وايرات الكهرباء !!!

[وحيد-الشوق]

السلام عليكم

سؤال الله يجزاكم وايرات الكهرباء للانارة في البيت 2.5 ملم كافية ؟؟ وهل يوجد 3 ملم !!! البنغالي والفورمان متهاوشين وانا مصدع البنغالي يقولي مافي 3 ملم داخل دنيا والفورمان يقولي الانارة لازم 3 ملم تعال اروايك شقة شغالين فيها 3 ملم وكل البيوت الي اشتغلنا فيها 3 ملم !!!!

انا احترت معاهم والله

[معماري قطري]

وده وراوه ال 3 ملم البنقال أغلبهم عيارين

ولو بتركب ال اي دي حتى يمكن 1 ملم ينفع .. بس كل شيء لازم حسب المواصفات القطرية ولازم تكون في الخرايط لو تشيك بتحصلها واضحة ويمكن أكبر بعد

[SouthK]

3 مللي غير موجود و ما يطابق أي مواصفات متعارف عليها (على حد علمي) في قطر او في المواصفات البريطانية اللي معتمدة في قطر.
للاضاءة 2.5 مللي بتكفي لكن نصيحة ركب أكبر (4 مللي) للمستقبل اذا احتجت تغير نوع الاضاءة لأي سبب و ما عليك من البنقالي او المقاول لان الاثنين دام اختلفوا فأنت اللي لازم تقرر و شوف الاستشاري بعد وشو رأيه لكن نصيحتي لك ركب واير اكبر.

احجام الاسلاك المعتمدة في قطر كالتالي:

1.5
2.5 = الاضاءة
4
6 = أجهزة التكييف
10 = البنالات و مصادر الكهرباء (Feeder)
16
25
35
.
.

الله يوفقك.

[Qt.1]

عمري ماسمعت 3 من قبل , المقاول معاه حق .

[MAZEN37]

انا مركب 2.5 وبزياده
المهم يكون انجليزي وبس

[وحيد-الشوق]

الف شكر لكم يا اخوان

[إعلامي قطر]

..

سؤال عارض لو سمحتوا:

شرايكم بوايرات دراكا الإنجليزيه؟

وبلكات دي كي الإنجليزيه؟

..

[معماري قطري]

..

سؤال عارض لو سمحتوا:

شرايكم بوايرات دراكا الإنجليزيه؟

وبلكات دي كي الإنجليزيه؟

..

انجليزي أكيد ماركة وتصنيع خذه وانت متطمن وشوف رأي مهندس كهرباء أفضل