هو رمز ولا اظن بينتبهون له حول درايش المسجد كتشكيلة جي ار سي .. له حول 20 سنة ما دروا بيدرون ألحين .. يبي له حد يسوي بحث عنهالمشاركة الأصلية كتبت بواسطة CiTy
|
هو رمز ولا اظن بينتبهون له حول درايش المسجد كتشكيلة جي ار سي .. له حول 20 سنة ما دروا بيدرون ألحين .. يبي له حد يسوي بحث عنه
صورت بعض الصور للزراعة الداخلية في البيت وهي مقسمة في كم مكان .. طبعاً الاضاءَة السقفية مخلية الزراعة تطلع بسرعة وبعض النباتات اللي تعيش في البرد تستفيد من التكييف .. المعاونة المنزلية زرعت كرز وطلعت النبتات .. وحدة خلتها فوق بسطة الدرج وعاشت والثانية شوي مذوية وهي صوب الممر بين الملحق والمطبخ الداخلي وهو مغطى ببلاستيك بس حرارته أعلى
صورة مقربة لنبتة الكرز
هذي ما شاء الله ملأت المكان
باشوف لها حل لازم اركب خشب تركب عليه
الصور خذتها الظهر والنور كافي للزراعة
خاطري في أشجار موردة لهذا المكان شتقترحون علي ووين احصلها
ننتقل للخارج وهذا جزء وراء البيت في فراغ بعرض 3 متر ونلاحظ منهول الصرف الصحي معزول بجدار وبعيد عن الزراعة والحمد لله العملية كانت ناجحة خلال ال 12 سنة اللي راحت .. الحفرة كانت بعمق مترين وسويناها من الأساس وحوطناها بالطابوق من داخل مع العزل ببلاستيك سميك دبل عليه دفان وعرض الحفرة حول 80 سم جذع النخلة ألحين وصل للحافتين وشكله بيكسر الطابوق وباصوره لكم إن شاء الله
فيها تين وتوت ونخلة وشوية قرط مزهر وغير مزهر
انا سويت داخل البيت 7 أحواض زراعية ثلاثة في كل جهة وثلاثة يحددون الدوار وواحد هو وسط الدوار
هذي صورة للي جنب الدوار فيه زرعت نخلة كبيرة وشكلها شبه ميته من فوق 10 سنين للحين
الصورة ماخوذه من تحت الطبيلة اللي سويتها بتشكيلة حجر وشجر تناسب الحديقة والحوش وسويتها نازلة ما يبين وجودها بسهولة
الدوار فيه ست أشجار واشنتونيا وافكر احط فيه نافورة أو ازرع شجرة في الوسط غير الفكرة متجهة للرويال بالم تري
دوم الهاردسكيبنغ هو أساس اللاندسكيبنغ
شجرة اللوز جنبها شجرة النخل الشبه ميتة
مبتعد عن الطوفة 60 سم وتلاحظون تحت الطابوق عليه كيسين سماد
وهذا الجزء الثاني قرب الباب ويكمل تشكيلة الدوار
حاولنا نقلد صورة عرضتها الاخت سويت قطر في موضوع أخطاء الصبغ ولا نفع التقليد ومجبور أقول للسواق زين لو قلت مب زين بيزعل
بس شجر الياسمين المتسلق بيملى الحبال كلها بإذن الله يبي له وقت
الصور قبل المغرب بشوي
في الخارج 3 أحواض زراعية فيها سدر وقرط ونخلة وزهور .. ونلاحظ على الحايط البعيد نابت عشب الطويل هذا بدون سقي وبروحه ويجون ناس يحشونه ويطلع ولنا نية نزرع حول اطارات أحواض الزراعة الخارجية
والى هنا انتهى لليوم
أحد الإخوان اراجع تصميم بيته مسوي حديقة وسطية بس حاط فكرتها وانا وزعتها بهذي الطريقة .. طبعاً مفتوحة على فوق والصورة من فوق مقترح يسوي بروز بسيط حق اصيصات زراعة وينعمل لهم نظام ري بالتنقيط وتكون متسلقة وتظلل شوي الجزء الوسطي المفتوح
مساحتها 10 في 10 صافي ومفكر اخلي تحت ممرات ووسطها نافورة ولكل ممر باب يدخل على ممر قزاز صوب البيت .. واحد من الممرات مقترح يسويه مفتوح من الجوانب بس مسقوف حتى يتواصل مع الحديقة الخارجية في الحوش
أتمنى لو اقدر احط التصميم كامل بس بيزعل أكيد لأَنه يعتبره خاص
التصميم اللي فوق كان بيطلع حلو بس المالك قرر يسوي درج حلزوني في الوسط ويسكر من فوق بسكايلايت هرمي .. مع إنه ما يحتاج لهذي المساحة داخلية
هذه جلسة سقفية خارجية
أتمنى لو هذه النوعية من الأشجار المزهرة موجودة لدينا
الخضرة والماء والشمس والظل يجتمعون مع العمارة الراقية خارجاً
مواقد تدفئة للجلسات الخارجية .. من الغاز ولها آلية تشغيل عن بعد عن التسريب والقزاز معالج ضد الكسر بسبب الحرارة
نموذج من الجسور للمشاة وممكن تكون مظللة لكثير من المناطق عندنا .. للبحر مثلاً للمشي للجزيرة ( جزيرة التخيل سابقاً ) .. للمشاة كمعابر لبعض الطرق
فن البناء اليدوي بالحجر
هذي نوعية من تركيب الانترلوك بحيث يصرف الماء بسرعة ويتخزن للري
صباح الخير معماري المتواصل ،، وفقك الله
الزراعة الداخلية اللي في البيت ، بقول رأيي فيها ما احب تصير الاشجار المتسلقة و المعترشة على الدرابزين و المرايات . اشوف داخل البيت طالما المساحة كافيه كما في الصور ،، تكون الزراعة في بلانترات مستقلة و البلانتر يكون بروحة جمالي و الزراعة اللي فيه خضار و ورود ما تخرج عن حواف الحوض . و لا يزيد ارتفاعها عن خمسطعش سم.
اما ،، الحوش بر ،، والله عجبني و ارتحت له جداً و يمكن بس ملاحظ ان الشرفة كبيرة و داخله وسط الحوش يمكن عن قصد ، لكن عموماً الحوش مرتب و عندي بس حلم ( ممكن تنزل ارتفاعات الاسوار على الاقل من جهتين ) ،، احس الخصوصية في بيوتنا ،، جت على حساب الاريحية .
( الله يعطيك العافية بو عبد الله ، وتعظيم سلام )
التعديل الأخير تم بواسطة سالم الزهران ; 24-09-2016 الساعة 10:53 AM
اللهــــــم ارحم أخي فايز واسكنه فسيح جناتك وسائر أموات المسلمين
الله يسلمك ويخليك اخوي سالمصباح الخير معماري المتواصل ،، وفقك الله
الزراعة الداخلية اللي في البيت ، بقول رأيي فيها ما احب تصير الاشجار المتسلقة و المعترشة على الدرابزين و المرايات . اشوف داخل البيت طالما المساحة كافيه كما في الصور ،، تكون الزراعة في بلانترات مستقلة و البلانتر يكون بروحة جمالي و الزراعة اللي فيه خضار و ورود ما تخرج عن حواف الحوض . و لا يزيد ارتفاعها عن خمسطعش سم.
اما ،، الحوش بر ،، والله عجبني و ارتحت له جداً و يمكن بس ملاحظ ان الشرفة كبيرة و داخله وسط الحوش يمكن عن قصد ، لكن عموماً الحوش مرتب و عندي بس حلم ( ممكن تنزل ارتفاعات الاسوار على الاقل من جهتين ) ،، احس الخصوصية في بيوتنا ،، جت على حساب الاريحية .
( الله يعطيك العافية بو عبد الله ، وتعظيم سلام )
انتوا بلادكم ومنطقتكم مشهورة بالزراعة والطبيعة ولازم أفهم مني في هذي الجماليات .. الداخلية صحيح اتفق معاك وكنت مفكر اسوي خشب تحت ممر عندي فيه سكايلايت كبير .. الممر 3 في 5 تقريباً وناوي ازرع عنب يطلع لفوق الخشب .. هذي الزراعة في اصيصات ومجهود مدبرة المنزل
زراعة الزهور والورود صج بتطلع أحلى بس باقول لك سر لتعلم حد .. مب حولي انا ببساطة هاوي ويبي لها معرفة وادور السهل ما تشوفني قلت لك عنب
الخارجية بطولة السائق بتوجيه بسيط مني بس الأحواض عملتها لتتناسب مع ممرات السيارات ومع نوافذ البيت .. والبروز هذا فوق الدوار مكتبي مطل على ثلاث جهات وكل جهة فيها زراعة وافتح الستاير الخشبية من صبح لسهولة فتحها بعد واصطبح بصوت الطيور ورؤية الزراعة .. السائق الله يجزيه خير يحط يومياً ماي للطيور وخبز ورز وبسبب القطاوة يصيدون الطيور حطه فوق سطح غرفة الكهرباء .. كل يوم حفلة عند الطيور واشوف كم نوع منهم ويسكنون الشجر حتى لو مريت في الليل أوقات اسمع رفرفة أجنحتهم واستويت ما امشي في الحوش الصغير احتراما لرغبتهم
كتاب مفيد للي يحب يطلع أكثر على موضوع الفضاءات الخارجية
الكتاب من فوق 300 صفحة بإسم basic elements of landscape architectural design ممكن تنزيله من www.4shared.com
بعض صور الفضاءات الخارجية
رسم لما في الصورة السابق كتخطيط مسبق
لستة النباتات ومواقعها
تفصيل للحفر الامتصاصية للمياه الزائدة لتصريفها في الأرض سواء مياه ري أو مياه أمطار وممكن يستخدم للبيوت
منظر جميل
الله يرزقنا الجنة
عندما يختلط الحجر بالشجر
كراسي حديثة للخارج
قوالب خاصة لعمل أرضيات صلبة للوقوف بالعشب أو كسارة الحجر
بدايات الخريف
التعديل الأخير تم بواسطة معماري قطري ; 07-01-2017 الساعة 04:55 PM
فضاءات خارجية
حديقة فريج في قطر ( إن شاء الله ) في المستقبل
جمالية وعملانية الغابات الخرسانية المدنية
واحدة من تصاميم الزراعة الرأسية
زراعة رأسية وأُفقية
نقطة تصريف لمياه الأمطار لمعالجتها بحدود 2000 جالون في الدقيقة
إنارة ال اي دي حديثة للفضاءات الخارجية .. نبي منها للكورنيش واسباير
عازل مائي وحراري قابل للزراعة عليه
ضوابط المشاركة
رد مع اقتباس
