هذا غسلوه الشرطة
هذا غسلوه الشرطة
معايير الامان تختلف من شركة للثانية .. لو تتذكر مشكلة دواسة البترول في التويوتا اللي كانت تعلق و قطتها الشركة على الدواسة الارضية عندنا بينما في امريكا اتضح بالتحقيق ان المشكلة في السيارة نفسها و طار مدير شركة التويوتا لامريكا و اعتذر للجنة التحقيق و ابدى اسفه و تعهد بتصليح الخلل. للاسف ما حصلت الفيديو اللي يظهر فيه مدير الشركة و هو يبكي ( و الله انه يبكي) لكن مردي باحصله.
الامان شيء نسبي و يتغير مع تطور التكنلوجيا .. السيارات القديمة كانت عبارة عن كتلة حديد تمشي على 4 تواير و ضربتها و القبر أما الحين فالامان صار بالوسائد الهوائية و الكوابح الغير قابلة للانزلاق و غيرها من التقنيات اللي تدخل حتى في شاصي السيارة و قطع جسمها اللي في بعض السيارات ما تكون عبارة عن كتلة واحدة لزيادة قدرة جسم السيارة على امتصاص الصدمة وقت الحادث!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
فيه نوع يسمى القيادة الدفاعية وهذي لها مدارس وتدريبات ودورة تثقيفية للأسف غير معتمدة عندنا ومعتمدة في دول كثيرة
من منا جرب يجي مسرع 80 مثلاً ويحاول يوقف في أقصر مسافة فجأة؟ قبل كنت اسويها بس ألحين البركات أفضل من قبل وما تسحب السيارة
تقدير أماكن الخطر والتخفيف فيها ضروري في الفرجان السرعة 50 مثلاً لكن توجد أماكن هذي السرعة فيها خطرة جداً ولازم تخفف لين 20 و 30 ممكن تكون متحكم في السيارة .. بنفس الوقت توجد أماكن تقدر تمشي فيها لين 80 وحتى 100 وفرجاننا صج تفتقد للطرق المحورية أو الشبه محورية
في مدينة تاكوما في ولاية واشنطن كنت هناك سنة 1988 وهي تعتبر مدينة حديثة معتمدة التخطيط الشبكي شوارع عريضة تعتبر رئيسية وتقاطعات كثيرة لكن الشارع الرئيسي في غالب الوقت سالك والتقاطعات الفرعية تنتظر عليها شوي .. في أوقات مختلفة برمجة الإشارات تتغير في الليل مثلاً كل الإشارات في الطرق الرئيسية خضراء وفي الفرعية حمراء لكن من توقف سيارة تتحول الحمراء لخضراء .. إشارات ذكية وذكية جداً في زمن لا فيه انترنت ولا فيه تصوير ولا تكنولوجيا مثل ألحين
ليش فرجاننا بدال الدوارات وبدال الإشارات الغبية وبدال الطرق الضيقة ليش ما تتوسع فيها الطرق المحورية هذي وتستوي الإشارات مثل ذاك الذكاء في ذاك الوقت ما نطمح لأعلى وتزال الدوارات بالكامل
الأزرق مسوي جو
ألحين شغل مؤسساتي وقرارات تدرس عدل والمفروض يلتفتون لهذي النقطة قبل ليكون الوقت كثير متأخر .. إذا سووا الشوارع صح خصوصاً اللي شبه محورية والمحورية بحيث اللي بيمشي من النقطة أ لين النقطة ياء ما يوقف نهائياً لا اشارة ولا علامة قف ولا دوار لو يبغي يطلع يقدر يطلع على محاور فرعية بعد بسهولة توصله للمكان اللي يبغيه
خير مثال على ما اقول محور صباح الأحمد واللي يتابع كتاباتي من زمان كنت أتمنى هذا الشيء .. ممكن نسوي طرق محورية أقل من هذا المستوى وبين الفرجان وحتى لو على الطريق اشارات هذي لازم تكون تنفتح للمحور أكثر من الفروع اللي حوله أو تكون ذكية بحق