استفسار بشأن سعر المتر لتركيب الأرضيات

[بوخالد911]

هلا بكم

حبيت أعرف كم السعر بالمتر لتركيب سيراميك الأرضيات؟
للغرف والصالات ومداخل البيت.
الحجم 80*80
من كم لكم تقريباً ؟

شاكر لكم

[مـــحـــمــد]

مرحبا اخوي

تقريبا انا مركب ب 40 ريال المتر المربع والمواد كلها عليه

[معماري قطري]

ثغرة كبيرة إخوي تقول للي بيركب كم سعر المتر؟ بدون تحديد المواصفات وطريقة التركيب .. المفروض كل شيء محدد وبعدين عرض السعر لكن لو قال لك كل شيء علي وهذا سعري بيتلاعب في المواد ومب جايب المناسب وما اقول الأفضل

اللي يبي يعرف كم لازم يحدد كل شيء ويسأل بعدها بكم .. الروبات أنواع كثيرة والمواد اللاصقة .. الفواصل بعضهم يركبون قطع معدنية تجميلية مثل النحاس والستانلس ستيل .. الحواف بعضها مشطوفة وبعضها لا .. القص بعض البورسلان يحتاج قص صح بجهاز خاص أو ووتر جت .. طريقة التوزيع لو عندنا تشكيلة وقطع زينة

نجي للأرضية هل عليه عمل شيء ولا دفان ببودرة جاهز ومتموج وهو يشتغل عليه .. أو الأرضية مصبوبة خرسانة وجاهزة

لو احنا بنوفر البلاط وشي الشروط اللي بتكون على المقاول حتى يعتني بالبلاط وشكثر بنحسب الهالك .. مقاول جاهل وعليمي بيكسر البلاط وبيقول نقصت الكمية .. وبعضهم حتى السرقة يسرقون لبناء العشوائيات .. هذي الأُمور كلها لازم تحدد في العقد وملحقاته حتى تسهل متابعتها

[بوخالد911]

مرحبا اخوي

تقريبا انا مركب ب 40 ريال المتر المربع والمواد كلها عليه

شكرا للمداخلة.
الله يوفقك

[بوخالد911]

ثغرة كبيرة إخوي تقول للي بيركب كم سعر المتر؟ بدون تحديد المواصفات وطريقة التركيب .. المفروض كل شيء محدد وبعدين عرض السعر لكن لو قال لك كل شيء علي وهذا سعري بيتلاعب في المواد ومب جايب المناسب وما اقول الأفضل

اللي يبي يعرف كم لازم يحدد كل شيء ويسأل بعدها بكم .. الروبات أنواع كثيرة والمواد اللاصقة .. الفواصل بعضهم يركبون قطع معدنية تجميلية مثل النحاس والستانلس ستيل .. الحواف بعضها مشطوفة وبعضها لا .. القص بعض البورسلان يحتاج قص صح بجهاز خاص أو ووتر جت .. طريقة التوزيع لو عندنا تشكيلة وقطع زينة

نجي للأرضية هل عليه عمل شيء ولا دفان ببودرة جاهز ومتموج وهو يشتغل عليه .. أو الأرضية مصبوبة خرسانة وجاهزة

لو احنا بنوفر البلاط وشي الشروط اللي بتكون على المقاول حتى يعتني بالبلاط وشكثر بنحسب الهالك .. مقاول جاهل وعليمي بيكسر البلاط وبيقول نقصت الكمية .. وبعضهم حتى السرقة يسرقون لبناء العشوائيات .. هذي الأُمور كلها لازم تحدد في العقد وملحقاته حتى تسهل متابعتها

ملاحظات قيمة جداً
قايل لك ما نستغني عن خدماتك اخوي.

[معماري قطري]

ملاحظات قيمة جداً
قايل لك ما نستغني عن خدماتك اخوي.

والله اخوي خالد اتمنى الكل يستفيد

وهذي ملاحظات اتابعها بصفة شبه يومية وحاب انقلها

اللي بيركب بياخذ أجره وبيمشي وبيعاني اللي ساكن الا البلاط بدأ يتقوس على فوق بسبب انتفاخ البودرة تحت أو الروبة انفتحت وتم يطلع منها نمل .. صراحة مناظر تقهر وشغل الصيانة يقهر أكثر لأنه داخلي ويحتاج بناء ولو رضينا بالترقيع بترجع المشكلة في المستقبل .. والبلاط يكون مكلف وتركيبه غش مشكلة .. لو يكون بسعر معقول وتركيبه جيد وعلى خرسانة صلبة بيكون أحلى من المكلف اللي تركيبه رخيص .. حطيت صورة لنوعية بلاط ركبتها بمونة وسط وقراوت ايبوكسي شوفها في موضوع الحمامات والمطابخ آخر صفحة .. غرفة ولدي وعليها استعمال يومي واهمال لكن 11 سنة ولا تغير اللون ولا تحركت الروبة من مكانها وكثير من العمال ما يعرفون هذي الروبة ولازم فورمان فاهم يعلمهم طريقة تركيبها ولازم يشوف التعليمات عند المورد

[معماري قطري]

بالنسبة للصبغ حله سهل ونقدر نركب ورق جدران وغير من التشطيبات .. الأسقف فوق ومعلقة وسهلة والكل يسويها لكن الأرضيات مهمة ومهم تنعمل صح