مع أو ضد ( سناب شات خاص للمرور )

[R 7 A L]

السلام عليكم ورحمة الله وبركاته
اثناء متابعتي لاحد الحسابات القطرية الشهيرة لبرنامج السناب شات
اقترح احد الاخوة على الاخوة في إدارة المرور بأن يتم عمل حساب خاص
تُرسل له المقاطع المخالفة التي يتم التقاطها

شرايكم انتم في الاقتراح

[ابوعلي]

وعليكم السلام ورحمة الله وبركاته

مؤيد اخوي بشرط عدم تصوير الأشخاص

بالإمكان تصوير رقم السيارة وتوضيح نوعية المخالفة

[مرتبش]

ضد.
خل الشرطة تشوف شغلها واحنا نشوف شغلنا ولانقعد نترصد الناس ونصورهم ونفتح ابواب مانعرف نسكرها بعدين

[Dana’1]

مع
اذا حساب توعيه وارشادات واخبار وكذا

ضد
اذا تصيد للناس مع إني أواجهك مرات ناس تخالف وتناحس
بس بعد ضد اذا فيه شي كايد بينك وبينه تصوره ويشوفونه المسؤلين

[JN000N]

صراحة موقف مضحك يصير كل يوم واليوم تفجير كان
كل يوم الناس تتجاوز عند الاشارات قبل بروة
الناس توقف ف دورها قبل الاشارة واتييك ناس ماتحترم من جهة اليمين تروح قدام ع اساس بتلف يمين وتوقف لين تفتح الاشاره دشو بين السيارات والي محترمين القانون وواقفين عدل يتمون ف مكانهم لانهم بس ماخالفو
وكل يوم نقول شدعوه ولا دورية شافت الي صاير؟
واليوم الدوريه ماشاء الله موجوده بس تدور ف المواقف ف بروة يدورون مخالفات
صح اسهل شي التصوير بس الناس اشتطو على سالفة التصوير لمطراش وخثرو
والحين اي مخالفات تجوفها قدامك تبلغ عنها يقولك تعال المركز وانت ع اساس انك فاضي من مركز لين مركز تتشكى عالناس ف امور يقترض ان الدوريات تتابعها
الحل نركب صدام حديد واي واحد يتجاوز قدامنا والا يلف علينا ف الشارع ندعمه دعمه خفيفه نشمخ سيارته نخفسها اي شي والا حد ماسك الخط السريع ويمشي على بيض هذا اتوقع حلال تركب موترك فوقه
وشكرا
بلكي يتعدلون
ركب صدام حديد

[العقل المدمر]

مع ان في ناس يبطون الجبد وهم يخالفون ويناحسون
بس بعد ضد الموضوع .. خلونا نستر على خلق الله ونسامحهم وناخذ حسنات

[MAZEN37]

صراحة موقف مضحك يصير كل يوم واليوم تفجير كان
كل يوم الناس تتجاوز عند الاشارات قبل بروة
الناس توقف ف دورها قبل الاشارة واتييك ناس ماتحترم من جهة اليمين تروح قدام ع اساس بتلف يمين وتوقف لين تفتح الاشاره دشو بين السيارات والي محترمين القانون وواقفين عدل يتمون ف مكانهم لانهم بس ماخالفو
وكل يوم نقول شدعوه ولا دورية شافت الي صاير؟
واليوم الدوريه ماشاء الله موجوده بس تدور ف المواقف ف بروة يدورون مخالفات
صح اسهل شي التصوير بس الناس اشتطو على سالفة التصوير لمطراش وخثرو
والحين اي مخالفات تجوفها قدامك تبلغ عنها يقولك تعال المركز وانت ع اساس انك فاضي من مركز لين مركز تتشكى عالناس ف امور يقترض ان الدوريات تتابعها
الحل نركب صدام حديد واي واحد يتجاوز قدامنا والا يلف علينا ف الشارع ندعمه دعمه خفيفه نشمخ سيارته نخفسها اي شي والا حد ماسك الخط السريع ويمشي على بيض هذا اتوقع حلال تركب موترك فوقه
وشكرا
بلكي يتعدلون
ركب صدام حديد

ههههه باقي مقناص

[R 7 A L]

اشكركم جميعاً على المشاركة

نقطة حبيت اوضحها لكم ان كنترول الحساب عن المرور وماراح ينزولون اي فيديو او صوره فيها اشخاص خاصة النساء والعوايل وكذلك بامكانهم يظللون ارقام السيارات
وفي الاخير الحساب يكون توعوي اكثر من كونه اي شي اخر

[بوخالد911]

مع وبقوووووة

[ولي العهد]

مع هذا المقترح وبعنف عشان الكل يحترم القانون وبنفس الوقت الواحد لما تنزل عليه مخالفه يدفعها وهو مرتاح ويعرف سبب المخالفه لانه بصراحة في مخالفة صكوني اياها واطلعت تجاوز من اليمين وانا ماعمري تجازت لكن اتذكر واحد سجل رقم سيارتي ليش اني مافتحت له الطريق واشك انه هو ولا كلم حد من ربعه وجعلها في ذمته ليوم الدين