هل من نصائح قبل التبليط؟

[بوخالد911]

مرحباً بكم

وصلت لمرحلة التشطيب
دفنت الدور الأرضي والأول بالبودرة
للحين ما بلطت
تم دفن بيبات المكيفات والكهربا

هل هناك نصائح وملاحظات قبل التبليط؟
وشكراً

[معماري قطري]

نصيحتي خل يشيلون البودرة ويسون مكانها خرسانة بقوة بسيطة 15 - 20 نيوتن كافية فوق كله خرسانة يعني وتحت ما دامك دفنت عالج الدفان بدواء الأرضة وبعدين سو خرسانة

[معماري قطري]

قبل خله يحدد لك مستوى التبليط على الحوائط بالخيط الملون لكل الأماكن وانتبه إنه يساوي كل العتبات عندك للدرج .. بتلاحظ الدرجة الأُولى مرتفعة والأخيرة نازلة وهذي يوازنهم المبلط برفع أرضية الأرضي والأول وتحون العتبات كلها متساوية الارتفاع .. للبعض اللي عندهم مجال لزيادة العتبات كعدد وتقليل ارتفاعها ينتبهون ويزيدونها حتى يتوزع الارتفاع على الباقي في حدود 14 سم .. بعض الاستشاريين يسون الارتفاع 17 و18 وهو مزعج خصوصاً للي ما عنده مصعد

[معماري قطري]

انصح بعمل واجهات الدرج من البلاط المزخرف وأرضيته من البورسلان أو الرخام وشطف الحواف بطريقة دائرية أو مستقيمة 45 درجة حتى ما تنكسر ولا تكسر .. وممكن نعمل الدرج من الوسط سجاد خاص والأطراف قرانيت فخم يطلع علينا أرخص من عمله كله قرانيت أو رخام ومريح وشكله حلو

التبليط على أرضية خرسانية مستوية سهل ونظيف ولا يتأثر بضعف التربة تحت ويعيش العمر

[وحيد-الشوق]

نصائح قيمة يامعماري الف شكر لك طيب شرايك في تبليط المصريين >> ادري متعقد منهم هههههههه

الشركة الي متعاقد معاها للتشطيب مالت رفيجي وعنده عمال مصريين وشغالين في بيته وبيوت ثانية وشفت شغل بيتهم وبيتهم ماشاء الله عود وفخم واللهم بارك شغلهم حلو وعنده عمال من رومانيا او ملدوفا يقولي شغلهم ممتاز هل كل جنسية لها طريقة معينة في التبليط ؟؟

[معماري قطري]

الطريقة المثلى هي خرسانة ومواد لاصقة جيدة والبلاط يتركب فوقها اللي يبي يسوي شورت كت على حسابك ويريح نفسه شوته برا وعن المصريين يتفيهمون حتى على المهندس والاستشاري فما بالك بالشخص العادي

إخوي عنده مصريين وركبوا له وشاله بعد ما تفككت البلاطات وانتفخت عنده البودرة .. انا قلت الصح كم مرة وتعبت من التكرار وحطيت مقاطع يوتيوب وشرحت المواصفات والمادة اللي تقوي الخرسانة وبدون حديد تطلع أرخص .. نقلت اسلوب أعرفه ومجربه واتمنى الكل يسويه حق جودة بنيانه وعدم تأثره لأَتفه الأسباب .. المبلط المصري بيقول لك بعدين بص يا افندم دأ البلاط اللي انته قايبوه مش معمول كويس

[بوخالد911]

الف شكر للاخ الخبير معماري
ما نستغني عن نصايحك.

[@north_star@]

تاكد من المسافات بالنسبة للمراحيض قبل لا تبلط على بايبات التصريف

[معماري قطري]

تاكد من المسافات بالنسبة للمراحيض قبل لا تبلط على بايبات التصريف

الأفضل يشتري القطعة ويخليهم يجربونها جدامه ما دام مب متأَكد .. انا شريت كل القطع قبل وحتى الجهة اللي شريت منها عطوني طريقة تركيب البلاط وتشكيلته وبعض البلاط خذته من جهة ثانية وللمطابخ من جهة غير .. سوقنا ما شاء الله فيه تنوع وأكثره زين

ركز على العمودي + نابينا + شبيب وعلي العطية + المتحدة + تدمر ويبي لك تمر مرتين ثلاث حتى تختار النوعيات الأفضل والمناسبة وتفكر في تشكيلة جيدة

[معماري قطري]

الف شكر للاخ الخبير معماري
ما نستغني عن نصايحك.

العفو يا اخوي انا شكل ما يقولون المصريين حتة مهندس لا راح ولا جاء .. بس صج انتبه البودرة مغامرة كبيرة وكانت ممنوعة عند الحكومة ألحين احتمال كل شيء تغير وينتجونها بكميات رهيبة وينتجون معاها الدفان الجيد كذلك من حفر أنفاق الريل .. المهم الطبقة الأخيرة تكون صبية .. كم بتكلف الصبية مع الفايبر وبدون خرسانة؟ تقريباً المتر المكعب 300 وتسوي لك 10 أمتار مسطحة بسمك 10 سم .. يطلع عليك المتر ب 30 ريال وتكون ذاتية الإستواء Self settling وتستوي بدون أي ميلان ولو بالملم بسبب كثرة الماي فيها ولا تحتاج لتبليط فوقها لو بتركب سجاد .. يعني صب أرضيات البيت كلها بعد تقسيمها بفواصل من الأطراف وقرب الباب وبعد تركيب السب فريم للأبواب لو تحب حتى يثبت في الخرسانة

مكان السجاد بتركب عليه سجاد مباشر أو بطبقة تحتية ومكان البلاط التبليط بيكون من أسهل ما يمكن وبلاصق عادي لكن القراوت تفنن فيه واشتر نوعيات قوية وما تطير ولا تتغير .. ونصيحة غرف النوم كلها خلها سجاد راقي وما يسبب حساسية ومع طبقة عازلة تحت ( خذ النوع السميك الانجليزي - المتر المربع حول 50 ريال ) والفواصل مكان التقاء السجاد مع البلاط تكون قطع نحاسية

للحمامات خل يركبون نعلة رخام مكان الباب قطعة وحدة تفصل الحمام عن الغرفة وتكون في حدود 1 سم مرتفعة وسلوب بلاط الحمام جهة الصرف .. حطيت صور قبل ولو حد يبي باحط مرة ثانية لتوضيح هذي الفقرة الأخيرة