العلاج بالخارج - الضوابط الجديدة غير مدروسة !!

[Right]

رفع الصور




مطالبة الحالات التي تم وقف بدلاتها بالعودة للدوحة لاستكمال العلاج

ضرورة أخذ رأي الطبيب المعالج قبل تقرير العودة للعلاج في قطر

مطلوب معايير واضحة لا تمنح سلطات تقديرية بالموافقة أو الرفض



بعض المرضى يكتشفون في الخارج عدم دقة تشخيص مستشفيات الدوحة

التعديلات الجديدة تشمل تخفيض مدة السفر إلى شهر قابل للتجديد

إلغاء صلاحيات الملحق الطبي في منح موافقة العلاج المتقطع



!!!



جريدة الراية

[Right]

[Right]

[Right]

[r3aad]

شهر ياخوي ماتسوي شي ،، مايمدي اصلا يفحص !!! مايمديه يسوي شي كلللش!!!
الله المستعان

[HAMAD2008]

كان من الافضل تطبيق هذا النظام على المرضي اللذين يتقدمو للعلاج بالخارج ،، وليس المرضى المتواجدين خارج الدوله ،،قطع العلاج عن هؤلاء هو الخطاء بعينه ،، وكان كذلك من الافضل التمديد لهم لمده معينه كااخر تمديد ليعرف المريض ومرافقه حدوده للرجوع للدوحه،، ولكن قطع العلاج بهذه ألطريقه وفجاءه لايقبله العقل ولا المنطق .. والله يسامح الدكتور صالح المري .. والوزيره حنان الكواري على هذا التغييرات الغير مدروسه بتاتا ،،، فشلتونا وبكل صراحه

شكرًا

[ممنوع اللمس]

انا اعالج في المانيا
اما سالفة تمديد كل شهر !! بعرف من صجهم والا يمزحون

ثاني شغله اضافه علاج مفروظ من هنا تتم الموافقه
اما الحين يرسلون التقرير للدوحه ويجتمعون اللجنه كل اربعاء ويردون عليهم هنا عقب يسير خير

طبعا رد اللجنه معروف ما يحتاج الواحد ينتظر
المفروظ كل المكاتب الطبيه لها صلاحيه تمديد حسب حالة المريض
واضافة علاج وجميع الامور
لان هم متواجدين فالدوله ويعرفون الحالات
بصراحه ماعرف شقول الله يعين اللي يعالجون برى مع النظام الجديد

[ممنوع اللمس]

عندي الوالد سوو له عمليه بعين وحده ويوم خذنا موعد للعين الثانيه
جات سالفة النظام والحين صار لنا اسبوعين ننتظر قرار اللجنه بقطر بالموافقه علشان يكمل علاجه
واسبوعين بدون رد المفروظ من البدايه مايسوون له مو عين ويخلون عين
يالله ننتظر الاخوان الافاضل باللجنه متى يردون
الافضل ان المكتب الطبي هو يقرر

[أسير الاسهم]

الترشيد في الانفاق في أمور البذخ .. والحفلات والمهرجانات .. مو في الصـحـــه !!

إذا الشخص طالع من هنا بتقرير من الاطباء في مستشفى حمـد يقول انه ما لك علاج عندنـا . . ما نقدر على علاجك . . ما نعرف .. ما عندنا علم . . ما عندنا تكنولوجيا واجهزه متطوره . . ما عندنـا لك طب . . وش يقعدنـي عقب ذالرد منهـم !!

حرام هالقرارات الغيـر مدروسـه . . شهـر ما يمديـه يفحص وتطلع نتائج الفحص ويطلع له تقرير طبي فالدوله اللي هو فيها !!

بعدين اذا فحص .. وطلع التقرير هذي يبي لها مدة + مدة إرسال التقرير للجنة الطبية في قطر وانتظار الرد عليه تكون مدة الشهر انقضت وملزم بأنك ترد الدوحة !؟ كنك يا بو زيد ما غزيت

أقسم بالله عيب .. ترشيـد في العلاج .. في دول يآخذون مصاريف فاليوم أكثر من القطريين .. ما قلنا شي ساكتين والحمدلله ماشيه الأمور .. أما انه طول فترة العلاج بقعد أحاتي ومطرش تقريري كل شهر للجنة الطبية ابي موافقة .. وكل شهر على هالحالة شهالمرمطه .. وش له ملحق طبي فالخارج كنسلوهم خلاص شنو شغلتهم .. حجز مواعيد بس ؟؟

تبي تسوي ترشيـد .. سوو ما في مشكلة ولكن أدرس الموضوع زين ؟؟
للناس اللي تبي تروح أول مرة قبل ما توافق على انهم يروحون .. أدرس حالتهم زين شووف لهم علاج هنا والا لا ؟؟ اللي هناك خلاص .. اتق الله فيه .. وتابع تقاريره مع المستشفى اذا الاطباء هناك قالوا خلاص .. رجعه الدوحه .. اذا للحين اتق الله فيه .. زود على ما فيه من مرض تبي تغثه كل شوي بتقارير وموافقه ورفض وارجع ووقفنا عنك المصاريف

الحين مو معناته انت مسؤول جديد .. بتوفر على الدولة مصاريف معناته انت مظبوط .. لا يبـه بتوفر على الدوله من هنا .. وبتجيك دعاوي المرضى من هناك ..

اتمنى تصحـيــح الوضع .. أقسم بالله قرارات تمرض

[بوحارب]

لجنة العلاج بالخارج من زمان وخدماتهم اقل من المستوى المطلوب

وحاليا زادوا الطين بله بهذا القرار اللي ماله داعي