون وحبيت فيها ميزة الهيدروليك إنها ترتفع شوي لو وقفت حتى يسهل النزول منها عكس الفورويل تنزل هذي ترتفع
مثل هذي السيارة كلش ما تصلح لنا في قطر
السرعة محدودة ولا فيه مسافات طويلة .. حتى في ألمانيا غالبية الشعب يستعملون سيارات ديزل و 4 سلندر وتوصل فوق ال 200 ولا يقدرون يسرعون فيها الا قليل لو الخط مفتوح ولا عليه زحمة
بس دعاية وتشويق لأصحاب العقول اللي تمشي عليها الدعاية
اللكزس الصالون ال 500 الهجينة من يومين شفتها عند واحد يقول سعرها 400 ألف كاملة الطلبيات بس رايه انها ما تسوى وانها جايته هدية الله يبارك له فيها
ال 350 كاملة بس بدون شاشات ورا بحدود 310000 وبدون مكينة كهرب
انا اخاف من السيارات اللي فيها تعقيد ولا ندري توفيرنا للبترول من الهجين ممكن ينقلب خسارة كبيرة في الصيانة
ميزتها المريحة هي الارتفاع عن الأرض وقت النزول لسهولة النزول
ما يوجد داخل سيت المرسيدس اس 2018
اللي عنده فلوس زايدة يشتري وحدة من 99 سيارة بينتجونها السنة
ما ادري ليش اللكزس وبعض السيارات مثلها ما يسوونها لأربعة أشخاص ويلقون الصف الأخير من الكراسي ويوسعون شوي الباب ويعطونها شوية فخامة مثل ذي