المشاركة الأصلية كتبت بواسطة Diamond
الله يجزاك خير اخوي شراع... تو الناس عاليأس.. من مشاركاتك واضح انك فاهم فالبورصة وعارف شاللي يصير سواء حضروا وشاركوا او لا الخساره خسارتك انت والصبر زين .. اقرى تفاصيل الإعلان بتدري ان الأمور طيبه ان شاء الله والسهم راجع باْذن الله الى نهاية الأربعينات مافيها كلام
والله اني اكثر واحد أتمنى الكل يحضر العمومية عشان عالاقل فالمستقبل يحاسبون ومايعيدون اللعبة ويدرون ان وراهم طلابه .. وحاط في بالي قبل الجمعيه بيومين بنزل موضوع تذكير للشباب .. عن نفسي ادرس برع مع الأسف و وقت الجمعيه يصادف أوقات امتحانات ولا جان من الليله اللي قبلها حاجز فالفندق وأنطرهم ب ثوب وجوتي بوت الله يعزك حق الترفس لكن مالي نصيب.. وصدقني لو أقولك شكثر خسران ومتضرر من نزول الدوليه بتهون عليك مصيبتك بس لعله خير .... اللي شرى السهم تحت الخمسين لا يزعل استثماره صح لكن اللي صار نصب واحتيال مب خساره استثماريه..
موضوع الدعوى القضائية هاذي في بورصة الدوحه العالمية والشفافيه ما راح تطلع الا بخسائر والتعب.. وكلها لقاضي السموات والأرض ..
بتقول ان العام أعلنوا انهم ما راح يتأثرون بالنفط .. بيقولون مالنا خَص هاي المجلس القديم برئاسة المهندي هو اللي صرح وفي اعلان الربع الاول من هالسنه الشركة قالت ان راح تاثر الأرباح بهبوط النفط...مالك عليهم شي
بتشتكي على مقترح توزيع ريال اللي هو كان السبب وخسف بالسهم ونزله اكثر من ثلاثين بالمئه بيقولك أنا عضوا واقترح اذا مب عاجبك تعال اعترض مجرد اقتراح وانا كيفي...
الشي الوحيد اللي اعتقد تقدر تمسكه عليهم هو اعلان الربع الثالث وانا أدور في موقع البورصه ابي اقرى القانون ومالقيت شي.. تلف الحفار كان في تاريخ 7/2 تقريبا يعني كان عندهم ثلاث شهور ونص عشان يعلنون عن خسائر الحفار او على الأقل يذكرون الخسائر التقديرية ولكن ماذكروا اي شي وكلناظنينا ان الإعلان شمل تلف الحفار .. عيل شفايدة الإعلانات اذا راح تتلاعب فيها وتصرف وبعدين تعلن خسائرك ... وكنت أتمنى احد اللي شافوا الإعلان قانوني ويذكر لنا وجهة نظره فالموضوع..