تحليل بنك قطر الاول

[محلل منطقي]

بنك قطر الاول للحين مجهول القاع والسهم جديد بدليل كل مايتوقع المحلل ان السهم وصل للقاع يخالفه ويسوي قاع جديد الخ والي يشتري فيه على امل المضاربه صعب يتوقع سلوكه ممكن يجمد الفلوس وممكن تصيب معاه بالحظ ويرتفع .. اما فنيا كدراسه ودخول صحيح فبياناته غير كافيه فهو غير جاهز ( وجهه نظري )

السهم ترند هابط منذ الادراج

[مضارب دوسري]

اتفق معاك اخوي

بس سعره مثارنه بوضع المؤشر
ما يتوافق

هالسعر لو كان المؤشر تحت 8500 بيكون معقول

[الكواري 1972]

يذكرني بسهم السلام

فقط تجميع احسن شي

وانسى الموضوع

[مضارب دوسري]

البولينجر يقوول الانفجاااار السعري قادم باذن الله

نسال الله ان يكون قريب

نبي ثبات فوق 8.60 ثم 8.67
ومن ثم ان شاء الله الا ما فوووق 9 ريال وبعدها نحدث


السعر الحالي اثناء كتابة المشاركه 8.50

[مضارب دوسري]

تعديل المتوسطات

مثلا السعر الحالي 8.50

اذا متوسطك 8.70 لا تعدل متوسطاتك الا اذا على بعد 5 % يعني 8.30_8.35 اذا وصلها
ما وصلها خلك طبيعي ولا تعدل متوسطاتك


اذا متوسطك 8.80 وفوق والسعر الحالي 8.50
تبي تعدل عدل عااادي بس لما يكون متوسطك 8.70 خلاص وقف تعديل

لان اذا كان متوسط اسعار شرائك قريبه من السعر الحالي مهما تعدل ماراح يفرق كمتوسط سعري
بعكس لما يكون السعر بعيد
انا مثلا كان متوسطي 9.40
شريت على سعر 8.65_8.60
وشريت على سعر 8.50
هني فرقت معاي كثير لان متوسط اسعاري نزل من 9.40 ووصل الى 8.75
بس طبعا الكميه اللي شريتها عند تعديل المتوسطات اكبر من الكميه اللي كنت املكها يوم كان متوسط سعري 9.40

هل وضحت فكرة تعديل المتوسطات !

واحد ممكن يقول ما عندي فلوس اعدل متوسطاتي ومتوسطي 9 ريال مثلا وما اقدر ازيد
هنا نقول اصبر وانتظر وباذن الله بتقلص خسااايرك

اذا ما تملك فالسهم وتبي تتملك في هالحاله القرار عندك انت تقرر شنو المناسب بالنسبه لك

[محلل منطقي]

ارتداد جميل للأول ماشاء الله .. دخول مضاربين

الرجوع فوق 8.90 جيد جيدا هدف 9.30 ثم 9.70

يجب المحافظه على 8.50 ريال

[مضارب دوسري]

الحمدلله واخيرا انتفض ههههههه

[بوثاني الريان]

[بوثاني الريان]

[معماري قطري]

انا درعمت فيه مستعجل بحدود ال 16 ونزلت المتوسط على دفعات لين 11 والحمد لله راضي بالسهم استثمار لفوق الخمس سنين