++++ اقفال الابواب ++++

[مـــحـــمــد]

السلام عليكم

بغيت اقفال للبيبان الخشب
نوعيات ممتازه وين احصلها ؟؟

رحت محل اسمه اقفال الي عند دوار مدماك
عنده اشياء حلوه
لكن ابي اشوف بعد غيرها ... وشكراً

[معماري قطري]

انا خذت من دبي وهناك بتحصل أسعار أرخص ونوعيات كثيرة والأهم المصداقية اللي صيني يقولون لك صيني والنوعيات الجيدة تكون غالية وعند الوكلاء .. ربعنا كلهم اعادة شراء من هناك كميات تطلع عليهم رخيصة ولازم يبيعونها بسعر يغطي

[الســـهم]

السلام عليكم ورحمة الله وبركاته اخوي محمد ..

راح اعطيك اسماء المحلات الموجودة فالدوحة وبمواقعها , وبالنهاية راح اعطيك رايي اذا تحب تاخذ به او تتغاضى عنه ..

المعماريون في منطقة (النجمة) جنب تدمر ..

دروازة في سوق الخميس والجمعة (فرع من المعماريون) ..

عبر الخليج في فريج الغانم القديم (خلف سوق الوطن) ..

باسيفيك في اللقطة (بين دوار مدرسة خليفة الثانوية ودوار مدرسة محمد المانع) ..

فيه محل جديد فتح في طريق سلوى (مقابل مطعم البيت الشامي ومكان مفروشات الرواق سابقا) ..

بالنسبة لرأيي ..

شريت الاقفال من شركة العمران في الشارقة (اقفال ايطالية ماركة كولومبيا) بنص السعر عن اللي حصلته بقطر , وفوقه خذت اكسسوارات واقفال زيادة ومفاتيح ماستر كي ..

هالشركة معروفة فالشارقة ودبي وعنده عدة فروع (زياد ورياض في شارع صلاح الدين) واعتقد الاقفال الذهبية (في ميدان جمال عبدالناصر) وفروع أخرى ..

والله يوفقك ويسهل امورك ان شاء الله ..

[معماري قطري]

ولو عندك غرف ملابس وغرف مهمة لا تنسى تاخذ أقفال الكترونية أو بالبصمة أو رقم سري بتسهل عليك فتحها واغلاقها بسهولة وبتخليها تكون خزنات كبيرة خاصة لو عندك تنظيف أو شيء محد يقدر يدخلها

[@north_star@]

بالنسبة للاقفال عندك مارك يونيون الانجليزية واليال الايطالية هذول كان وكيلهم الدرويش طرق سلوى وعندك ماركة سيس الالمانية بعد نوعية ممتازة وبالنسبة لايادي البيبان عندك ماركة مانديللي نوعية جدا ممتازة ووكيلها الدرويش بعد ....

[مـــحـــمــد]

بيض الله وجيهكم وماقصرتوا

[معماري قطري]

بالنسبة للاقفال عندك مارك يونيون الانجليزية واليال الايطالية هذول كان وكيلهم الدرويش طرق سلوى وعندك ماركة سيس الالمانية بعد نوعية ممتازة وبالنسبة لايادي البيبان عندك ماركة مانديللي نوعية جدا ممتازة ووكيلها الدرويش بعد ....

يا حلو الدرويش قبل كل شيء تحصله في محل الحين كثرت محلاتهم وصغرت وصراحة أشياء وايد وقف توريدها ما ادري ليش