++++ بخصوص بلاط الحوش +++++

[مـــحـــمــد]

السلام عليكم ورحمة الله وبركاته

ابي اركب بلاط الحوش شطريقه الممتازه لتركيب لبلاط الحوش ؟
من ناحية نوع الدفان وطريقه الدك ورش الماء وعمل وموقف السيارات .

وعلى كم التركيب بالمتر المربع ؟ واي افضل مصنع بلاط شعبي في قطر ؟؟ وشاكر لكم

[معماري قطري]

عليكم السلام ورحمة الله وبركاته

بيت الوالد مركبين بيج وفيه حزوز وخفت يخترب من أثر التواير لكن طلع زين .. طبعاً التركيب على أرضية مدكوكة وصبية خرسانة .. على الصبية حتى لو تركب قطع رخام متلونة وكل قطعة غير .. اللي يجي زيادة المقصوص وبينه مونة قوية ما عندك مشكلة والمهم التأسيس صح اللي هو الصبية

انا سويتها عندي من 11 سنة وبدون حديد بفايبر عن الشلوخ وبسمك 15 سم وبسلوب مناسب .. حتى أي حديد باركب عليها ببراغي بدون حفر .. ركبت عمدان طبيلة وألحين باركب درج حلزوني للسطح خارجي .. البلاط اللي ركبته شعبي 40 في 40 ويحتاج جلي وصقل حتى يطلع لامع لأَن الأملاح قوية حتى من الماء .. الدفان لتحط بودرة واللي يقول لك زينة قول له اسمح لي