استفسار عن فرنسا

[bohilal191]

أسعد الله مساكم بكل خير
باذن الله شهر 7 مسافر فرنسا

4 ليالي ديزني
4 ليالي نيس
3 ليالي باريس

بغيت أحسن الفنادق واشرايكم في الجدول

[غير البشر]

مرحبا بالغالي

يمسيك بالنور والسرور

ابشر ماطلبت شي راجع لك ان شاء الله
انا حاليا في الرياض والنت عندي ضعيف


بحط لك الفنادق بكل منطقه ومميزاتها


واذا عندك اي استفسارات ثانيه عن هالمناطق اكتبها
سواء التنقل او توزيع الايام او اي شي


تحياتي

[bohilal191]

على خير وترجع لنا بالسلامة

[Bin Hood]

ظ¤ ليالي ديزني ؟! كأنها كثير يا اخوي

على فكرة ديزني تبعد عن باريس ساعة تقريباً

[bohilal191]

ظ¤ ليالي ديزني ؟! كأنها كثير يا اخوي

على فكرة ديزني تبعد عن باريس ساعة تقريباً

وايد قالوا لي ان الفترة طويلة بس سمعت ان الألعاب لازم تنتظر ساعة عشان يجي دورك فيومك كله بيروح فقلت بخصص كذا يوم حق مدينة الألعاب

[مرح]

وايد قالوا لي ان الفترة طويلة بس سمعت ان الألعاب لازم تنتظر ساعة عشان يجي دورك فيومك كله بيروح فقلت بخصص كذا يوم حق مدينة الألعاب

السلام عليكم اخوي الدوحة انا نزلت في اوتيل اسمه كوليكشنير يبعد عن قوس النصر 7 دقايق وهو بدايه شارع الشانزليزيه جدا الاوتيل مرتب ونظيف خمس نجوم

ديزني يرادلها اربع ايام بالراحه اذا معاك اطفال ويحبون ديزني لاند

نيس وكان ومونتي كارلو وهي اجمل مكان رايته بعيني نعم تحتاج 3 او اربع ليالي

الله يوفقك وتروح وترجع بالسلامه بس نريد تقرير عن رحلتك بالصور بالمنتدى

[للصبر اخر]

مرحبا اخوي
بس قبل الجدول ممكن اعرف انتو كم شخص وفيه معاكم اطفال ؟؟
انا اشوف 4 ايام مناسبه جدا جدااااا في ديزني لاند
وكيف ميزانيتك مفتووحه ؟
عموما اول شي انا ارشح لك فندق نيويورك في والت ديزني هو 4 نجوم
او فندق والت ديزني نفسه بس ماشوف فيه فرق بينه وبين نيويورك نفس الشي تقريبااا
سمعت انه فيه جزء جديد في فندق والت ديزني يسكنونه فقط الشيوخ ونزلاء الفندق الدائمين بس للامانه ماشفته
هذا بالنسبه للفندق
لو حاب شقه عندك منتجع الماريوت ماسكنت فيه بس سمعت عنه كلام رائع ومكانه مميز عند الاوت لت ويخصصون لك سياره مجانيه للتنقل الى والت ديزني او حتى الى الاوت لت
اما السكن في باريس ونيس اتركه لاخوي غير البشر
لن انا دايم اسكن في فندق الوروييك في الشانز ويمكن الشانز خيار مو مناسب لك فالخبره عند اخوي غير البشر
اترك المايك له

[غير البشر]

ماقصرو الجميع على الافاده جزاهم الله خير

الف شكر لكم

مرحبا اخوي الدوحه

بالنسبه لفنادق دزني

في فنادق تابعه لدزني لاند وعددهم 7 فنادق

واحد داخل الملاهي
ثلاثه جنب محطه الرير وقريبه جدا من الحديقه
وثلاثه بعيدين اشوي من الحديقه


https://book.disneylandparis.com/HotelResultsState.aspx

الرابط الي فوق راح يطلعون لك 3 فنادق تابعه لدزني

الفندق الاول Disneyland Hotel
هذا هو الي داخل الحديقه
السعر لليله الواحده شامله تذاكر الدخول للحديقه مجانا ومع الفطور

الفندق الثاني Disney’s Newport Bay Club
هذا قريب جدا من الحديقه
وعلى بحيره اصطناعيه
وعلى البحيره نفسها فيها اماكن ترفيهيه وكوفيهات
وفيها ايضا كوفي ميكي
بالنسبه لكوفي ميكي اذا تبغي تحجز لازم تتصل تلفون

للحجز : 33160304050+
تقدر تحجز ريوق او غدى او عشا

في كوفيهات ثانيه بنفس المكان لكن الضرب على كوفي ميكي

الفندق الثالث Disney’s Hotel New York
هذا الفندق على نفس البحيره
وهو اقرب فندق للحديقه غير فندق دزني لاند
واقرب فندق لمنطقه الكوفيها على البحيره
وممتاز جدا

https://book.disneylandparis.com/HotelResultsState.aspx


الفندق الرابع Disney’s Sequoia Lodge
على نفس البحيره وقريب من فندق نيويورك

https://book.disneylandparis.com/HotelResultsState.aspx

الفنادق كلها شامله تذاكر للحديقه مجانيه + فطور
ملاحظه التذاكر المجانيه للأطفال من سن 7 سنوات وتحت
للعلم اسعار تذاكر دزني لاند غاليه نوعا ما


اضافه الى فندق ماريوت
هو عباره عن فلل وعائلي وواسع
اذا تبغي تروح منه الى الملاهي لازم سياره
وايضا لو تبغي تروح الاوت لت لافيلاج و مجمع فال دي يوروب لازم سياره

لكن قريب منهم وبنفس المنطقه
وهو خيار ممتاز جدا
اذا تبغيه احجز بسرعه لان الطلب زايد عليه

http://www.booking.com/hotel/fr/marr...33c69340401e32



بالنسبه لفنادق باريس

اذا مادري شنو منطقه السكن الي تفضلها
لكن راح ارشح لك فندق بكل منطقه
والمناطق الي اقصدها والي دايم الاماكن المفضله للجميع

1- الشانز

اجنحه كلاريدج
ممتاز جدا على الشانز مباشره
انا سكن فيه مرتين
واخر مره اخذت جناح مطل على الشانز كان ممتع جدا
اثاثه بسيط جدا لكن واسع
بس سعره مرتفع

http://www.booking.com/hotel/fr/le-c...rc=hp_iw_title

فندق الماريوت ملاصق لكلاريدج
ممتاز وراقي وسعره مرتفع
لانهم على الشانز مباشره

http://www.booking.com/hotel/fr/pari...rc=hp_iw_title


واذا بغيت فندق كسعر اقل وجنب الشانز لكن غير مطل عليه
وانا مجربه يمكن اربع مرات

نفس ماقالت لك اختي للصبر اخر
مع ان هي كانت تستمتع في فندق كاليفورنا ههههههه

فندق وارويك
الفندق في شارع فرعي من شارع الشانز
تقريبا 50 متر فقط للشانز
وانصح به

http://www.booking.com/hotel/fr/warw...rc=hp_iw_title

2- منطقه اللاديفانس او باريس الجديده
هالمنطقه جديده وهادئه وعائليه وفيها ابراج كثيره

ارشح لك فندق ميليا وبقوه

http://www.booking.com/hotel/fr/meli...rc=hp_iw_title


3- منطقه برج ايفل

ارشح لك فندق بولمان
ولو قررت تحجز فيه
حاول تاخذ غرفه مطله على برج ايفل + تطلب غرفه في الادوار العلويه ان وجد

http://www.booking.com/hotel/fr/tour...rc=hp_iw_title


اي فندق سواء في دزني لاند
او في باريس

تبغي تستفر عنه او محتار فيه
رشحهم لي وانا بعطيك تفاصيل اكثر عنهم وانصحك في واحد منهم
انا وسعت لك الخيارات
عشان تشوف الاسعار ومميزتهم بالي تناسبك


وراجع لك لفنادق نيس


تحياتي ..

[غير البشر]

وايد قالوا لي ان الفترة طويلة بس سمعت ان الألعاب لازم تنتظر ساعة عشان يجي دورك فيومك كله بيروح فقلت بخصص كذا يوم حق مدينة الألعاب

صح الالعاب طوابير طويله في كل الالعاب
يمكن عادي عشان تنتظر الطابور وتلعب لعبه وحده تاخذ مابين ساعه الاربع الى ساعه

الحل اذا تبغي ترتاح
تدفع VIP
ويكون معاك واحد من الحديقه يدخلك من باب اخر في كل لعبه بدل الانتظار بالطابور
و vip يكون معاك بعدد ساعات معينه لك وليش طول اليوم
يعني تقريبا اربع او خمس ساعات

انا سمعت انها تكنسل
لكن مافي اي شي مذكور بهذا الخصوص

[للصبر اخر]

غيروووو



العشششق في ورويييك