الشباب القطري و...الفلبينيات؟

[القلب المؤمن]

السلام عليكم ورحمة الله
يا جماعة الخير مؤخرا دار الحديث بيني وبين زميلاتي بالشغل ان ملاحظين ظاهرة غريبة ومفجعة بين (بعض)الشباب القطري !
وهي كل ماتروح مطعم او كوفي شوب او حتى سينما ماتوعى الا تشوف هالقطري الكاشخ وجالس جنبا الى جنب مع فلبينية مايعة ؟؟ حتى تشوفهم بسياراتهم نفس الشي!! شسالفة شصاير مجاهرة بالمعصية يعني ماعادوا يستحون ولا فتحوا لهم زواج الفلبينيات وحنا ماندري ؟؟
شنو رايكم بهالظاهرة المخزية ؟
وماهي طرق علاجها؟
وشنو الحل مع (بعض) هالشباب ؟؟

واترك لكم التعليق !

[بالمرصاد]

حرية شخصية

[مشاكل]

والله عمري ماشفت هالمنظر ابداً

[راجي الْعفو]

وعليكم السلام و رحمة الله و بركاته


هي مش جديدة ، صار لها فترة


مجاهرة بالمعصية
وقلة حياء
ومافي يد تضرب من حديد ولا هيئة تمنعهم
والبنات بملابس فاضحة في الشوارع
والحلال فيه صعوبة و مسؤولية
والحرام سهل من غير كُلفة
ونسيان مكر الله عز و جل بالعيد في اي وقت
ونسيان الموت
وانشغال بالدنيا


شالنتيجة ؟

الله يهديهم ويعافينا

[مشاكل]

اعتقد السالفة تأليف وافتراء مع احترامي الكامل لشخصك الكريم

[بصمة قطرية]

ضعف الوازع الديني السبب مافي غيره ..
الله يهدي الجميع
و لا يبلانا
و يحفظ عيالنا و عيال المسلمين ..

[راجي الْعفو]

اعتقد السالفة تأليف وافتراء مع احترامي الكامل لشخصك الكريم

اخوي مشاكل ، لها وجود في الواقع
هذه الحقيقة ..

[بصمة قطرية]

بصراحة أنا شفت مع جنسيات عربية
و أكثر من مرة
في المستشفيات
تجي هي تعبانه و هو معاها ..!!!

[مشاكل]

اخوي العزيز راجي مايجوز التعميم ووصف الموضوع كظاهرة
ومب كل من لبس ثوب وغترة وعقال قطري

[عضو دائم]

يمكن بمقطريين فيه عرب وعجم يلبسون الثوب والغترة وسكسك الحية اتقول قبيلي ويعمل عمايل اتسود الوجهه ..