الراية ترصد أطلال مشروع حديقة الحيوان

[ya3coub]

يوم الأربعاء الي طاف انا كنت هناك

و رحت طالع من الصناعية و و انا طالع مريت على حديقة الحيوانات بعد ما تعديت اللفه قلت ابي اشوف من زمان عندها ركبت رصيف و جيت من ورى النخل للأسف في امن من برع جاني كأني مجرم.

ممنوع يصارخ قلت له اول شي السلام عليكم ثاني شي لما كنت صغير اخبر كان في حديقة حيوان و قالو بيعدلونها.
سؤالي كان منطقي و صج لأني ما اعرف عنها اي شي علبالي غيرو مكانها.


قال مافي اي شي اهني مشروع و لما يخلص بس .
في فالشمال حيوانات بس مو من الدولة و بس !!!

[مرتبش]

المقاولين يحبون اللي يطلب منهم تغييرات بعد توقيع العقد وهي طريقة لمضاعفة الارباح

[المبرمج صلاح]

لا حول ولا قوة إلا بالله العلي العظيم
كانت حديقة جميله جدا
اشتغلت فيها 6 شهور عام 2008 كانت جميلة جدا وكان لها زوار من كل الجنسيات

وين الجهات الرقابية وين المسؤولين وين الشفافية وين مكافحة الفساد
اسوأ شي ممكن تواجهه اي دولة تسعى للتطور هو الفساد الاداري واهدار المال العام

المفترض اي شخص ( مواطن او مقيم ) او شركة ( حكومي او خاص ) يظنون نفسهم فوق القانون ويهدرون المال العام
يتم معاقبتهم باشد العقوبات وفضحهم ومنعهم من العمل مرة اخرى في المال العام

هذا غير عقابهم من الله سبحانه وتعالى

[بنت شرق]

لازم حد يقترح على المسؤولين اذا يبون يسوون حديقة أو متحف أو مكتبة يخلون الموجود ويختارون موقع جديد ويفنتكون فيه

[العقل المدمر]

وانا اقرا تخيلت صار حرب داخل الحديقة وهاذي الاثار بعد الحرب

[معماري قطري]

,

,


مرحبا


للاسف ان الصحفي كتب من جانب واحد و ما كتب الحقيقه كامله
وهو ليش ان الاعمال ( متوقفه )

كان المفروض يقول ان ( هناك توقف بسبب تعديل التصميم ) من قبل الحكومه

مانعرف سر التعديلات الكثيره بالتصميم بعد اعتماده وفي الاخير يتغير التصميم
كامل وتزيد ميزانيته الى الضعف ويتمدد المشروع بالوقت الى سنوات



هناك ردود جميله منها خصخصه الحديقه وعملها شركه تدير نفسها
بعيد عن ميزانيه الحكومه
مع عملها مدينه ترفيهيه متكامله

,

,

هشكل بعد بيتغير التصميم

الحديقة جارتي بيتي يطل عليها وصج سببت لنا شوية ازعاج من الشغل .. كان المقاول يشتغل على التوسعة في الليل أيام الحر وألحين ما له حس .. يسوون دفان غريب الظاهر نفس تصميم حديقة اسباير .. ومحطة البترول لها كم سنة مسكرة ومسورة بحديد خفيف ولا ندري من يقدر يدخلها ويلعب فيها .. وراها بالضبط ممر ضيق يمر ورا بيوتنا طوله حول 500 متر كتبت عنه قبل .. هذا الممر محدد بسور البيوت وبسور الحديقة الخرساني اللي اقترحه واحد حتى محد يوقف ويشوف الحديقة من برا .. كانت السيارات توقف والناس يراوون عيالهم بعض الحيوانات وكانت مسوية جو ومنظر متاح للجميع .. ألحين استوت كأنها قصر كبير .. المشكلة الممر هذا مسكر من كل الجهات واستووا المحلات اللي صوب المحطة يرمون قمامتهم ( تكرمون ) فيه وانتشرت قوارض وكذلك ديبان ( حيايا ) وتمت تتسلق جدران البيوت وهي تزحف .. حطيت لها مقطع يوتيوب قبل .. وكلمت البلدية وما قدروا ينظفون المنطقة

المساحة كبيرة وبتترتب إن شاء الله بس شغل بطيء يبي له سنوات طويلة .. وما ادري من المقاول المحبوب ذيه اللي يشتغل على مزاجه .. وهذي صور للشغل اللي صاير له حول سنتين أو ثلاث ويمشي شوي شوي والهدف 2022 وقبلها بأشهر بيرقعون بسرعة للافتتاح كالعادة .. هذي من المطر الأخير



الدفان عجيب والرمل مغسول ونقعة الماي كبيرة تبين



هنا يبين طرف سور الحديقة العظيم والفراغ المحايد بعده حول 2.5 متر وبعده أسوار بيوتنا وممر خيبر طوله حول نص كيلو ويمكن أكثر وفيه ممكن يتسللون سارقين للبيوت من الخلف ولا حد يشوفهم



أتمنى يزيلون هذا السور ويسوون شبك ويعتنون بما حوله .. أو يخلون الجزء هذا مكمل لحديقة اسباير .. كنت سامع قبل بيطلقون غزلان في هذي المنطقة وبيسوون جسر لحديقة اسباير وبيخلون الجمال والفيل يطلع من هذا الجزء عبر الجسر لحديقة اسباير

متوقع تخطيط المنطقة زين وبيكون لها اتصال مع الحديقة وتطوير شامل بس البطء في الشغل يصيبني بالاحباط والشغلة بسيطة .. وما شفت حفريات خاصة بتصريف مياه ولا لتغذية مياه أو كهرباء الظاهر الشغل مطول

[fzaa_qatar]

من اول يوم اعلنوا عن تطوير الحديقه وانا كنت متاكد مليون فالميه ان المشروع راح يكون مثل اللي قبله وراح يتاخر ولا يخلص كان خلوا الحديقه مثل ما كانت فيها ذكريات واماكن جميله ولاعالم مستانسه عليها ... شخبار حديقه الخور افتحوها ولا للحين ..؟؟

[دايموند]

من اول يوم اعلنوا عن تطوير الحديقه وانا كنت متاكد مليون فالميه ان المشروع راح يكون مثل اللي قبله وراح يتاخر ولا يخلص كان خلوا الحديقه مثل ما كانت فيها ذكريات واماكن جميله ولاعالم مستانسه عليها ... شخبار حديقه الخور افتحوها ولا للحين ..؟؟

ليحين مافتحوها ولا بيفتحونها الظاهر..

انا لو مكان المسولين الي صرحوا بمواعيد افتتاح المشاريع والحدايق ومافتحوها بموعدها استقيل...
لكن لا تعليق

[Me&OnLy]

كله هذا في الحديقه من فعل اشغال!! اتوقع بسبب قنبله ذريه والا صاروخ والا شي !! البهارات كثيره في الخبر والكاتب خياله واسع شدعوه عاد !!؟؟

[عثرة جواد]

خلاص ينقلونهم الى الأجواء المناسبة

ويفتحون لنا مدينة العاب وترفية بدال ماهي محوطة وبس ....مساحتها روووعه ومكان مميز


تعبنا من هل مولات الي لاتسمن والا تغني من جوع كلها ابتزاز وبس ..


عساج ع القوة