حبيت استفسر بخصوص استخراج الفيزا ( فرنسا - لندن )
رايح نهاية شهر 7
متى الواحد يقدم على الفيزا ، او اني اقدم من الحين علشان الزحمة في الصيف
ولكم جزيل الشكر
|
حبيت استفسر بخصوص استخراج الفيزا ( فرنسا - لندن )
رايح نهاية شهر 7
متى الواحد يقدم على الفيزا ، او اني اقدم من الحين علشان الزحمة في الصيف
ولكم جزيل الشكر
قبل لاتقدم على الفيزا .. تأكد من صلاحيه الجواز ..
بالنسبه للفيز .. روح لاي مندوب وهو بيخلصك اقصد فيزا الشنغن ( فرنسا )
اما الفيزا ( لندن ) تقدر تدخل على الموقع وتعبي الابلكيشن ..
الســلام عليكم ورحمـة الله وبركاته
بخصوص فيزة فرنسا (الشنقن) يفضل تقدمها من الحين قبل الصيف والزحمة والمواعيد متوفرة على حسب وقتك
وفيزة بريطانيا اذا ناوي تقدمها فيزة عادية فـ من الحين افضل
واما اذا ناوي تقدمها اون لاين فقبل السفر بـ اسبوع - اسبوعين كفاية
بس لازم تعرف ان فيزة بريطانيا الاون لاين يجب معرفة تفاصيل الرحلة (الرقم و الخ)
وفالك طيب
:[[ لا إله إلا أنت سبحــانك إني كنـت من الظــالميــن ]]:
اللهم اغفر لوالدي وارحمه برحمتك التي وسعت كل شيء
مرحبا اخوي طوارق
ماقصرو اخواني كايد الوكره وسلامي للكل
وماقدر ازيد عليهم شي كفو ووفو
بس ابغي اعيد لك نفس الامور
بالنسبه للشنغن
لو تجدد الجواز ممكن يعطونك 3 او 4 سنوات
والافضل تقدم عليها من الحين قبل الزحمه
بالنسبه للصوره الشخصيه
للرجال : بدون غتره او غطاء على الراس
للنساء اخراج الوجه كامل والاذنين ومنطقه تحت الراس ( تحت الفكين )
ومافي مشكله حتى لو الصوره غلط عندهم بالمكتب يصورونكم
مع الاوراق الاخرى وهي
تعبي الطلب من الموقع
الجواز الاصلي وصوره منه
حجز التذكره ويفضل حجز الفندق معاه حتى لو الحجوزات تكون وهميه
الاطفال تحت 12 سنه مافي داعي يروحون للبصمه
فقط من 12 سنه و اعلى
بالنسبه لفيزا بريطانيا :
الطريقه الاولى تقدمها بالطريقه العاديه
تعبي الطلب
صوره شخصيه خلفتها رصاصيه فاتحه
الجواز الاصلي
حجز طيران وفندق وممكن تكون الحجوزات وهميه
فيزا بريطانيا الالكترونيه :
تقدم وتعبي الطلب عن طريق الموقع فقط
بدون رسوم ولا صور
صالحه لسفره واحده
يجب ان يكون تذكره السفر صحيحه
تقدمها قبل موعد السفر لايقل عن 48 ساعه يعني تقدر تقدمها قبلها ب3 ايام او اسبوع او عشر ايام براحتك
اهم شي قبل السفر 48 عشان تقدر تسافر عليها والموافقه تجيك فوريه
مايحتاج تعبي كرت دخول بريطانيا بالطياره الورقه تكفي وتغنيك عن تعبئه كرت البيانات
ملاحظات :
# بخصوص فيزا الشنغن وفيزا بريطانيا العاديه
تقدر تقدمهم بنفس اليوم بشرط تقدم الفيزا البريطانيه اولا
لان السفاره البريطانيه عندهم خدمه انك ممكن تقدم على الفيزا وتدفع مبلغ اضافي
وتاخذ جوازك معاك مايحتاج تنتظر لين تخلص الفيزا
وبنفس الوقت تروح تقدم على فيزا الشنغن
# تقريبا في هالوقت لو تقدم على الفيزتين ياخذون من 3 ايام الى 5 ايام عمل تقريبا
وبالتوفيق
سؤال عندي فيزة شنقل من السفارة الفرنسية وغيرت راي وبنزل دولة غير فرنسا من دول الشنقل فيه مشكلة
طاعة الأمير في عقيدتنا ومنهجنا كيف مثل أبونا وأخونا وعونا وسندنا تميم الله يحفظه
مرحبا اخوي سهم ماينزل
هالشي يرجع لموظف الجوازات في الدوله الي رايح له
ولو منعك من حقه
الحل تنزل بأي دوله براحتك ومافيها مشاكل
بشرط تاخذ معاك بالمطار حجز لأي منطقه في فرنسا
ومده اقامتها اطول من الدوله الي رايح لها
يعني مثلا رايح سويسرا 5 ايام
تاخذ معك حجز لأي سكن في فرنسا مده 6 ايام او اكثر
ويكون معاك الحجز بالمطار
قانون فيزا الشنغن في هالشي
انك تستخرج الفيزا من سفاره الدوله الي راح تقعد فيها اكثر
وحجزك لفرنسا اكثر من سويسرا
فا ماعندك مشكله تنزل في سويسرا على اساس بتروح بعدها فرنسا
والافضل تعمل حجز وهمي من عن طريق موقع الحجوزات ويكون مع الغاء مجاني
ولما توصل سويسرا تلغي حجز الفندق الفرنسي الوهمي
اخوي سهم ماينزل
اذا وجهتك المانيا اتمنى انك تخبرني !!!!
جزاك الله خيرا
انا طلعت فيزة فرنسا لكن الوجه للحين ما تحددت بيض الله ويهك يا اجمل مشرف
طاعة الأمير في عقيدتنا ومنهجنا كيف مثل أبونا وأخونا وعونا وسندنا تميم الله يحفظه
ويجزاك بمثله يا وجه الخير
بالتوفيق ان شاء الله
وربي ييسر اموركم
ما قصرتوا يا اخوان ويعطيكم الف عافية
ضوابط المشاركة
رد مع اقتباس