ليش السبت ؟؟

[عثرة جواد]

السلام عليكم

اشلونكم عقب الاجازة وأول دوام مدرسي


شي تعودنا علية وصار نفس الروتين وهو يوم السبت يكون يوم العائلي او ع قولتهم ((Family day ))


يوم قعدت افكر ليش السبت بس ماعرفت الجواب وحبيت اسمع منك ..


مع انه الاجازة تبتدي من عصرية الخميس .....


...........التغيير داااما صعب ............

[غريب الدّار]

مرحبا اختي عثرة

مااعتقد في مثلا عرف ملزم للناس في هالجانب


الفاميلي داي هذا ممكن يكون في أي يوم

وناس وايد عندها الفاميلي دي يوم الجمعة مثلا
وفي ناس السبت مثل ماتفضلتي


وفي ناس يمكن الخميس


اما اذا تقصدين بقية أيام الاسبوه فخبرج الدوامات الطويلة (في الغالب) تستهلك معظم وقت الفرد
فلما يرد البيت هبابه يضرب بالخمس طبعا عقب يقيل له شوي عقب يمكن يطلع هنيه ولا هنيه او يمكن بعد يودي هله يتقضون لهم كمن غرض

فبالتالي اعتقد المسألة تعتمد على مدى الفضاوة


وقواج الله

[qatari911]

عندنا كل يوم يوم عائلي
فلذلك ما اربط العائلة بيوم

[بعيد النظر]

كل واحد وجدوله وظروفه ..

انا طول الاسبوع فملي .. حتى الخميس ..
يتيمعون الاهل لي 9 فالليل ..

وعقبها اروح العنة .. واعود فالليل ..
وغدا اليمعة فملي ..


واروح العنة .. من العصر ليي الليل او مبيت ..


والسبت للفملي ..



والربع منهم اللي الفملي دي مالهم احد ..
وفي خميس وفي يمعة .. ومافي شي ثابت فالنهاية !


كلـ ن يمشي ويخطط على حسب جدوله وظروفه

[بانغ بانغ]

لو ساعة متواصلة بكل الجوارح مع بعض تغني عن يوم كامل كل واحد عينه عالجوال ومشتت

[حمد بن سعد]

ان افضل نص لسبوع الشوارع والمطاعم والمجمعات فاضيه

[مشاكل]

انا مع زحمة الشوارع والعالم اللي ماتعرف اتسوق ،،، اعتكفت البيت وكونت لي شرنقة وبدال الفاميلي دي صارت حياتي فاميلي لايف فور ايفر

[عثرة جواد]

مرحبا اختي عثرة

مااعتقد في مثلا عرف ملزم للناس في هالجانب


الفاميلي داي هذا ممكن يكون في أي يوم

وناس وايد عندها الفاميلي دي يوم الجمعة مثلا
وفي ناس السبت مثل ماتفضلتي


وفي ناس يمكن الخميس


اما اذا تقصدين بقية أيام الاسبوه فخبرج الدوامات الطويلة (في الغالب) تستهلك معظم وقت الفرد
فلما يرد البيت هبابه يضرب بالخمس طبعا عقب يقيل له شوي عقب يمكن يطلع هنيه ولا هنيه او يمكن بعد يودي هله يتقضون لهم كمن غرض

فبالتالي اعتقد المسألة تعتمد على مدى الفضاوة


وقواج الله

هلا عزيزي


حلو يعني مرتب جدولك ..

مع انه الي اسمعة ان الخميس ف بيت أهلها وهو مع ربعة والجمعة ف بيت هلة وهو ف العنة ويلتقون السبت

اسعدتني المشاركة واسعدني المرور

[عثرة جواد]

عندنا كل يوم يوم عائلي
فلذلك ما اربط العائلة بيوم

هلا عزيزي

ممتاز يعني مافي لك يوم خاص ؟؟؟


اسعدتني المشاركة واسعدني المرور

[عثرة جواد]

كل واحد وجدوله وظروفه ..

انا طول الاسبوع فملي .. حتى الخميس ..
يتيمعون الاهل لي 9 فالليل ..

وعقبها اروح العنة .. واعود فالليل ..
وغدا اليمعة فملي ..


واروح العنة .. من العصر ليي الليل او مبيت ..


والسبت للفملي ..



والربع منهم اللي الفملي دي مالهم احد ..
وفي خميس وفي يمعة .. ومافي شي ثابت فالنهاية !


كلـ ن يمشي ويخطط على حسب جدوله وظروفه

هلا عزيزي

جدولك فية تنوع ...بس ترا كثير من الناس يكون الخميس والجمعة لة وعايلة السبت بس


اسعدتني المشاركة واسعدني المرو