مب ناقصين ديون
ما ادري ليش المهندسين آراؤهم قوية ومقنعة .. مع رأيك .. والبنوك والقروض كل وقت بنقول يا ليت يلغون القرض الفلاني
الحمد لله زواجي كان بسيط وقرار سريع قبل لأخلص دراستي وكلفني مبلغ معقول وأتمنى الكل يبتعد عن المظاهر الزائلة وكثيرين من أهل قطر بنفس الحدود والطريقة .. والحكومة ما قصرت في حد
خوفي يصير شي:
مثلا لو الحكومة وافقت وحددت مبلغ المقرض
فالمهور بتكون بدايتها من هالمبلغ المحدد لانه مضمون
وهني يدخل الشاب في دوامة جديدة ^_^
لا يزال .. لسانك .. رطباً .. من ذكر الله ..
اذكر الله !
العرض والطلب متوفرة
ليش انحمل انفسنا فوق طاقتها
تبي تتزوج ابحث عن وحدة نفس امكانياتك واذا طلبت زيادة دور غيرها اكثر ماكثر الحريم
معقولة انه مشكلة الشباب في 100 ألف ريال عشان يتزوج ويستقر
انا أقول العله والخلل في العقليات وليس في قلة المادة
لأن ياما ناس عندهم فلوس وخير لكن وقت الزواج يستخسر يدفع حق زواجه ويدور الارخص حتى في اختيار شريكة حياته
مع ان لو كان زواج ناجح ومدروس يعد استثمار في حد ذاته ، ويقدر بنفس الوقت يبين حدود امكانياته لأهل العروس من البداية مب عيب ولا حرام!
عموما انا ألوم تربية الشباب في مجتمعنا جيل كامل لا يعتمد عليه الا من رحم ربي او كانت شخصيته خارج نطاق التقليد الاعمى للـtrend المعمول به
سبحان الله وبحمده
انا من وجهة نظري المتواضعه ان غلاء المهور بيزيد في ذي الحالة لانه اهل البنت بيدرون انه فيه بنك بيمول فيقومون برفع المهر فوق
ليش مايكون اتفاق من روس القبايل مع الدوله ع سعر موحد
اتوقع اذا على المهر ترى كلش مب سبب لكن التكاليف الي توصل النص مليون من ومن ومن عشان تجهيز العرس والخرابيط
100الف ولا شي فالوقت الحالي اذا هالمهر اتوقع الشخص اول مايتوظف يحتاج 6 شهور مع مساعدة هله ويغطي موضوع المهر لكن الي بعد المهر كارثه وسبب بعض العقليات الله يصلحها يارب
لكن للامانه اجوف حاليا وايد ناس قامت تفكر ولا تهتم في موضوع قاعه وخرابيط والخ وهم عندهم خير ويقدر يحجز في اغلى قاعة في قطر الحمدلله رب العالمين
الله يسهل على كل شخص يارب
الجمعيات ماتعطي الا الي دخله ضعيف وربعنا ماشاءالله الحمدلله عندهم خير لكن يدفعون فلوسهم ويطيرونها عالوناسه الله يهديهم