السلام عليكم و رحمة الله و بركاته
لتعلمون .. ان الاسماك في قطر اسعارها بارتفاع بسبب زياده الاستهلاك و قله الانتاج و سن تشريعات جديده للحفاظ علي المخزون السمكي بالبحرذلك .. كثير من الدول الخليجيه اتجهت لزراعه الاسماك
تتم عمليه الاستيراد من السعوديه او الامارات او بعض الدول الاسيويه .. و التسويق للمجمعات التجاريه
ارايكم يهمنا
لكن يوجد مزارع اسماك في قطر ..
وهو طبعا مشروع جيد
غـفـوت بـأمـان وحــولــي رفــاقــي . . واســتـيـقــظــت، فـلـم أجــد حــولــي سـوى الــذّئــاب.. لا أعــلم هــل أكــلـت الـذّئــاب رفــاقــي، أم أنّ رفــاقــي تـحـوّلـوا إلــى ذئــاب ..!.
مساء الخير اخوي شخبارك
موضوع مزارع الاسماك والاستكثار السمكي مهم ومشروع جيد بس يبله دراسة وتخطيط وتمويل وسبق سويت دراسة مبدئية اذا لك خاطر تشوفها
,
,
مرحبا
اخوي الكريم
انصحك تركز على ( الزراعه ) الاسماك داخل قطر بارك الله فيك
على فكره اهل السعوديه خاصه المناطق القريبه من قطر
يشترون السمك من قطر لانه ارخص من عندهم وفي الامارات السمك ( اغلى ) من قطر
في بعض الانواع وبعض الانواع ارخص ولكن المسافه بينا وبينهم بالسياراه تحتاج عربات ( مثلجه ) وتبريد مستمر
لما تحط التكلفه على السعر يطلع العمليه غير مجديه
ماعدا الربيان فهو مجدي لانه سعره شبه ثابت طول العام والطلب عليه مستمر
تشتريه من البحرين ومن ايران اذا انتىهى موسمه من البحرين تجيبه من موسم الايراني
واذا قدرت توفر السمك والربيان الى الفنادق مباشره
انت ( فنان ) وابشر بالمكسب الطيب خاصه الفنادق في تزايد ويبحثون عن مصدر يوقعون معاه عقد سنوي
ولكن الشغله يبيلها ( دهان سير ) ومابي اوضح اكثر
عليك الانتباه لفرق السعر والانواع الي يحبونه كل منطقه مانحبه في قطر لايحبونه في السعوديه والعكس صحيح
هذا غير ان ممنوع تصدر الاسماك الا لازم يكون عندك ( سفينه صيد )
وهناك انواع محدده مسموح تصديرها
وكل اسبوع تتغير الانواع الى انواع اخرى حسب الفائض في السوق
يعني اذا سمك ( الشعري ) فائض بالسوق يسمح لتصديره
واذا بعد كم يوم اصبح شحيح بالسوق يتوقف تصديره ويمنع
يعني ماتقدر تلتزم بعقد مع احد خارج قطر لانه بكل لحظه تتغير الانواع
بالنسبه للاستيراد ايضا هناك قيود معينه اتمنى تعرفها قبل الدخول فيها
لذلك زراعه السمك في احواض داخل قطر ( اكبر ) فائده ويضمن الاستمراريه
والدوله تشجع على ذلك
من خلال ( بنك التنميه ) لو تقدم دراسه لهم بيكون افضل
وراح تحصل على الرخصه من طريقهم اسهل بكثير
لانه تحصيلها لوحدك بيكون شبه مستحيل
,
,
التعديل الأخير تم بواسطة شموخ دائم ; 23-03-2016 الساعة 02:05 PM
كانفي مشروع على شاطئ الوكرة ولكن كالعادة تخبط الأراء ما شاف النور .
قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».
شكراً لكم علي الردود الطيبة ...وأثراء النقاش لتعم الفائدة للجميع
جزاكم الله خير
بن غيث
بوتميم
شموخ دائم
اكسبرت
السلام عليكم ورحمة الله وبركاته
بالنسبة للمشروع ومن خبرتي وتخصصي في المجال ،،
هو مشروع مربح ،، بشرط تحصل على عقود ،، لانك تقدر تتحكم بالكمية اللي تبي توصل لها وتبيعها
بعدين استزراع الاسماك اللي تعيش في البحر مكلف اكثر من السمك اللي يعيش في الماي العذب
في مشاريع مختلفة لاستزراع الاسماك حاليا موجودة، راس مطبخ ، مزارع خاصة غرب الجميلية وغيرها
الاستيراد ما انصح فيه لان يلزمك تشتري ثلاجات كبيره مكلفه كثير مقارنة بالمشروع بالاضافة الى تكاليف النقل والتخزين والجمرك
في تجارب لدول اسيويه يسوون الاستزراع بشكل ابسط واكثر فائدة ،، وهي عباره عن تخصيص مساحة معينة في البحر تكون مشبكة ، تنحط فيها الاسماك وفي طريقة معينة تمنع خروج الاسماك وتسمح بتغير الماي
وتقسمها انت اقسام على حسب المراحل العمريه ، وتستزرع فيها ،، بس لازم تاخذ الموافقه من الجهات المختصة
اما فيما يخص اسعار الاسماك في السوق انها مرتفعه ،، هذا من خبرتي يرجع لاسباب كثيرة ،، منها المبالغة في الاسعار
على سبيل المثال: اذا بتروح فرضة الخور وقت المزاد اول ما يفتح السوق بعد الفجر بتلاقي العمال بينهم البين يطيحون السوق ويرفعونه
اتذكر مره خذيت خباط 11 حبه طلع الكيلو تقريبا ب 220 ريال قلت زين (الكيلو يعادل 22 ريال)
رحت الوالد الجمعية اللي في منطقتنا بنفس اليوم لقى الكيلو ب 40 ريال ؟؟؟؟
المشكلة اخوي مو كل انواع الاسماك ينفع معاها الاستزراع يعني المعروف ان في نوعين البلطي والبوري وهذي الانواع معروفة ومطلوبة عند جنسيات معينه يعني ماينفع تستزرع شعري او هامور على حد علمي
أراد إخوة سيدنا يوسف ( عليه السلام) أن يقتلوه ( فلم يمت) !ثم أرادوا أن يمحى أثره ( فارتفع شأنه) !ثم بيع ليكون مملوكا ( فأصبح ملكا ) !ثم أرادوا أن يمحو محبته من قلب أبيه ( فازدادت ) !...فلا تقلق من تدابير البشرفإرادة الله فوق إرادة الكل.
شكرا حنظلة ع المعلومهالمشاركة الأصلية كتبت بواسطة حنظلة
هل فكرت تستورد استاكوزا من تايلند ؟
(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ)
ضوابط المشاركة
رد مع اقتباس
