السلام عليكم ورحمة الله وبركاته
نفكر بعيد الاضحى لو ربي احيانا نروح برشلونه بعيد الاضحى واول مره نروح لها
ونبي فندق موقعه زين ومعتدل السعر وكوننا عايله كبيره فصعب التنقل من منطقة الى اخرى فحدنا برشلونه
مع الشكر
السلام عليكم ورحمة الله وبركاته
نفكر بعيد الاضحى لو ربي احيانا نروح برشلونه بعيد الاضحى واول مره نروح لها
ونبي فندق موقعه زين ومعتدل السعر وكوننا عايله كبيره فصعب التنقل من منطقة الى اخرى فحدنا برشلونه
مع الشكر
تأكد من حالة الجو، لان أظن بيكون حر، لان على ما اذكر رحت لها شهر 9 من كم سنة و كان حر.
من حسن إسلام المرء تركة ما لا يعنيه
مرحبا اختي
وقت سفركم تقريبا بنص شهر 9
هالوقت الجو راح يعتدل وبدايته يعني ممكن يكون ممتاز
اما قبل راح يكون الجو حار ومشمس
نفس ماقال لج اخوي هامور فور ايفر
السكن في الرامبلا اذا تبغون كل شي جنبكم والحركه والمحلات والمطاعم والاحياء الي حواليها مثل الحي القوطي وغيرهم
او السكن صوب الميناء وهو في اخر شارع الرامبلا جهه ساحه كولمبوس
راح اعطيكم اقتراحات للسكن ان شاء الله
بس ابغي اعرف وين تبغون السكن مع الزحمه والناس
او تبغون الهدوء والمكان رايق على البحر !!
وممكن اعرف كم شخص انتو بالضبط مع ذكر اعمار الاطفال !
وابغي اعرف كم يوم سفرتكم
وابشري ان شاء الله
ماجستك ريزدنس شقق محترمه وراقيه على مستوي برشلونه واسعارها معقوله نوعا ما وفي شارع الماركات قدام فندق الماجستك
وفي فندق في نص الرمبلا محترم ويوفر شقق فندقيه واسعاره زينه بس المستوى عادي جدا اذا انتو من النوع الي مايهمكم شكل الشقه او فخامتها مجرد للنوم بس ومن الصبح لين الليل في الخارج انصح فيه
هذولا الي جربتهم وفي شقق على البحر بامكانج التواصل مع سفارتنا هناك ناسي والله اساميهم بس افضل حل تتواصيلن مع سفاراتنا في مدريد بيعطونج رقم وحده اعتقد مغربيه شغاله في مكتب لهم في برشلونه ترتب لج شقق في هالمنطقه جنب المول الكبير ع البحر وبرشلونه اسعارها مختلفه في المواسم عادي السعر يضرب 500% زياده وفي الايام العاديه رخيصه
وبامانه من ارخص الدول الاوروبيه الي زرتها سواء في الملابس الماركات العالميه او المطاعم او حتى الفنادق بس اهم شي تتاكد مايكون عندهم كونغرس او حدث دولي مهم في الفتره الي بتزورونها
ومن ناحيتي اوصي بشقق ماجستك