السلام عليكم ورحمة الله وبركاته
أكرر إخواني في هذا اليوم المبروك نيتي في نشر بعض الرسائل الخاصة هي الفائدة العامة وبدون نشر مضمون يوضح صاحب الرسالة
وصلني من فترة استفسار عن معالجة الشلوخ في السقف .. وذكرت كيف كان سقف غرفة في بيتنا القديم وكيف تمت معالجته برخيص باسمنت مخلوط ببيض وكان سقف غرفتنا متضرر أكثر
الأخ اللي راسلني وضح لي بالصور وبمقطع فيديو كيف السقف .. وهو اتفق مع شركة هي الشركة القطرية للأعمال الهندسية .. وأتوقع أي شركة تقدر تسوي الشغل .. خلوني أول احط صور الشلوخ في السقف
يتضح لي من الصور فوق إن المشكلة من الرطوبة سواء كانت نازلة من برا بسبب ضعف العازل أو بسبب غطاء الخرسانة الضعيف ودخول رطوبة الجو من الهواء داخل البيت .. غطاء الخرسانة يبين ضعيف والحديد مصديء .. لكن الخرسانة جيدة
بالمقارنة مع بيتنا القديم كان وضع بيتنا أسوأ بحول 3 أَضعاف الوضع هذا وقطع الخرسانة كبيرة اللي ساقطة وتم اصلاحه برخيص ذاك الوقت وبطريقة البيض مثل ما ذكرت اللي ما دخلت تفكيري وقتها لكن نجحت وللحين بعد حول 25 سنة البيت موجود ومؤجر بدون مشاكل
وإِليكم عرض الشركة وعقدهم
الشركة نفذت شوي أكثر مما في العقد من ضمنه بيم حديد واعتقد بيتم التدعيم بخشب .. البنود المالية كالعادة في صالح الشركة والسعر 1250 للمتر المربع بإضافة سعر اضافي لتشطيب السقف بالجبس + وفي رأيي هو الأهم عزل السقف كله من جديد لأَن هذي المنطقة صغيرة والمشكلة أكيد منتشرة لباقي الغرف .. العزل بيمنع الرطوبة أكثر وبيأخر الصدأ والشلوخ لكن ممكن تحتاج اصلاح من تحت في المستقبل وأقصد هنا باقي غرف الدور الأول
هذا فيديو رفعته على قناتي لليوتيوب وإن شاء الله أرفع المزيد بالتدريج .. وهو من تصوير العضو صاحب المشكلة
نلاحظ في الفيديو تم تركيب بيم حديد على الجدار لحمل السقف والمالك عمل تصميم للجبس لكن ما يبين لو التصميم متناسب مع مكان البيم أو العارضة بالعربي ولا يبين عمق المربعات الداخلة وممكن يكون فيه اختلاف على التصميم بأن هذي خطوط مرسومة والمربعات غير داخلة وتحتاج تفصيل أكثر برسم هندسي وقطاع يوضح المقاسات