السلام عليكم
ممكن اي محل يقدر يصلح لي الهارد ديسك بدون مسح البيانات
مع العلم الجهاز يشتغل لكن مايطلع على الكمبيوتر
السلام عليكم
ممكن اي محل يقدر يصلح لي الهارد ديسك بدون مسح البيانات
مع العلم الجهاز يشتغل لكن مايطلع على الكمبيوتر
بداية هل الجهاز كمبيوتر محمول أو مكتبي؟؟
إذا كان الهارد ديسك (القرص الصلب) داخلي ففي الغالب أي محل كمبيوتر يقدر يسوي هالشي، وحتى الشخص اللي عنده خبرة متوسطة يمكن يقدر يحل المشكلة، لأن احتمال القرص الصلب ما فيه خلل، ويمكن المشكلة في فقدان الاعدادات الأولية عند بداية التشغيل (بسبب البطارية الداخلية أو اسباب ثانية)
ولو كان خارجي بعد يمكن حل المشكلة.
.
التعديل الأخير تم بواسطة بوNasser ; 05-05-2016 الساعة 01:43 PM
شكراً اخوي
الجهاز من نوع wd هادرديسك منفصل احتياطي
يشتغل على التلفزيون والكمبيوتر حجمه 2 تيرا
معاه محول كهربا لما اشغله تدور المروحه وبعد خمس دقايق
توقف ومايطلع لما اشبكه عالكمبيوتر
مره تركته يمكن سنه ماشغلته لانه كان مايشتغل
بس لما حطيته عالتلفزيون فتح وبعدين ركبته عالكمبيوتر
رجعت المشكله ورجعت احطه عالتلفزيون ما اشتغل
يعني للحين البيانات موجوده ابي انقلهم على جهاز ثاني جديد
ما اعتقد تقدري تصليحه لانه wd صعب جدا فتحه و لو فعلا قدرتي تحليه ارجو انك تقولين لنا
ريدينجتون قطر اللي على الدائري الثالث لو ما عرفوا يسووه ما تدوري ولا تحاولي تسوي شي ..
الحل يتم فصل الهاردسك من البوكس الخارجي
ويتركب في كمبيوتر داخلي ( ثانوي ) secondary
وتتم عملية نقل البيانات
وفي حال انه محتاج سكان ديسك لتصليح الاعطال تعملين له
الحالة الاخيرة
وهي القصوى ان يتم فتحه وتغيير البورد وهي حالة صعبة شوي
اتفق معاك ان تصليح الهارد ديسك (القرص الصلب) نفسه صعب، بس اهيه تتكلم عن هارد ديسك خارجي وأعتقد من هالنوعيات أو شي مشابه
فالعلبة فيها القرص الصلب نفسه، وفيها المحول الكهربائي أو خلنا نقول الدائرة الكهربائية لأن المحول ممكن يكون خارجي، وفيها مروحة التبريد، والموصلات
احتمال القرص نفسه ما فيه شي، فرأيي من رأي اخونا متواصل، ان يتم فك القرص وتركيبه على اي جهاز كمبيوتر كقرص اضافي ومن ثم نقل البيانات منه.
وفيه وصلات sata to usb يعني ما فيه داعي نفتح الكمبيوتر علشان نركب القرص الثاني.
تحياتي للجميع
وعليكم السلام ورحمة الله وبركاته،
نفس كلام أخوي خلدون،
هذا موقعهم
رقمهم 40203800
مكانهم
مشكورين اخواني عالردود
بالفعل مثل ماقال اخوي بوناصر ونفس الصور
اعرف هالمحل اغلب اجهزة جرير الصيانه هناك تكون
شكراً مره ثانيه
سلام عليكم
مثل ما قالوا الاعضاء
ربما العيب موب من الهارد ديسك نفسه يمكن من بورد التشغيل والباور المتوصل عليه الهارد ديسك
ومثل ما قالوا لتصليح العيب افضل شي ريدينجتون او صيانة جرير او السوفوتيل
بس تتركين الجهاز عندهم ... والسوفوتيل يصلح الجهاز في نفس الوقت تقريبا بس ما راح تحصل باركن
يوجد محل تصليح كمبيوتر داخل جمعية الميره الدور الارضي (دسمان سابقا ) مقابل جرير
التعديل الأخير تم بواسطة Q0T0R ; 15-05-2016 الساعة 09:53 AM