المتحدة للتجهيزات ( الابواب ) و الجاكوزي لحمام الماستر

[$الملياردير$]

السلام عليكم و رحمة الله و بركاته .. الله يصبحكم بالخير و يجعلها نهاية اسبوع جديدة عليكم ... حبيت اخذ رايكم و استفيد من خبرتكم في مجال الابواب و المناجر المتميزة من ناحية الاسعار و الجودة و احترام المواعيد ....علما اني مريت امس المتحدة لقيت عندهم ابواب يقول خشب صولد تصنع في الكويت و تجي مغلفة كل باب بكرتونه و تركب اخر شي بعد اعمال التبليط بطريقة فوم او كبس معينة والاسعال من 2000 الى 3000 ريال ارجو لو حد من الربع تعامل معهم يفيدني و ينقل تجربته ....

اما الموضوع الثاني يالربع بخصوص الجاكوزي محتار فيه مكان 150*150 هل احط جاكوزي او بانيو عادي هو في الماستر ابي رايكم و تجاربكم مع الجاكوزي من ناحية الكهرباء و الالتماس ومن ناحية الصيانة ....اختلفت اراء الشباب من مؤيد الى معارض وجميعهم يقولون الامر راجع لك ..فحبيت اخذ ارائكم في الموضوع ولكم جزيل الشكر

[اللوز]

بالنسبة للابواب والمناجر
عندك منجرة المفتاح
منجرة الشرق
بخصوص الجاكوزي تقدر تحط جاكوزي وتقدر تمر على محل جاكوزي في طريق سلوى بس لا تحط البانيو وركب شاور ويكون من بلاط ومر على نابينا شوف عندهم انواع جديدة
لكن اذا انت بيتوتي يعني بمعنى انك قاعد في البيت فركب جاكوزي
اما اذا وقتك طول اليوم في زحمة الشوارع فما تحتاج لجاكوزي

[$الملياردير$]

جزاك الله خير اخوي ... قصدك شور واقف في جهة و جاكوزي جنبة ... مريت محل جاكوزي قالي صناعة بحرينية اسمه هابانا هل منتجاته زينه

[اللوز]

جزاك الله خير اخوي ... قصدك شور واقف في جهة و جاكوزي جنبة ... مريت محل جاكوزي قالي صناعة بحرينية اسمه هابانا هل منتجاته زينه

انا رفيجي أخذ من عنده جاكوزي لكن لحد الآن ما ركبه والسبب تشطيب البيت
نعم يكون الشاور واقف وحبذا يكون مخفي في الطوفة تفس الفنادق
لكن كم مساحة الحمام ؟

[$الملياردير$]

4*2.8

[شموخ دائم]

,

,


مرحبا

اخوي الكريم


بالنسبه للابواب زينه ومجربه وصناعتها جيده والفنش مالها ممتازوالصبغ ايضا ممتاز

حصلت لنا مشكله ( تاخير ) معاهم
والمشكله الثانيه بعض الابواب كانت مقاساتهم مو مضبوطه
وتاخر اعاده توريدها للاسف

الانتظار كان بحدود 3 شهور التجربه قبل 4 سنوات

وفي ناس امورهم طيبه ركبوا عندهم وكل شي تمام

بشكل عام الابواب زينه وصبغها زين والفنش ممتاز

,

,

[$الملياردير$]

جزاك الله خير ... اخوي شموخ على ردك الكريم

[معماري قطري]

الأبواب ركبها إخوي وجات بقراطيسها وفي وقت سريع ما اتوقع مناجرنا يضاهون مصنع وعد بخطوط انتاج وجودة وحدة وسعر معقول .. فيه منها اللي تجي بربلات ما تسوي صوت لو صكيت الباب وعازلة للصوت الخارجي

إنتبه للمداخل والممرات الفاصلة ركب مقاومة للحريق لساعتين أفضل لك .. وبعضها تجي مبطنة بالجبس منها تكون خفيفة ومقاومتها عالية للنار

الجكوزي تبي الصج تدليع ركبت 4 وكلهم من شركة شبيب وعلي العطية ومن ماركة جكوزي .. ولو تحب نوع مدمج يجيك جكوزي وشاور مع بخار بعد عندهم

انا تقريباً دوم استخدمه لكن عيالي لا .. وعندك مساحة واسعة تقدر تركب جكوزي وتسوي شاور واسع وتمدد له كهرب حتى من خارج الغرفة وتركب مكينة بخار من عند النزيه أو أي محل يوردها مثل جيمكو لأحواض السباحة واعتقد تدمر

الجكوزي اهتم بالماركة والتصنيع لأن فيه نظام حماية وفيه نوعيات تشطيبها زين وقوي ما يلصق فيها الوصخ .. ماركة جكوزي مثلاً غالية حتى في بلد المنشأ أمريكا وقارنت قطعة محصلها ب 35000 في قطر حصلت نفسها ب 42000 في دبي ولا ينزلون وقطر كان آخر سعرهم بعد .. وكانت الجكوزي والشاور المدمجين وركبت مفصولين وأكبر وأرخص

لو تبغي توزيع لحمامك مستعد ولو تبغي خصم خاص عندي علاقات في تدمر وشبيب وعلي العطية أما المتحدة العلاقات عادية بتحصل فيها خصم بروحك ولا تنسى بعد العمودي مرهم ونابينا اتوقع عندهم معدات زينة ورفيجنا كافود

[$الملياردير$]

مشكور اخوي معماري الأب الروحي على رد الكريم ... محل جاكوزي اللي مريت الصناعة بحريني بعد دوار مدماك ع اليمين عند السهو و كنتراكو كان سعره في حدود 12000 الفل أوبشن الفئة الذهبية على كلامة خايف من انخفاض السعر

[معماري قطري]

مشكور اخوي معماري الأب الروحي على رد الكريم ... محل جاكوزي اللي مريت الصناعة بحريني بعد دوار مدماك ع اليمين عند السهو و كنتراكو كان سعره في حدود 12000 الفل أوبشن الفئة الذهبية على كلامة خايف من انخفاض السعر

العفو يا اخوي .. وانت قارن وتقدر تشوف جكوزي الأصلي ومواصفاته في النت بسهولة وحسب احتياجك قرر .. انا تجربتي مع جكوزي الأمريكي وهي أول ماركة في العالم تصنع الجكوزي وباسمها سموا الجكوزي .. بعدين ما عمري سمعت عن التماس كهربي من هذي الأجهزة حتى التقليد منها لكن الاحتياط واجب والجودة تبين عندك بالعمر الطويل

شوف موضوع الجديد في المطابخ والحمامات حطيت فيه صور ومواقع لشركات زينة تقدر تطلب منهم يشحنون لك بعد .. فيه شركة استرالية تصنع نوعيات ما شفتها عمري في قطر وأسعارها معقولة