تحذير شده اللهجه من تعامل مع هالدكتور سمير القوسمي
السلام عليكم ورحمه الله وبركاته
اخواني اخواتي
مهب عارف كيف اشرح ومن وين ابداء
احباط وحزن وقهر
باللي حصل
ام العيال مصابه بقرنيه مخروطيه وعانت منها لسنوات طويله ولكن كان تشوف منه بواسطه العدسات
ويبقى العدسات مش حل دايم لانها بكل بساطه تطيح من عينها وتم واقفه مكانها ونقعد ندور عليها هالعدسه بالسياره ولا بالبيت ولا بالخارج مشكله عويصه لانه العين مخروطيه ماتمسك
ولكنها مجبوره
رحنا كل مكان المغربي الكحال الريفي التخصصي
لين شفنا هالمدعو القواسمي على قناه الجزيره وقنوات ثانيه
وشدينا الرحال للاردن
وتم العمليه وهي تشريط العين اي جرح القرنيه بالموس على شكل هلال هلال فوق وتحت وجنب ويسار يمين مخلا مكان بالعين الا حرجه بالموس
وحجته انها القرنيه المخروطيه تشد وترجع لوراء ويلتم الجرح
وتمينا على هالحال ولا فاد وقلت يمكن يبي له وقت حسب تعليمات الدكتور
وقلت نروح لدكتور فهد القحطاني ورحنا له انصدم قال بالله من سواها علمنه باللي صار قال راحت عينك مالك الا تشلينه كامل وتزرعين بداله واحتمال برفض الجسم له
ولين جاء هالاسبوع الفائت وديتها لبحرين عياده الدكتوره هيفاء
وشافت العين وسوت فحوصات كامله
وقالت الدكتوره هيفاء انه الدكتور القواسمي تم عمل مؤتمر لتنبيه وتحذير ناس منه
ونرجع لنتيجه الفحوصات العين اليسار 100% ماتشوف منه الا نور بس
والعين اليمنى فقدان نظر نسبه 95 %
ولا اقول الا حسبي الله ونعم الوكيل فيه
وعمليه ام العيال نهايه الشهر على يد الدكتور هيفاء باذن الله
وقالت الدكتور فيه حلول عندها بس للعين اللي مامستها القواسمي
وانتي عيونك لعب فيها كلها ولا تنفع معك الحلول الا بنحاول فيها وعسى الله يفرجها على يدها ويرجع بصرها
حلول دكتوره هيفاء للي فيهم القرنيه مخروطيه
1-قطرات وتعريض الاشعه على العين هنا توقف المخروطيه عن النمو مستمر
2- زراعه قرنيه جزئيه مش كامله السبب في حاله رفض الجسم للجزئيه تبقى العين سليمه من تشواهات
3- زراعه عدسه داخل العين
وارجو من الاخوان الانتباء من الدكتور سمير
اقولها لكم وقلبي محروق ومن باب التجربه
|
رد مع اقتباس
وعليكم السلام ورحمة الله وبركاته
