فنون العمارة هي رموز الحضارة
اشكر الأستاذ معماري قطري ،
والله بصراحة انا مصور المسجد اللي بحينا و هو مبني من حوال الثلاثين سنة ، كل ابو اعمده و صورت الأعمدة و قصدي بنزلها في موضوع عشان تعلقون عليها و يهمني رايك كون العمارة مهنتك ، لكن ترددت وربما تراه في قادم الأيام ،،، حياك يا ابا عبد الله
المعذرة في البطا يا معماري ، امس طلعت ولا رجعت الا في الليل ،، مستوي نوم
السؤال هنا : هل يمكن انا نستبدل الاعمدة بحلول هندسية توفر وظيفة الاعمدة او على الاقل تقلل منها ؟
هل لإستخدام الاقواس مشاكل او تكاليف اعلى ! يتراوى لي البيوت خلاص حكمنا عليه تصير صناديق و زوايا تسعين ؟؟ ما بتعحز الهندسة ،، ياخي انا ودي اسوي بناء في ثلث المساحة و استعمل تصميم الخيمة و اجرب تكون المساحة كلها مفتوحة و قابلة للتقسيم والحركة ! واليوم المواد متوفرة والبي في سي ما بقى شيء ما استوى منه ..مجرد تصورات اتمنى اقدر احققها او على الاقل اشوفها
خذ راحتك إخوي سالم وللكل ظروفه
بالنسبة للمساجد بعضها يسونها على شكل جزء من قبة وتكون بدون أعمدة نهائياً وسقفها منحني .. دوم تعتمد على التصميم الإنشائي الجيد .. هذا أشوف الأعمدة كبار وقريبين من بعض وحتى جايين وسط خط المصلين بين الخطين مب على الخط
تصميم المساجد يعتمد على إن كل صف بينه وبين الثاني 1.2 متر وعرض المكان المخصص للمصلي يكون 60 سم والمساحة المخصصة للمصلي تطلع 0.72 متر مربع .. وهذي الأرقام اتذكرها من حول 15 سنة كنت وقتها انسق مع الأوقاف لبناء مساجد لجهة عملي .. وهذي كمعدل ووقت الصلاة ممكن تكفي البعض مسافة 40 سم أو 45 والبعض حتى 65 سم وممكن أكثر لكن كمعدل .. الثابت هو قياس خطوط وقوف المصلين ك 120 سم بين خط وخط ومنها بسهولة ممكن للمعماري يحدد مواقع الأعمدة بحيث تكون على نفس الخط للمصلين
العرب في السابق في بداية بناء المساجد كان لهم علم وطريقة بناء تختلف .. كان السقف خفيف والأعمدة ضعيفة ويعملونها مترابطة مع بعض بقطع حديد أو خشب تعطي شكل وفي نفس الوقت تمنع الحركة الجانبية للعمود واللي تتسبب في سقوطه .. وابتكروا القوس المسنن واللي ينقل الوزن للأسفل بدون ضغوطات جانبية .. الكنائس كانت بالقوس الدائري واللي يضغط ضغوط جانبية قوية فيضطرون لعمل أقواس خارجية تدعم الداخلية وكذلك يزيدون ضخامة الجدران .. اللي يحب يشوف ويطلع يقرأ عن flying buttresses
هذا مقطع يوضح كلامي بس ما عليك من الكلام المذكور هم خذوا الفكرة من المسلمين هنا في الفيديو ما جابوا هالكلام
لاهنت يا اخ معماري ، واالحقيقة ما ظنيت ان الناس تلتزم بالقياسات المطلوبة في المساجد و اذا طرى عليهم يركبون مساند احتاسوا و ضيقوا المساحات . هذي المساجد ومنها اللي بالصورة لم تخطط من ضمن الماستر بلان حق الأحياء وبناها المواطنيين و الاجتهادات الشخصية لعبت دورها .
ماقصرت حبيبنا المعماري
عندنا الأوقاف مسيطرين والنماذج عندهم ويطورون عليها .. عندهم قسم هندسي للتصميم والاشراف وادارة البناء .. وتفننوا في نماذج جميلة وفريدة ومتميزة وهذي النماذج الكبيرة قصدي مثل مسجد محمد بن عبدالوهاب لو يشتغلون فيها استشاريين غير المتابعة تكون من الأوقاف
للأسف ما يقدرون يسوون كونترول على كل شيء ومرة معماري سيخي صمم مسجد وحط فيه قطع تمثل خرطوم الفيل واتوقع لها دلالات دينية عندهم .. توقع مب يقين والسبب إن مساجد المسلمين كل التشكيلات فيها بلا روح .. قد أكون غلطان لكن الشكل يمثل الخرطوم المرفوع .. المسجد صار له حول 20 سنة مبني ولا اتوقع حد انتبه
حديقة جميلة ومزهرة إحتراماً لها غيرت لون الكتابة .. العمدان البيض والأقواس الحديدية البسيطة محددة ممشى خاص فيها