طرح مسكوكات من فئة 10 ، 5 ، 1 درهم للتدول ..................

[دايموند]

مو من صجهم !!!!!!!!

انزين مافي صور للعملات الجديده؟

[.قطر.]

اتخيل ادفع بالعملات المعدنيه مب شي
اصلا يقرقشون ف البوك انا اذا رحت دبي وعطوني الباقي عملات معدنيه اشيلهم من البوك

[Riku3]

كم بتكلفهم هالعملة لاصدارها !! .. بتصير مثل البيني الامريكي لو تقطه في الشارع محد يلقطه ويكلف صنعه اكثر من قيمته الاصلية !! .

يكفي النص ريال الي يطيح في جبدنا ومحد مستفيد منه الا العيال ياخذونه حق الحصاله .

بتكون حجه لرفع الاسعار بنظري .. يدرون محد يشيل النص ريال معاه فما بالك بهالدراهم .. ومثلا بيصير سعر سلعه ريال و 61 درهم .. يلا عاد تعال ادفع .. بتعطيه ريالين وبتحرك .

[لـبـيـه]

اذا في شخص يقدر يفيدنا ..
ما فائدة هذه الفئات !!!! خاصة فئة 10 '5 '1 درهم

نفس السؤال جا في بالي ايش فايدتهم

طيب هل في شي في قطر كلها ب 1 درهم او 5 درهم او 10 درهم

والله مستغرب ؟

[شيخ الديرة]

مو من صجهم !!!!!!!!

انزين مافي صور للعملات الجديده؟

الأعلان بالراية صفحة 3

[مختلف جداََ]

يعني يصير أعطي المخبز 200 درهم في كيس
عشان آخذ ريالين خبز
هههههههههههههه

[عثرة جواد]

متابعة بصمت

[MAZEN37]

ببساطه كل كاونترات الجمعيات والهايبرماركات بتوفر هالعمله المعدنيه في حال دفت كاش

[البرونزي]

بعض التجاري مثلا يحط لمت للربح للبضاعه قبل العرض
فتطلع البضاعه مفرقه بعد العرض بسعر ربحي مثلا 10 ريال و 13 درهم
فالتجار يكون مجبور يحط 25 درهم بدال ال 13 درهم لان هالفئه غير موجوده
طبعا انا اتكلم عن بعض التجار الي يكون مجبور يحط عالفئه لكن بعض التجار
لقاها فرصه لرفع السعر بحجة ان هالفئه من العملات غير موجوده
وطبعا 15 درهم مني و 10 درهم منكم وهلم جرا وعليكم الحسبه

[شيخ الديرة]

بعض التجاري مثلا يحط لمت للربح للبضاعه قبل العرض
فتطلع البضاعه مفرقه بعد العرض بسعر ربحي مثلا 10 ريال و 13 درهم
فالتجار يكون مجبور يحط 25 درهم بدال ال 13 درهم لان هالفئه غير موجوده
طبعا انا اتكلم عن بعض التجار الي يكون مجبور يحط عالفئه لكن بعض التجار
لقاها فرصه لرفع السعر بحجة ان هالفئه من العملات غير موجوده
وطبعا 15 درهم مني و 10 درهم منكم وهلم جرا وعليكم الحسبه

تسجيل أعجاب بهذا التعليل. يعني ماراح نستخدمها ولكن ترفع العذر القانوني في بعض الحسابات التسعيرية