الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
صباح الهيل والبن اليماني يابو سعد
يامرحبا والله
كلامك على راسي يابو سعد
بس لاحظ التالي ولا عليك امر :
1- انت ركزت فقط على نقطة وحدة من عدة نقاط ، وطنشت الباقي !!
2- يابو سعد الضرب ترى امنعوه من زمااااااااان على أيام المسمى القديم ، وهذا شي معروف للكل
ماتم منعه بعد تغيير المسمى
3- صدقني يابو سعد (مع احترامي لرايك ) ان المدرس المحترم (مع احترامي المطلق والكامل لهالمنهة المقدسة ) راح يظل محترم ويفرض نفسه
وهالشي كان يصير على أيام المسمى القديم بعد
نفس الشي
كان في مدرسين فارضين احترامهم وفي مدرسين اقل منهم (ماراح أقول شي ثاني علشان لايزعلون علينا إخواننا المدرسين اللي اكن لهم كل احترام وتقدير )
وهذا راجع لشخصية كل واحد
4-وهذا بالضبط سؤالي يابو سعد : شعلاقة هذا بذاك أصلا ؟لاكن هل هذا الي يصير نتيجه لكلمة التربيه .
او تهاون بعض المدرسين ويشتغلون بدون ذمه اهم شي الراتب .
بس أقول لك الصراحة ، انا ضحكت لما قريت هالجملة :
خخخخخخخخخخخخخخخخخخخخخخخماعليك منه المدرس الثور.
بس في ذمتك يابو سعد : هالطالب اللي قال مثل هالكلام : من لازم يربيه ؟ ابوه ؟؟ ولا المدرسة ؟
انا اعتقد ان ابوه لازم يربيه
فبالتالي المدرسة والوزارة مالها علاقة
ولا شرايك طال عمرك؟
شرفني مرورك اخوي الكريم بو سعد
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
هلا والله رحال مرة ثانية
وثالثة ورابعة بعد كونك راعي مكان
المهم :
هل هذا واجب رسمي لها ؟ قصدي اختصاص رسمي لها ؟
وهذا يعني ان وزراة الأوقاف مالها شغل في السالفة
يعين اللي يتهم وزارة الأوقاف يتمهمها على غير أساس ، واللي يطالبها بالقيام بدور في بعض الأمور يطلب منها شي غير اختصاصها
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
الأخ الكريم نورث ستار :
أشكرك على المداخلة الكريمة ، وهذا ردي بعد اذنك :
وهاذي المشكلة الكبيرة اللي يعاني منها المجتمع وتعاني منها المجتمعاتللأسف الكثير من الناس يحلل الأمور بناء على كلام الناس وبدون واقع تجربة أو بدون معرفة المضمون
وفي نظري اخوي اها راجعة لقلة البحث والاتكال على الغير والكسل المتفكر في عدم التفكير او محاولة ربط الواقع بالعقل
وهاذي اللي اعتقده شخصيا اخويتسمية وزارة التربية والتعليم السابقة والتي أصبحت المجلس الأعلى للتعليم أو وزاة التعليم فلا يعني فصل المسميات إنعدام التربية فالتربية معتمدة على الكادر التعليمي بالدرجة الأولى كما هي معتمدة على التعليم جنبا الى جنب .
انا معاك في هالنظرة
واعتقد ان السبب اللي خلى الناس يعتقدون شي ثاني هو فقط ترديد لكلام لايُعرف له أساس
معاك في هاذي اخوي مافي كلاموبالنسبة للمطار وتكاليف مثل هالمشروع الضخم الأخطاء واردة ولكن المطلوب الرقابة الصارمة لضمان عدم التلاعب بالمواصفات ومحاسبة أي مقصر بشفافية .
مع اني اعتقد ان أي مشروع مثل هذا يتم عمل دعاية ضخمة له وبتكاليف ضخمة (طبعا انا بصراحة مب عراف كم بالضبط مثل ماذكرت) أتوقع ان المفروض يكون تحفة
وماننكر وجود الأخطاء
لكن الكل صار يفتي من عنده في الرقم الحقيقي
وهذا الشي مرده (مثل ماقلنا اخوي) الترديد الاعمى فقط
اشكرك كل الشكر اخوي انك نورتني بهالمعلوماتوزارة الأوقاف لها دور فاعل في التوعية الدينية ورعاية المساجد .... ودعني أقف عند رعاية المساجد فقد تكلمت من فترة عن موضوع استغلال البعض لمواقف المساجد والحمد لله تم إصدار قانون يمنع ركن السيارات لفترات طويلة بالتعاون مع إدارة المرور وهنا يأتي دور الأئمة ومفتشي المساجد بمراقبة مثل تلك الأمور وأيضا هو من واجب المصلين بإبلاغ الإمام عن مثل تلك الأمور .... وثانيا وللأسف توجد في بعض المساجد عدم صيانة دورية وخاصة لدورات المياه وأماكن الوضوء .
وهذا يعني ان دور وزراة الأوقاف ليس منع الحفلات الغنائية على سبيل المثال
ولازلت في انتظار توضيح الدور الرسمي للوزارة مع اعتقادي الشخصي ان سعادة الوزير الحالي ضبط أمور كثيرة (حسب ماسمعت وشفت) ولا ازكي على الله أحدا
ياخي نظرتك عجيبة للموضوع نظرة بسيطة وواضحة وبدون أي تكلّف أو تعقيدكأس العالم مجرد حدث وسينتهي كغيره من الأحداث ولكن يجب ألا نعول وجود بعض الإنحطاط الأخلاقي أو اللباس الغير محتشم من بعض الجاليات على كأس العالم فهنا يأتي دور التوعية بشكل أكثر فاعلية لضمان عدم التعدي على تعاليم الإسلام وعلى تقاليد البلد وعاداته .فاستضافة الزوار لكأس العالم كاستضافة السياح حاليا أو بأي وقت ولكن بأعداد أكبر
تسلم يمينك اخوي
واتفق معاك
حتى مع كاس العالم اللي هي (مثل ماتفضلت اخوي) بطولة عالمية وراح تنتهي على خير باذن الله
لكن كل فترة والثانية نسمع عن قرارات هدفها الحفاظ على هوية البلد
وأشكرك مرة ثانية اخوي
التعديل الأخير تم بواسطة غريب الدّار ; 28-02-2016 الساعة 07:48 AM
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
يصبحك بالنور والسرورالله يصبحك يا الخير اخوي غريب الدار
يامرحبا اخوي غير البشر
خذ راحتك اخوي ووجهة نظرك على العين والراسخلني احاول بقدر المستطاع اجاوبك على اسألتك من وجهه نظري على الاقل
بيني وبينك شكله هذا اللي حاصل1- بالنسبه لوزاره التربيه والتعليم وسابقا المجلس الاعلى
لحد الان ماشوف في فرق نفس الهيكل القديم تقريبا
لكن نفس ماتقول في كلام الناس نفسي فقط يرجعون ذكرياتهم مع وزاره التربيه والتعليم لا اكثر
يمكن مستقبلا يتغير الوضع
والله اعلم
معاك ياغير البشر
2- بالنسبه لمطار حمد
صعب الواحد يحدد التكلفه الاجماليه بالضبط
لكن يقولك مافي دخان من غير نار
يعني بغض النظر عن التكلفه الفعليه
الي نعرفه انها تكلفه عاليه جدا
ممكن في دوله ثانيه نفس المبلغ تبني فيها مطارين وجنبهم فلتين متلاصقين
التكلفة اكيد عالية جدا
بس المشكلة في الأرقام اللي نسمعها من هنيه وهناك
اشكرك على الإجابة اخوي غري البشر وهي كانت نقطة فرعية3- دب المطار نفس وجه نظري بالنقطه الثانيه
المبلغ عالي جدا بالنسبه للشي المشترى
بس كم التكلفة الرسمية حق هالاصفر ذيه ؟
اها4- دور وزاره الاوقاف اشوفه محدود في المساجد والحج وغيرها من الامور في العقيده البحته
اما الاغاني والحفلات فأتوقع وزاره الاوقاف ماتدخل فيها من اختصاص هيئه السياحه
يعني في جزء بسبط من فصل الدين عن ( السياحه ) الدوله
يعني مب دور وزارة الأوقاف منع مثل هالحفلات ولا من اختصاصها
والله ياغير البشر اتحفظ على هالنقطة واحترمها منك5- بالنسبه لموضوع كأس العالم
تقريبا كلنا نتذكر الالمبياد في اثينا وماصار بعدها
كلها نفس الظروف لاتقولون اقتصاد اخر ودوله اخرى
واثينا قاب قوسين او ادنى من اعلان افلاسها من تأثير الالمبياد الى يومنا هذا
وتأثير كأس العالم انها تقام في قطر
نفس ماتقول راح نبدأ من الزيرو
ماعندنا بنيه تحتيه ولا ملاعب ولا فنادق ولا مكاتب ولا ولا ولا
يستوعب العدد الهائل الى راح يحضر كأس العالم
بس احنا ليش دايما نضرب مثال باثينا؟ في دول وايد نظمت كاس العالم وماصارت فيها مشاكل
ادريان احنا قاعدين نبتدي الحين وابتدينا في أمور وايد
لكن ماتلاحظ معاي ان معظم المشاريع أصلا لهل قطر وراح تظل؟ وكان المفروض (او يمكن كان من المخطط) انها تصير سواء بكاس العام ولا بدون ؟ ------------------> ويمكن أكون غلطان في هالكلام
الله يحييك ويامرحبا بكتحياتي
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
مرحبا اخوي غريب الدار
اسمحلي ارد عليك بهذي الجزئيه
صح كلامك دول وايد نظمت وماصارت فيها نفس هالمشاكل
وليش نضرب المثال في اثينا !!
الدوله الكثيره الي نظمت عندها سابقا بنيه تحتيه + مباني + مواصلات + ملاعب + مترو + قطارات
وعندهم استعياب دخلو عدد كبير من الناس في فتره زمنيه قصيره
يعني نظمو او مانظمو الامور كلها عندهم جاهزه من سنين طويله
وهذا الكلام ماينطبق على اثينا
نظمت دوله الالعاب الاولمبيه وهي ماعندها شي
وسوت كلشي لهذه الالعاب ودفعت مبالغ خياليه
وأثر على اقتصادها بشكل كبير
والناتج القومي مايغطي الديون الي عليها
نجي لقطر الله يحفظها من كل شر
قطر مافيها مقومات لأقامه بطوله كبيره نفس كأس العالم
وراح توفر هالمقومات في فتره زمنيه قصيره
يعني في خلال كم سنه راح تدفع مليارات الدولارات لتوفيرها
هذا طبعا ان توفرت وانا اشك في ذلك
الحين نجي لنقطه ان البنيه التحتيه لكأس العالم راح تفيدنا احنا مستقبلا
انا فكرت بنفس النقطه وقت الفوز بكأس العالم
ليش هذا ماصار بدون تنظيم كأس العالم !! راح يكون افضل لسبب
المليارات والمشاريع سواء النبيه التحتيه او غيرها راح يكون تركيزها اكثر شي على توفير الراحه للضيوف
وليش توفير الراحه لنا مستقبلا
للتوضيح اكثر
انت تبني فيلا وفيها ملاحق
وعندك مبلغ للفيلا
اكيد طاقتك وتفكيرك وتخطيطك وتصميمك راح يكون 95% على الفيلا نفسها اذا ماكان اكثر
لكن المشكله لما يكون تفكيرك وطاقتك وتخطيطك 95% راح يكون على الملاحق
و 5% على الفيلا
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر