ماشاءالله البيت كذا مره مريت عليه شكله غريب وهذا اللي محليه
والله يجعله منزل مبارك
|
ماشاءالله البيت كذا مره مريت عليه شكله غريب وهذا اللي محليه
والله يجعله منزل مبارك
ماشاء الله تبارك الله
شلون بنى بيت من غير شركه مقاولات واستشاري !!!! البلديه اخبر ماتوافق على الرخص بدون ختم مقاول واستشاري الا اذا ........
رائي انه مب كل تصميم ينفع في جو قطر
المنظر شيء والرسم على الورق شيء والواقع شىء
في عدة نقاط مهمه يجب اخذ الاعتبار فيها خصوصا في بيت المعيشه
اقولكم مثال على ارض الواقع
مدخل ومبنى كبار الشخصيات الي في نادي الفروسيه
على زاوية دوار معيذر
مبنى من 5 سنوات تقريبا كم هائل من الزخرفات والجي ارسي
ومباني مثل روما طابع روماني
انا دخلته من داخل مفتوح وممرات ومساحات ضايعه
غير عملي بالمره غير الصيانه وتكلفتها العاليه وغير النظافه وتجديد دائم غير الكهرب
هذه الافكار مكلفه جدا جدا وبرائي منزل غير مريح
كلامي لا ينقص من حق المالك بالعكس احيه على الافكار المتجدده
اقدارنا مكتوبه ,,,,, فلنعش بهدوء ..
ما شاء الله تبارك الرحمن الله يهنية
ما شاء الله تبارك الله
انا ناوي اخلي بيتي ع الطراز الاندلس ولكن مع ادخال بعض الضروريات
(( أستغفر الله العظيم الذي لا إله إلا هو الحي القيوم وأتوب إليه ))
اشلووون !!!ولهذا اتخذ قراره بأن يقوم ببناء منزله بنفسه فهو يجيد أعمال الحدادة والنجارة والطابوق، وهذا ما تم فعليا، حيث استعان باصدقائه وقام بتعليم عدد من العمال طريقة عمله وبدأ في تنفيذ الرسومات الهندسية وهو ضامن أن الجودة ستكون أعلى والتكلفة ستكون منخفضة مقارنة بأسعار شركات المقاولات
الله يبارك له ويتهنى فيه
البنيان بشركة ولا بمجهود ذاتي مرهق ومتعب ومكلف خصوصاً مع التعقيد وعدم البساطة
عجبتني الدرايش معمولة ثابتة وطولية والفريم مخفي ورا قطعة الحجر .. وحبيت إصرار المالك وقيامه بمتابعة كل شيء لأَن المتابعة صعبة وجهل العمال أو بالأصح تجاهلهم يخرب كل شيء .. هذا يذكرني بأحد الأصدقاء أشرف وتابع تنفيذ مجمع كامل وكبير وقام بزراعته وتجهيزه وعمل إضافات عليه للسكن وكان يشتغل فيه لقرب الفجر أوقات
الجريدة تفاصيل كثيرة ما وضحتها والتصوير لكم عليه
بالنسبة للتصميم الإسلامي يمكن بس النقوشات لو موجودة .. لكن الأقواس النص دائرية ما كانت تنعمل والمسلمين بدوا بالحسابات واعتمدوا الأقواس المسننة بأنواعها أو المكونة من التقاء قوسين بزاوية حادة
نتمنى التخطيط يسمح للجميع بعمل تصاميم غريبة وحديثة واستعمال مواد غير المعروفة كالتلبيس بالألمنيوم والمنظر الحديث للبناء واستعمال الزجاج المتطور والممكن تعتيمه كهربائياً
عندك الديكور الأندلسي فيه مصمم تونسي بس تركيزه على الديكور وفي المعماري وباقي التصميمات ضعيف ويسويها عن طريق مكتب ثاني وعنده مبالغة كبيرة في الخرسانات .. سوى تصميم لواحد من الأهل كلفه بنيان العظم فوق 2 مليون ومع التشطيب متوقع يوصل 5 مليونالمشاركة الأصلية كتبت بواسطة رُفق المجنّا
الزخارف يفترض فيها تكون متدرجة ككتل للبعيد ثم تنزل شوي لحجم أصغر كل ما قربنا وتكون مركزة في أماكن تفيدنا برؤيتها أكثر الوقت .. البعض يبالغون بكورنيشات منقوشة وفي أعلى السطح وما تبين .. قبل ببساطة تنعمل فجوات طولية وينركب داخلها خشب بتشكيلة بسيطة ومصبوغ بالأزرق .. والبنيان بالأبيض يعكس الشمس ويقاوم الأشعة البنفسجية ويعمر .. واللي يشوف منارة قطر للإسلام بيعرف شلون اخترب لون الصبغ ما ادري تلبيس الرخام عليها من الشمس وعوامل الجو
من أكثر البيوت اللي حبيتها بيت سعادة عبدالله بن حمد العطية وزير الطاقة الأسبق ورئيس مجلس الوزراء سابقاً .. البساطة والكتل والبياض من بعيد والزراعة كذلك وكل ما قربت تقابلك تفاصيل حلوة مدروسة ودقيقة وجميلة .. والجمال بحدود ووقار يدوم والجمال بمبالغة ينتهي بسرعة ويستوي ممل
ضوابط المشاركة
رد مع اقتباس