سيارات قديمة وحديثة ومن ضمنها سياراتكم وذكرياتكم معها

[معماري قطري]

T_t يازين المانيا ..... يوم كنت هناك اجرت الفاروميو جوليا (سيدان 4 سلندر تيربو بترول مش ديزل) هههههههه على الاتوبان شاخط ابوها امشي اغلب شي 230 بعض المرات اوصل اللمت حقها 250


الصارحه من تجربه انظف شوارع بالعالم هي المانيا واليابان وكوريا الجنوبيه (عيب اليابان السرعه القصوى المسموح بها 100 مع انه شوارعهم نفس تخطيط المانيا!!!!!)

ياليت لو شاورعنا (والناس ايضا) تمشي وتطبق مواصفات ومقاييس المانيا ....... بس المشكله هنا انه عندك نسبه كبيره من الهنود والبنقال وغيره من الجنيسات اللي اصلا شوارعهم فوضى مستحيل يتطور مف معايير القياده في الشوارع العامه (عكس المانيا ثقافة القياده عندهم عااااليه جدا ليتها عندنا)




شوارع قطر مش مخصصه للسرعه واصلا الخطوط الطويله (شارع الشمال مثلا) مش مهيئ انك تسوق اكثر من 180 وبعدين الدولة ماقصرت في ال10 سنوات الاخيره طلعت شوارع جديده اختصرت وقت كثير في كل المشاوير .....

انا عن نفسي صرت داخل الدوحه اسوق 80 وعلى الخطوط اثبت الموتر 135 (الرادار يشتغل على 140) واذا ابي سرعه اروح اشترك في حلبة لوسيل

أمس داخل شوارع العزيزية صاك 133 شكلي باشوف مطوع يقرأ علي

[سالم الزهران]

بوعبدالله.. انا بقرأ عليك بس يبي لنا مكان في زرع و عقب المغرب

[معماري قطري]

بوعبدالله.. انا بقرأ عليك بس يبي لنا مكان في زرع و عقب المغرب

شهالخط الحلو

والله يا اخوي قمت بروحي احاسب نفسي وسيارتي ثرى مب سوبر سريعة لكن سريعة من 0 - 60 اتوقع حول 4 ثواني وهذا يخلي أقل دوسة توصلك 100 بسهولة .. إستويت احب اطلع في الفورويل أفضل مع إن سواقتها ثقيلة من ناحية السكان ( المقود - الطارة )

أمس اشوف فيديو عن الكورفيت الجديدة مع المكينة خلف السايق .. مسوين فيها نظام مرتبط بالجي بي اس تحدد فيه أماكن توصل ل 1000 مطب من توصلها ترتفع تماتيك .. المشكلة لو وثقت في النظام وكان شغال وفجأة ضعف الارسال ولقيت نفسك ماكل المطب .. والارتفاع حول 5 سم وعندنا بعض المطبات مخالفة كل القوانين

[Dana’1]

حتى السيارات أخلاقها تجاريه
كأنها تقول خير..!

[معماري قطري]

عجيبة ذي اختي دانا حتى من ذاك الوقت كانت الصناعة متطورة

أظن بنتلي ذي .. بس الحديثة ما تستاهل سعرها جربت وحدة باب واحد موديل 2015 ما مشت شيء شاريها واحد برخيص ما عجبتني .. أشوف المرسدس أنعم وحتى أقوى وأسرع وفيه تدليع أكثر .. البنتلي حتى الليت لازم تطفيه ما يطفى تماتيك بروحه

[معماري قطري]

لو الواحد خذ سيارة ألحين سريعة وايد شبيستفيد غير الضيق والوعورة والغلاء وصرفية البترول .. بعدين كل السيارات سريعة والسرعة محدودة

جربت مرة متسوبيشي افوليوشن صج مجرمة وسعرها معقول ومناسبة ومتطورة فرق عن بعض السيارات

[qatarman8008]

الحين التوجه صار للسيارات الموفرة للطاقة..
مثل الهايبرد..
تمشي الى سرعه 40 بالكهربا..
واحد مجرب الكامري يقول بالعشرين ريال تتم اسبوع ..

[qatarman8008]

هذي فورتشنر الجديد..
شكله نفس اللكزس..
...

[Dana’1]

عجيبة ذي اختي دانا حتى من ذاك الوقت كانت الصناعة متطورة

أظن بنتلي ذي .. بس الحديثة ما تستاهل سعرها جربت وحدة باب واحد موديل 2015 ما مشت شيء شاريها واحد برخيص ما عجبتني .. أشوف المرسدس أنعم وحتى أقوى وأسرع وفيه تدليع أكثر .. البنتلي حتى الليت لازم تطفيه ما يطفى تماتيك بروحه

صدمتني بنتلي و ليته كذا!
هي واضح إنها للديكور و المشاوير البسيطه وضرورري الجو يكون بارد وحلو غير كذا ما تضبط أحس.

[Dana’1]

هذي فورتشنر الجديد..
شكله نفس اللكزس..
...

مع فرق السعر